ဘားအံမြို့နယ်တွင် အသက်(၁၄)နှစ်(၄)လအရွယ် အမျိုးသမီးငယ်အား သားမယားအဖြစ် ၇ ကြိမ် ပြုကျင့်သူကို အမှုဖွင့် အရေးယူစစ် ဆေးလျှက်ရှိ

ဘားအံ ဖေဖော်ဝါရီ ၁၀

ကရင်ပြည်နယ်၊ ဘားအံမြို့နယ်တွင် အသက် (၁၄)နှစ်၊(၄)လအရွယ် အမျိုးသမီးငယ်အား အသက် ၁၉ နှစ်အရွယ် အမျိုးသားတစ်ဦးက သားမယားအဖြစ်ပြုကျင့်မှုအား ဖခင်ဖြစ်သူမှ ရဲစခန်းတွင် အမှုဖွင့်တိုင်ကြားခဲ့သဖြင့် ပြစ်မှုကျူးလွန် သူအား ရဲစခန်းမှ အမှုဖွင့် စစ်ဆေးလျှက်ရှိကြောင်း သတင်းရရှိသည်။

ဖေဖော်ဝါရီလ ၉ ရက်နေ့ ညနေ ၅ နာရီကျော်အချိန်ခန့်က ဘားအံမြို့နယ်၊ ကော့ကဒါကျေးရွာနေ ဦးအေးခိုင်မှ ၎င်း၏သမီး မ×××× အား သားမယားအဖြစ်(၇)ကြိမ်ခန့် ပြုကျင့်ခဲ့သူ ချစ်ဝင်း(ခ)နိုင်လင်း၊(ခ)ကျော်သာခလိန်း၊ ၁၉နှစ်၊ ရတနာ တောင်ရပ်ကွက်၊ သာမညကျေးရွာ၊ ဘားအံမြို့နယ်နေသူအား အရေးယူပေးရန် အိန္ဒုနယ်မြေရဲစခန်းသို့ လာရောက်တိုင်တန်းခဲ့သဖြင့် အိန္ဒုနယ်မြေရဲစခန်းက (ပ)၁၄/၂၀၁၈၊ ရာဇသတ်ကြီးပုဒ်မ ၃၇၆ ဖြင့်အမှုရေးဖွင့် စစ်ဆေးခဲ့ကြောင်း သိရသည်။

အဆိုပါအမှုအား စခန်းမှူးရဲအုပ် မင်းအောင်ထွန်းက စစ်ဆေးခဲ့ပြီး စစ်ဆေးချက်များအရ ဖေဖော်ဝါရီလ ၅ ရက်နေ့ ည(၇)နာရီအချိန်ခန့်တွင် မ××××၁၄နှစ်၊(၄)လသည် ၎င်း၏မိသားစုဝင်များနှင့်အတူ ဘားအံမြို့နယ်ခနိမ်းဒိုကျေးရွာ ဘုန်းကြီးပျံပွဲသို့ ပွဲကြည့်ရန်သွားရောက်ခဲ့ကြောင်း၊ ပွဲခင်းရောက်ပြီး မ××××မှာ မုန့်ဝယ်ရန်ပြောဆိုပြီးထွက်သွားရာမှ ပြန်လည်ရောက်ရှိလာခြင်းမရှိသဖြင့် လိုက်လံရှာဖွေရာ ဖေဖော်ဝါရီလ ၈ ရက်နေ့ ညနေ ၅ နာရီခွဲအချိန်ခန့်တွင် မ×××မှာ ချစ်ဝင်း(ခ)နိုင်လင်း၊(ခ)ကျော်သာခလိန်းနှင့်သာမညကျေးရွာအုပ်စု၊ ရွာအေးအေးကျေးရွာတွင် ရောက်ရှိနေ ကြောင်းသိရှိရသဖြင့် အုပ်ထိန်းသူများမှ နေအိမ်သို့ ပြန်လည်ခေါ်ဆောင်ခဲ့ပြီး မေးမြန်းရာ ပွဲခင်းအတွင်းမှ ည(၁၀)နာရီခန့် ချစ်ဝင်း(ခ)နိုင်လင်း၊(ခ)ကျော်သာခလိန်းနှင့် သာမညကျေးရွာအုပ်စု၊ ရွာအေးအေးကျေးရွာရှိ နေအိမ်တစ်အိမ်သို့ ခေါ်ဆောင်လိုက်ပါသွားခဲ့ပြီး သားမယားအဖြစ် (၇)ကြိမ်ခန့်ပြုကျင့်ခံခဲ့ရကြောင်း သိရှိရ၍ ဖခင်ဖြစ်သူ ဦးအေးခိုင်က တရားလိုပြုလုပ်တိုင်းတန်းခဲ့ခြင်းဖြစ်ကြောင်း သိရသည်။

ကရင်ပြည်နယ်အတွင်း ၂၀၁၆ခုနှစ်တွင် မုဒိမ်းမှု(၁၈)မှုဖြစ်ပွားခဲ့ကြောင်း၊ ၂၀၁၇ခုနှစ်တွင် မုဒိမ်းမှု (၂၁)မှုဖြစ်ပွားရာ၌အသက်(၁၄)နှစ်ကြားနှင့်(၁၆)နှစ်ကြားဖြစ်ပွားမှုမှာ ၉ မှုဖြစ်ကြောင်းသိရပြီး မုဒိမ်းမှုလျော့နည်း ကျဆင်းရေးအတွက် အသိပညာပေးလုပ်ငန်းများကို မြို့နယ်အလိုက် စီမံချက်များချမှတ်ဆောင်ရွက်လျှက်ရှိကြောင်း၊ ပြည်သူများ အနေဖြင့်လည်း မုဒိမ်းမှုနှင့်ပတ်သက်ပြီး ၂၀၁၆ခုနှစ်၊ ဇန်န၀ါရီလ (၇)ရက်နေ့က ပြည်ထောင်စုဥပဒေအမှတ် ၆ ပြင်ဆင်လိုက်တဲ့ ရာဇသတ်ကြီးပုဒ်မ ၃၇၅ ရဲ့ ပဉ္စမအပိုဒ်ဖြစ်တဲ့ ယခင်ကအသက် ၁၄နှစ်အောက် ကလေးငယ်ကို အလိုတူသည်ဖြစ်စေ၊ မတူသည်ဖြစ်စေ မုဒိမ်းမှုမြောက်တယ်လို့ ပြဌာန်းထားရာကနေ အခု ၁၆နှစ်အောက် မိန်းကလေးကို အလိုတူသည်ဖြစ်စေ မတူသည်ဖြစ်စေ မုဒိမ်းမှုမြောက်တယ်လို့ ပြင်ဆင်သတ်မှတ်ပြဌာန်းထား တဲ့အတွက် အခုခေတ်လူငယ်တွေအနေနဲ့ မိန်းကလေးနဲ့ ချစ်ကြိုက်ပြီဆိုတိုင်း လက်မလွယ်ဖို့လိုကြောင်း အလိုတူသည် ဖြစ်စေ မတူသည်ဖြစ်စေ ၁၆နှစ်အောက်ဖြစ်ပါက ဥပဒေအရအရေးယူခံရမည်ကို ကျယ်ကျယ်ပြန့်ပြန့်သိဖို့လဲ လိုအပ် ကြောင်း ကရင်ပြည်နယ်ရဲတပ်ဖွဲ့မှ အရာရှိကြီးတစ်ဦးက ပြောကြားသည်။

နေလင်း(သာမည)
မင်းသူ/ထွန်းထွန်းထွေး(ဘားအံ)
ဘားအံသတင်း
https://www.facebook.com/Hpaannews.kayin/