အဓမ္မပြုကျင့်ပြီး သတ်ဖြတ်ခဲ့သည့် တက္ကဆီယဉ်မောင်း မျိုးဇော်ဦးမှာ ရှေ့နေမငှားနိုင်သဖြင့် အစိုးရရှေ့နေဖြင့် အမှုကို ဆက်လက်စစ်ဆေးမည်


အစားအသောက်နှင့် ဆေးဝါးကွပ်ကဲရေးဦးစီးဌာန FDA မှ ဒုကြီးကြပ်ရေးမှူး မရွှေရည်ဝင်းကို အဓမ္မပြုကျင့် သတ်ဖြတ်ခဲ့ပြီး ပစ္စည်းလုယူသည့် တက္ကဆီယဉ်မောင်းမျိုးဇော်ဦးသည် ရှေ့နေမငှားနိုင်သဖြင့် အစိုးရရှေ့နေဖြင့် အမှုကို ဆက်လက်စစ်ဆေးသွားမည်ဖြစ်ကြောင်း ယင်းအမှုကို ကိုင်တွယ်နေသည့် ရဲအရာရှိထံမှ သိရှိရသည်။

မျိုးဇော်ဦးအား ဖေဖော်ဝါရီ ၂၂ ရက် နံနက် ၁၀ နာရီကျော်က အရှေ့ပိုင်းခရိုင်တရားရုံးတွင် ရုံးထုတ်ခဲ့ရာမှ ရှေ့နေ မငှားနိုင်သည့် အကြောင်းကို သိရသည်။

"သူက ရှေ့နေမငှားနိုင်လို့ရုံးတော်ကို တင်ပြတဲ့အတွက် နောက်အပတ်ရုံးချိန်းမှာ အစိုးရရှေ့နေငှားပြီး အမှုကို စစ်ဆေးသွားမယ်။"ဟု ယင်းအမှုမှ မှုခင်းမှတ်တမ်း တာဝန်ခံ ရဲအုပ် မျိုးထက်ခိုင်က ပြောသည်။

အဆိုပါ အမှု ဖေဖော်ဝါရီ ၂၂ ရက်ရုံးချိန်းတွင် မုဒိန်းမှုမှန်သမျှ သေဒဏ်ပေးရေးတောင်းဆိုသည့် လူပ်ရှားနေ သည့် မြန်မာအမျိုးသမီးစောင့်ရှောက်ရေးအဖွဲ့မှလည်း မုဒိမ်းမှုများကို ထိထိရောက်ရောက်အပြစ်ပေးဟူသည့် လက်ကမ်းစာစောင်များ ဖြန့်ဝေခြင်းနှင့် မုဒိန်းမှုကျူးလွန်ခဲ့သည့် မျိုးဇော်ဦးကို ပတ်ဝန်းကျင် ရပ်ကွက်များမှ အမျိုးသမီးများလာရောက်ကြည့်ရှုကြကြောင်း သိရသည်။
"ဝတ်စားဆင်ယဉ်မှုကြောင့် မုဒိမ်းမှုဖြစ်ရတယ်ဆိုတာကို လက်မခံဘူး။" ဟု မြန်မာအမျိုးသမီးစောင့်ရှောက်ရေး အဖွဲ့ဝင်တစ်ဦး ကပြောသည်။

တက္ကဆီယဉ်မောင်မျိုးဇော်ဦး၏ ကားကို ဇန်ဝါရီ ၂၁ ရက်က ရွေရည်ဝင်းမှ ငှားစီးရာမှ အဓမ္မပြုကျင့်သတ်ဖြတ်ခဲ့ ပြီး ဖုန်းနှင့် လက်ဝတ်လက်စာများကို ယူ၍ အလောင်းအား ငမိုးရိပ်ချောင်းကူးတံတားဘေးတွင် စွန့်ပစ်ခဲ့ကြောင်း သိရသည်။

ပြစ်မှုကျူးလွန်သည့် မျိုးဇော်ဦအား အမှုအမှတ် ၅၉/ ၂၀၁၈ ရာဇသတ်ကြီး ပုဒ်မ ၃၀၂ /၃၇၆/၃၇၇/၃၉၄ မုဒိမ်းမှု၊ ဓမ္မတာနှင့် ဆန့်ကျင်သည့် မုဒိမ်းမှု၊ လုယက်မှုစသည့် ပုဒ်မလေးခု တရားစွဲဆိုထားပြီး ဖေဖော်ဝါရီ ၂၇ ရက်တွင် ရုံးချိန်း ထပ်မံချိန်းဆိုလိုက်ကြောင်း သိရသည်။

ရတနာပုံ သတင်းစာ
https://www.facebook.com/yadanabonnewspaper

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ