ရခိုင်ပြည်နယ် မြောက်ဦးမြို့နယ် အုပ်ချုပ်ရေးမှူး ဦးဘိုဘိုမင်းသိုက်ဟာ မြောက်ဦးမြို့က လုပ်ငန်းတာဝန်တွေ လွှဲပြောင်းပြီး ရခိုင်ပြည်နယ်ရုံးမှာ တာဝန်ထမ်းဆောင်ဖို့ ပြောင်းရွှေ့လာစဉ် ပုဏ္ဏားကျွန်းမြို့နယ်အနီး ကျောက်ဆိပ်ကျေးရွာနှင့် ယိုးငူ ကျေးရွာကြားအရောက်မှာ လုပ်ကြံခံရပြီး သေဆုံးခဲ့တယ်လို့ သိရပါတယ်။
ဇန်နဝါရီလ ၃၀ရက် ညနေ ၆နာရီခွဲခန့်မှာ ပုဏ္ဏားကျွန်းမြို့နယ်အနီး ကျောက်ဆိပ်ကျေးရွာနဲ့ယိုးငူကျေးရွာ အကြားမှာ ကားမှောက်နေတာကို အရင်ဆုံးတွေ့ရှိပြီးနောက် စစ်ဆေးရာ ဓားဒဏ်ရာနဲ့ သေဆုံးနေတာတွေ့ခဲ့ရတာပါ။ အနီးအနားမှာလည်း အခြားတယ်လီဖုန်းတွေကို သိမ်းဆည်းရမိခဲ့ပြီး ကားပေါ်မှာ လူစိမ်းသုံးဦးလိုက်ပါတယ်လို့ သိရကြောင်း ပြည်နယ်ထွေအုပ်မှ အရာရှိ တစ်ဦးကပြောပါတယ်။
အဲဒီလူစိမ်းတွေကို သက်ဆိုင်ရာက လိုက်လံရှာဖွေစုံစမ်းနေတယ်လို့ သိရပါတယ်။ အဲဒီအုပ်ချုပ်ရေးမှူးဟာ မြောက်ဦးဖြစ်စဉ်ဖြစ်ပွါးပြီး ရခိုင်ပြည်နယ် အစိုးရအဖွဲ့ရုံးကိုပြောင်းရွေ့တာဝန်ပေးအပ်ထားတာဖြစ်ပါတယ်။
သတင်း - လဝန်းရံ(5 Plus News)
5 PLUS NEWS
https://www.facebook.com/5plusnews
မြောက်ဦးမြို့နယ် အုပ်ချုပ်ရေးမှူး တာဝန်တွေလွှဲပြောင်းပြီးနောက် လုပ်ကြံခံရ
Reviewed by THITHTOOLWIN
on
23:07
Rating: