မြန်မာ-တရုတ် ရှစ်လတာ ကုန်သွယ်မှု ဒေါ်လာ ၇.၄ ဘီလျံဖိုးအထိ ရောက်ရှိ

( ရွှေလီနယ်စပ်တံတား ၀င်ပေါက်ကို တွေ့ရစဉ် ) ဓါတ်ပုံ - ကံသာ/RFA

မြန်မာနဲ့ တရုတ် နှစ်နိုင်ငံ အပြန်အလှန်ကုန်သွယ်ရေးဟာ အမေရိကန်ဒေါ်လာ ၇.၄ ဘီလျံအထိ ရောက်ရှိသွားပြီလို့ စီးပွားရေးနဲ့ ကူးသန်းရောင်းဝယ်ရေးဝန်ကြီးဌာနက ထုတ်ပြန်တဲ့စာရင်းတွေအရ သိရပါတယ်။

၂၀၁၇-၁၈ ဘဏ္ဍာနှစ် ပထမ ၈ လတာ ကုန်သွယ်မှုဟာ အခုလို ၇ ဘီလျံ ကျော်သွားခဲ့တာပါ။ ၂၀၁၆-၁၇ ဘဏ္ဍာနှစ်အတွင်း အပြန်အလှန်ကုန်သွယ်မှုဟာ ၁၀.၈ ဘီလျံအထိ မြင့်တက်ခဲ့ပါတယ်။

လက်ရှိဘဏ္ဍာနှစ်အတွင်း မြန်မာနိုင်ငံကနေ တရုတ်ကို ဒေါ်လာ ၃.၄၂ ဘီလျံဖိုး တင်ပို့နိုင်ခဲ့ပြီး၊ တရုတ်ကနေ မြန်မာကို ဒေါ်လာ ၄ ဘီလျံဖိုး တင်သွင်းခဲ့တယ်လို့ ဆိုပါတယ်။

မြန်မာနိုင်ငံဟာ မူဆယ်၊ လွယ်ဂျယ်၊ ကန်ပိုက်တီ၊ ချင်းရွှေဟော်နဲ့ ကျိုင်းတုံ နယ်စပ်ဂိတ်တွေကနေ တရုတ်နဲ့ ကုန်သွယ်နေတာ ဖြစ်ပါတယ်။

မြန်မာနိုင်ငံကနေ ဆန်၊ ပဲ၊ နှမ်း၊ ပြောင်း၊ သစ်သီးဝလံ၊ ဟင်းသီးဟင်းရွက်၊ လက်ဖက်ခြောက်၊ သားငါး၊ ရာဘာ၊ တွင်းထွက်နဲ့ တိရစ္ဆာန်ထွက်ကုန်တွေ အဓိက တင်ပို့နေတာဖြစ်ပြီး၊ တရုတ်နိုင်ငံကနေ စက်ယန္တရား၊ ပလက်စတစ်ကုန်ကြမ်း၊ စားသုံးကုန်နဲ့ လျှပ်စစ်ပစ္စည်းတွေ တင်သွင်းနေတာ ဖြစ်ပါတယ်။

RFA Burmese
https://www.facebook.com/rfaburmese/