YBS ယာဉ်လိုင်းပေါ်တွင် ခါးပိုက်နှိုက်ပြီး ဆဲဆိုရိုက်နှက်သူများကို ဖမ်းဆီးအရေးယူ


ရန်ကုန်၊ ဖေဖော်ဝါရီ ၇

ရန်ကုန်တိုင်းဒေသကြီးအနေဖြင့် တရားဥပဒေစိုးမိုးရေးထိရောက်စွာ ဆောင်ရွက်နိုင်ရန်အတွက် ရန်ကုန်တိုင်း ဒေသကြီးရဲတပ်ဖွဲ့၏အစီအမံဖြင့် ဆောင်ရွက်လျက်ရှိသည့် စီမံချက်အရ ခိုး၊ ဆိုး ၊လု ၊ နှိုက်မှု ကျူးလွန်တတ်သူများ၊ မူးယစ်ဆေးဝါး ဖြန့်ဖြူးရောင်းချသုံးစွဲသူများ၊ ပြည်သူလူထုအပေါ် အနိုင်ကျင့်ဗိုလ်ကျ အုပ်စုဖွဲ့ ကျူးလွန်သူလူဆိုးလူမိုက်များ၊ ပြေး(၄)ပြေးများကို ဖော်ထုတ်ဖမ်းဆီးအရေးယူ ဆောင်ရွက်လျက်ရှိကြောင်း သိရသည်။

ယင်းသို့ဆောင်ရွက်လျက်ရှိရာ ဖေဖော်ဝါရီ ၇ ရက်နေ့ နေ့လည် ၁ နာရီ အချိန်တွင် မ----သည် လှည်းကူး မြို့နယ်၊ သနပ်ပြင်ကျေးရွာမှ YBS ယာဉ်လိုင်းအမှတ်(၁)ဖြင့် လိုက်ပါလာစဉ် ဒဂုံမြို့သစ် (တောင်ပိုင်း)မြို့နယ်၊ နတ်စင်မှတ်တိုင်အရောက်တွင် မ----၏ ငွေကျပ် ၉၀၀၀ ပါ ပိုက်ဆံအိတ်အား လူတစ်ဦးမှ နှိုက်ယူသွား သဖြင့် မ-----မှ ပိုက်ဆံအိတ်အား ပြန်ပေးရန်ပြောရာ အဆိုပါလူမှ မ----၏ ဦးခေါင်းအား လက်သီးဖြင့် ထုခြင်း၊ ဆဲဆိုခြင်း၊ တံတွေးနှင့်ထွေးခြင်းများပြုလုပ်သည့်အပြင် အဆိုပါလူနှင့်အတူ ပါလာသည့် လူနှစ်ဦးမှ ၀ိုင်းဝန်း ဆဲဆိုပြီး လက်လိမ်ချိုးသဖြင့် မ-----တွင် ဖူးရောင်ဒဏ်ရာများရရှိခဲ့ကာ ယာဉ်ပေါ်ပါခရီးသည် မောင်----မှ ၀င်ရောက်ဖျန်ဖြေပေးစဉ် ၎င်းကိုပါဆဲဆိုပြီး တံတွေးနှင့်ထွေးခြင်းများပြုလုပ်၍ ယာဉ်မောင်းမှ ဒဂုံမြို့သစ် (တောင်ပိုင်း) မြို့မရဲစခန်းသို့ ယာဉ်အား မောင်းဝင်ခဲ့ပြီးနောက် ရဲတပ်ဖွဲ့ဝင်များမှ စစ်ဆေးရာပြစ်မှုကျူးလွန်သူ များမှာ ဒဂုံမြို့သစ်(အရှေ့ပိုင်း)မြို့နယ်၊ အမှတ်(၅)ရပ်ကွက်နေ နေဖုန်းအောင်(ခ)ဟိန်းဇော်ဦး (၃၁)နှစ်၊ မြောက်ဥက္ကလာပမြို့နယ်၊ အမှတ်(ဋ)ရပ်ကွက်နေသူများဖြစ်သည့် ထက်အောင်(၃၆)နှစ်နှင့် ဖြိုးဝေထွန်း(ခ) ဖြိုးကြီး (၂၃)နှစ်တို့ဖြစ်ကြောင်း ပေါ်ပေါက်ခဲ့သည်။

ပေါ်ပေါက်ချက်များအရ နေဖုန်းအောင်(ခ)ဟိန်းဇော်ဦးပါ(၃)ဦးတို့အား ဒဂုံမြို့သစ်(တောင်ပိုင်း)မြို့မရဲစခန်း(ပ) ၂၈၇/၂၀၁၈၊ ရာဇသတ်ကြီးပုဒ်မ ၃၈၂ / ၃၅၄/ ၂၉၄/၁၁၄ ဖြင့် အရေးယူဆောင်ရွက်လျက်ရှိကြောင်း သတင်းရရှိသည်။

Yangon Police
https://www.facebook.com/yangonpolice/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ