ဒုက္ခသည်တွေ နေရပ်ပြန်ပို့ရေးမှာ ကုလ ပါဝင်ဆောင်ရွက်ရေး ဘင်္ဂလားဒေ့ရှ် အစိုးရက သဘောတူ လက်မှတ်ထိုး

ဘင်္ဂလားဒေ့ရ်ှနိုင်ငံ ကောက်စ်ဘဇား ဒုက္ခသည်စခန်းက ရိုဟင်ဂျာ ခေါ် မွတ်စလင် မိသားစုကို တွေ့ရစဉ်/ Photo: AFP
ရခိုင်ပြည်နယ်က  ဒုက္ခသည်တွေ နေရပ်ပြန်ပို့ရေး လုပ်ငန်းစဉ်မှာ ကုလသမဂ္ဂ ပါဝင်ဆောင်ရွက်ရေးအတွက် ဘင်္ဂလားဒေ့ရှ် အစိုးရက မနေ့က သဘောတူ လက်မှတ်ရေးထိုးခဲ့ကြောင်း အေအက်ဖ်ပီ သတင်း က ဖေါ်ပြပါတယ်။

ဘင်္ဂလားဒေ့ရှ် အနေနဲ့ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR နဲ့အတူ ပူးပေါင်း ဆောင်ရွက်မှ သာ ဒုက္ခသည်တွေ သူတို့ဆန္ဒအလျောက် မဟုတ်ဘဲ အဓမ္မ ပြန်ပို့ခံရတာလို့ မစွပ်စွဲနိုင်မှာ ဖြစ်ကြောင်း ဘင်္ဂလားဒေ့ရှ် လက်ထောက် နိုင်ငံခြားရေးဝန်ကြီး ရှာရီယာ အလမ် က ပြောပါတယ်။

ဒုက္ခသည်တွေကို နေရပ်ပြန်ရေးဆိုင်ရာ ပုံစံစာရွက်တွေ ထုတ်ပေးမှာဖြစ်ပြီး၊ လိုအပ်တဲ့ အချက်အလက်တွေကို ကုလသမဂ္ဂ အရာရှိတွေ ရှေ့မှောက်မှာ ဖြည့်သွင်းရမှာ ဖြစ်တယ်လို့လည်း ပြောပါတယ်။

ဒုက္ခသည် ပြန်ပို့ရေးကို ပြီးခဲ့တဲ့ ဇန်န၀ါရီလမှာ စတင်ဖို့ နှစ်နိုင်ငံ သဘောတူညီခဲ့ကြပေမယ့်၊ ဒုက္ခသည်တွေက သူတို့ရဲ့ လုံခြုံရေး စိုးရိမ်နေကြတာကြောင့် ကန့်ကွက်ဆန္ဒပြတာတွေ၊ ဘင်္ဂလားဒေ့ရှ် အစိုးရဘက်က ပြင်ဆင်မှု အားနည်းနေတာတွေကြောင့် အထမမြောက်ခဲ့ပါဘူး။

ဒုက္ခသည်ပြန်ပို့ရေး လုပ်ငန်းစဉ်ဟာ ရှုတ်ထွေးကြောင်း၊ အရင်က ဖြစ်ခဲ့သလို ပြန်ပို့လိုက်၊ ပြန်ဝင်လာလိုက် အခြေအနေမျိုးတွေ ထပ်ပြီး မဖြစ်စေလိုတော့ကြောင်း  ဘင်္ဂလားဒေ့ရှ် လက်ထောက် နိုင်ငံခြားရေးဝန်ကြီးက ပြောပါတယ်။

အခုအချိန်အထိ မြန်မာနိုင်ငံဘက်ကနေ ဘင်္ဂလားဒေ့ရ်ှကို ၀င်ဖို့ ကြိုးစားနေသူတွေ ရှိနေဆဲ ဖြစ်ပါတယ်။ နှစ်နိုင်ငံ နယ်စပ် ကြားခံမြေမှာ ဖြစ်သလို စခန်းချနေကြတဲ့ မွတ်စလင် ၆ ထောင် လောက်ကို ကိုယ့်ရွာကိုယ် ပြန်ကြဖို့၊ မပြန်ရင် နောက်ဆက်တွဲ ပြဿနာတွေ ရင်ဆိုင်ရလိမ့်မယ်လို့ မြန်မာအစိုးရ ပြည်ထဲရေးဌာန ဒုတိယဝန်ကြီးက နယ်စပ်ခြံစည်းရိုး သံဆူးကြိုးကြားကနေ စကားပြန်ကတဆင့် သတိပေး ပြောဆိုခဲ့ကြောင်း အေအက်ဖ်ပီ သတင်းဌာနက ဖေါ်ပြပါတယ်။

ဒါ့ပြင် ပြီးခဲ့တဲ့ သီတင်းပတ်အတွင်း ရခိုင်ပြည်နယ် မြောက်ပိုင်းကို သွားရောက်ခဲ့တဲ့ သံတမန် ခရီးစဉ်မှာ ပါဝင်တဲ့ မြန်မာနိုင်ငံဆိုင်ရာ EU  ဥရောပ သမဂ္ဂ သံအမတ် Kristian Schmidt ရဲ့ ကောင်းကင် ဓါတ်ပုံတွေအရ မွတ်စလင် ကျေးရွာတွေကို ဘူဒိူဇာ မြေထိုးစက်နဲ့ ရှင်းလင်းထားတဲ့ပုံတွေ တွစ်တာ လူမှုကွန်ရက်မှာ တင်ထားတာ တွေ့ရကြောင်းလည်း အေအက်ဖ်ပီ သတင်းဌာနက ဖေါ်ပြပါတယ်။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ