ခိုက်ရန်ဖြစ်ပွားရာမှ တပ်မတော်အရာရှိတစ်ဦး သေဆုံး

ဖမ်းဆီးထားသည့် လူငယ်များ ။  ။ ဓါတ်ပုံ - (facebook)

မန္တလေး၊ ဖေဖော်ဝါရီ ၁၁၊ ၂၀၁၈

မန္တလေးတိုင်းဒေသကြီး ကျောက်ဆည်ခရိုင် မြစ်သားမြို့နယ် ကူမဲ ဆည်တော်နံဘုရားပွဲတွင် ဖေဖော်ဝါရီလ (၁၀) ရက်နေ့ ည (၁၁) နာရီခွဲအချိန်ခန့်က ခိုက်ရန်ဖြစ်ပွားရာမှ တပ်မတော်အရာရှိတစ်ဦး သေဆုံးခဲ့ကြောင်း ကျောက်ဆည်ခရိုင်ရဲတပ်ဖွဲ့က သိရသည်။

သေဆုံးသူသည် ရန်ကုန်မြို့ အမှတ် ၂ တပ်မတော်ဆေးရုံတွင် စစ်ဆေး သူနာပြုအဖြစ် တာဝန်ထမ်းဆောင်နေသည့် ဒုဗိုလ်အောင်ခန့်ကျော် (၂၄) နှစ်ဖြစ်ပြီး မင်္ဂလာဆောင်ရန်အတွက် မြစ်သားမြို့သို့ ခေတ္တရောက်ရှိ နေခြင်းဖြစ်သည်။

ဖြစ်စဉ်မှာ ကူမဲ ဆည်တော်နံဘုရားပွဲသို့ အောင်ခန့်ကျော် သည် ညီဖြစ်သူများနှင့်အတူသွားရောက်ခဲ့ပြီးအပြန်တွင် အမည်မသိလူငယ် (၅) ဦးနှင့်တွေ့ကာ ခိုက်ရန်ဖြစ်ပွားခဲ့သည် ။ ထိုသို့ခိုက်ရန်ဖြစ်ပွားရာတွင် အမည်မသိလူငယ်များက ဒုဗိုလ်အောင်ခန့်ကျော်အား ဓားဖြင့်ထိုးခြင်း၊ ၎င်း၏ ညီအား သံတုတ်များဖြင့် ရိုက်နှက်ခြင်းတို့ကို ခံခဲ့ရခြင်းဖြစ်ပြီး အောင်ခန့်ကျော်၏ နောက်ကျောတွင် ထိုးသွင်းဒဏ်ရာရရှိခဲ့ကာ ကူမဲဆေးရုံသို့တင်ပို့စဉ် ရရှိခဲ့သည့် ဒဏ်ရာများဖြင့် ဆေးရုံတွင် သေဆုံးသွားခဲ့ခြင်းဖြစ်ကြောင်း သိရသည်။

ခိုက်ရန်ဖြစ်ပွားခဲ့သူများကို ရဲတပ်ဖွဲ့က စုံစမ်းဖော်ထုတ်မှုများ ပြုလုပ်ခဲ့ရာ ဖေဖော်ဝါရီလ ၁၁ ရက်နေ့ နံနက် ငါးနာရီအချိန်ခန့်က ခိုက်ရန်ဖြစ်ပွား ခဲ့သည့် လူငယ်များဖြစ်သော ဟိန်းမင်းထက် (၁၉) နှစ် ၊ စည်သူကျော် (၁၈) နှစ်၊ ညီညီအောင် (၁၆) နှစ် ၊ နေထက်ဝင်း (၂၃) နှစ် နှင့် ဖိုးသား (၂၀) နှစ်တို့ကို ဖမ်းဆီးရမိခဲ့သည်။ ၄င်းတို့အထဲမှ ဟိန်းမင်းထက် (၁၉) နှစ်သည် ဒုဗိုလ်အောင်ခန့်ကျော်ကို ဓားဖြင့်ထိုးသူဖြစ်သည်။

ယင်းဖြစ်စဉ်နှင့် ပက်သက်ပြီး မြစ်သားမြို့နယ် ကူမဲကျေးရွာ ရဲစခန်းတွင် (ပ)၂၃/၂၀၁၈၊ ရာဇသတ်ကြီးဥပဒေပုဒ်မ ၃၀၂/၃၂၅/၁၁၄ တို့ဖြင့် အမှုဖွင့်စစ်ဆေးလျက်ရှိကြောင်း သိရသည် ။

နိုင်လင်းဦး
The Fifth Wave News
https://www.facebook.com/fifthwavenews/