RCSS/SSA နှင့်ပတ်သက်သည့် ဟိုပုံးဒေသခံ ၈ ဦး ထောင်ဒဏ် ၁ နှစ်မှ ၁၀ နှစ်အထိချမှတ်ခံရ

တနိုင်ငံလုံးအပစ်အခတ်ရပ်စဲရေး NCA စာချုပ်လက်မှတ်ရေးထိုးထားသည့် သျှမ်းပြည်တပ်မတော် RCSS/SSA အား ထောက်ပံ့ဆက်သွယ်မှုဖြင့်ဖမ်းဆီးခံရသည့်ရွာသားများအား ဟိုပုံးမြို့နယ်တရားရုံးက ထောင်ဒဏ် ၁ နှစ်မှ ၁၀ နှစ် ထိ ချမှတ်လိုက်သည်။

ဖေဖော်ဝါရီ ၂၆ ရက်နေ့က  တရားခံ ၈ ဦးကို သျှမ်းပြည်တောင်ပိုင်း ဟိုပုံးမြို့နယ် တရားရုံးက အမှုပေါင်းများစွာ ဖြင့်​ထောင်ဒဏ်ချမှတ်ကာ ​တောင်လေးလုံးအကျဉ်းထောင်သို့ ပို့​ဆောင်ကာ အကျဉ်းချလိုက်သည်။

၂၀၁၇ ခုနှစ် ဂျူလိုင်လလယ်ပိုင်းက ​ဒေသခံ ၈ ဦးအား RCSS/SSA နှင့်ဆက်သွယ်သည်ဟုဆိုကာ အစိုးရ တပ်မတော်မှ ဖမ်းဆီးထိန်းသိမ်းထား သည်။ ထို့အတူ တပ်​တော်မှ တရားလိုအဖြစ် ၎င်းတို့အား အမှု ၁၂ မှုဖြင့် တရားစွဲဆိုကာ ဟိုပုံးမြို့တရားရုံးတော်မှ အဆိုပါရွာသား ၈ ဦး အား​ထောင်ဒဏ်အသီးသီး ချမှတ်လိုက်ခြင်းဖြစ် သည်။

“တယောက်မှ မလွှတ်ဘူး၊ မနေ့က မနက် ၁၁ နာရီမှာ အမိန့်ချတယ်၊ ၃ နှစ် ၇ နှစ် ၁ နှစ် ၁၀ နှစ်တွေလဲပါတယ်။ အမိန့်ချပြီးတာနဲ့ ချက်ချင်း တောင်လေးလုံးကို ပို့လိုက်တယ်။ တရားသူကြီးက စုရတနာလှိုင် ဖြစ်တယ်၊ တရား မျှတမှု ရှိမရှိလားတော့မပြောတတ်ဘူး၊ ဒါမယ့်တရားစီရင်ရေးတော့ ပြည်သူကနေပြီးမှ ယုံကြည်တယ် အားကိုး တယ်ဆိုတဲ့ဟာ ပြတ်သားသွားတာပေါ့၊ သူတို့ ဒီလိုအမိန့်ချလိုက်လို့ ပြည်သူတွေတရားရုံ​တော်ကို အားကိုးလို့ မရတော့ဘူး၊ ဒီတရားစီရင်ရေးမှာ ဘာလို့လဲဆိုတော့ သူတို့ လွှတ်ပေးလို့ရတယ် ဥပဒေနဲ့ပြောရင် ကောင်း ကောင်းလွှတ်ပေးလို့ရတယ်၊ဒါမယ့် သူတို့ မလွတ်ပေးရဲဘူး သူတို့မလွတ်ရဲလို့ အကုန်အမိန့်ချလိုက်တယ်” ဟု အမှုလိုက်ရှေ့နေ စဝ်မြဝတီ က သျှမ်းသံတော်ဆင့် ကိုပြောသည်။

အမှု ၁၂ မှုမှာ လက်နက်မှု၊ ဥပဒေမှု နှင့် အရေးယူတာဖြစ်ပြီး ပို့ကုန်သွင်းကုန် ဥပဒေ၊ ဆက်သွယ်ရေးဥပဒေ နှင့် စစ်ဆင်ရေးနယ်မြေအတွင်းမှာ ဝင်ရောက်တယ်ဆိုပြီး ကာကွယ်ရေးဥပဒေ နှင့် အရေးယူထားတာဖြစ်ကြောင်း သိရသည်။ အဆိုပါ ဖမ်းဆီးထားသည့် ဒေသခံ ၈ ဦးသည် ၁၀ ကြိမ်ထက်မနည်း တရားရုံးတက်ရပြီး တစ်စုံ တစ်ရာ ချမှတ်စီရင်ခြင်းရှိဘဲ ရုံးဆက်တိုက် ချိန်းဆိုကြောင်း သိရသည်။

၂၀၁၇ ဂျုလိုင် ၁၇ ရက်နေ့က ဟိုပုံးမြို့နယ် နမ့်ခုတ် ရွာသား ၈ ဦးအား အစိုးရတပ်မတော် ခြေလျင်တပ်ရင်း ခလရ အမှတ် ၂၂၅ နှင့် ၂၄၉ တို့မှ သျှမ်းပြည်တပ်မတော် RCSS/SSA ၏ သတင်းမေးမြန်းရာ သတင်း မပေးဟုဆိုကာ ၄င်းတို့အား ဖမ်းဆီခေါ်ဆောင် အချုပ်ခန်းတွင်ချုပ် နှောင်ထားခြင်း ဖြစ်သည်။

သျှမ်းပြည်တပ်မတော် RCSS/SSA သည် အစိုးရတပ်မတော် နှင့် တစ်နိုင်ငံလုံး ပစ်ခတ်တိုက်ခတ်မှု ရပ်စဲရေး စာချုပ် လက်မှတ်ရေးထိုးထားသောကြောင့် နေပြည်တော် အစိုးရမှ ၂၀၁၅ အောက်တိုဘာလက မတရား အသင်းမှ စာရင်းပယ်ဖျက်ထားသည့် သျှမ်းတိုင်းရင်းသား လက်နက်ကိုင်တော်လှန်ရေးတပ်တစ်ခုဖြစ်သည်။

သျှမ်းသံတော်ဆင့် / နန်းဆိုင်ဖူး
http://burmese.shannews.org/