မြန်မာစစ်တပ်နဲ့ KIA တိုက်ပွဲများ အရှိန်မြင့်လာ


ကချင်ပြည်နယ် မန်စီမြို့နယ်နဲ့ တနိုင်းမြို့နယ်အတွင်းမှာ အစိုးရတပ်မတော်နဲ့ ကချင်လွတ်လပ်ရေး တပ်ဖွဲ့အကြားမှာ တိုက်ပွဲတွေ ဆက်လက်ဖြစ်ပွား နေပါတယ်။မန်စီမြို့နယ် အတွင်းဖြစ်ပွား တဲ့ တိုက်ပွဲတွေကြောင့်စစ်ဘေးရှောင်ဒုက္ခသည်တွေ မန်ဝိန်းကြီးဒေသဖက်ကို ထွက်ပြေးနေရပါတယ်။ အရင်ထဲကရှိနေတဲ့ စစ်ဘေးရှောင် ဒုက္ခသည်တွေ နေအိမ် မပြန်နိုင်သေးချိန်မှာ နောက်ထပ် ဒုက္ခသည်တွေထွက်ပြေးနေရတဲ့ အခြေအနေကို့  ဗွီအိုအေမြန်မာပိုင်းရဲ့ သတင်းထောက် ကိုမိုးဇော်က တင်ပြထားပါတယ်။

ဒီရက်ပိုင်းတွေအတွင်းမြန်မာပြည် ငြိမ်းချမ်းရေးအတွက် အစိုးရရဲ့ ငြိမ်းချမ်းရေးကော်မရှင်နဲ့ကချင်၊ ၀ စတဲ့ လက်နက်ကိုင်အဖွဲ့တွေ တရုတ်ပြည်မှာ တွေ့ဆုံခဲ့သလို တရုတ်အထူးသံတမန်က နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ တွေ့ဆုံပြီ ညှိနှိုင်းဆွေးနွေးနေချိန်မှာ ကချင်ပြည်နယ်အတွင်းမှာ တိုက်ပွဲတွေဟာ ဆက်လက်ဖြစ်ပွားနေတာပါတယ်။

လတ်တလောဖြစ်ပွားနေတဲ့ တိုက်ပွဲအခြေအနေကို ကချင်လွတ်လပ်ရေးတပ်ဖွဲ့ KIA ရဲ့ ပြောရေးဆိုခွင့်ရှိသူ ဗိုလ်မှုးကြီးနော်ဘူက အခုလို ပြောပါတယ်။

“ ဟို တပ်ရင်း ၂၇ဖက်မှာ မန်စီမြို့နယ် ရှမ်းပြည်နဲ့ ကချင်ပြည်နယ်နယ်စပ်ဒေသမှာ။ မနေ့ကလည်း ညနေ ၃နာရီ ကနေ ဟို ၆နာရီကျော်အထိ တိုက်ပွဲတွေဖြစ်ပါတယ်။ နေ့တိုင်းလိုလိုဖြစ်ပါတယ်။ အဲဒီမန်စီဖက်မှာ မန်ဝိန်းပေါ့နော။ နောက်ပြီးတော့ ဟို တနိုင်းမြို့နယ်က KIA တပ်ရင်း ၁၄ နေရာမှာလည်း ဆက်ဖြစ်ပါတယ်။ တိုက်ပွဲတွေ။ ၃ရက်လောက်ရှိပြီ ဆက်တိုက် ဆက်တိုက်ဖြစ်တာ။ ”

ပြီးခဲ့တဲ့အပတ် အတွင်းကတော့ မန်စီမြို့နယ် မန်ဝိန်းဒေသဖက်မှ လေကြောင်းကပါတိုက်ခိုက်တာရှိကြောင်းနဲ့ ထိခိုက်ဒဏ်ရရှိမှုအခြေအနေကို အသေးစိတ်မသိရသေးကြောင်းလည်း ပြောပါတယ်။

မန်ဝိန်းဒေသခံတဦးကတော့ ဒီရက်ပိုင်းအတွင်းဖြစ်ပွားတဲ့တိုက်ပွဲတွေကြောင့် စစ်ရှောင်ဒုက္ခသည်တွေ ထပ်မံရောက်ရှိလာနေကြောင်း ပြောပါတယ်။

“မန်ဝိန်းကြီးမှာကျတော့ ရွာမှာကျတော့ မဖြစ်ပါဘူး။ မန်ဝိန်းကြီးနယ်မြေ ခုံလုံရမ်ဖက်မှာ ဖြစ်ကြတယ်။ ရွာနဲ့ကျ တော့ ၁၀မိုင်လောက်အကွာမှာဖြစ်ချင် ဖြစ်မယ်။ အဲလောက်အကွာမှာ ဖြစ်နေကြတယ်။ ဒါပေမဲ့ ဗုံးသံတွေ၊ လက်နက်ကြီးသံတွေ တခါတလေ ဘုံကျောင်းဖက်ကမှ လေယာဉ်ပျံနဲ့ ဗုံးတွေ ပစ်ချတဲ့အသံကျတော့ ကြားပါတယ်။ တောင်ပေါ်မှာ ရှိတဲ့လူတွေကျတော့ အားလုံးဆင်းလာကြပြီ။ ရွာ ၅ရွာ၊ ၆ရွာလောက်တော့ ရှိပါတယ်။ စာရင်းကျတော့ အတိအကျတော့ မသိပါဘူး။ လောလောဆည်ဆင်းလာတဲ့ သူတွေကျတော့ ကိုယ့်အမျိုးဆီမှာ ကိုယ့်မိသားစုဆီမှာ စားနေကြတယ်။”

၂၀၁၁ ခု တိုက်ပွဲတွေဖြစ်ပွားခဲ့တဲ့နောက် မန်ဝိန်းကြီးရွာမှာ စစ်ရှောင်စခန်း ၅ ခုလောက်ဖွင့်လှစ်ထားတာပြီး စစ်ရှောင်ဒုက္ခသည် ၄ထောင်ကျော်လောက် ခိုလှုံနေတာဖြစ်ပါတယ်။

တနိုင်းမြို့နယ်အတွင်း ဖြစ်ပွားတဲ့တိုက်ပွဲတွေကတော့ တနိုင်းမြို့နဲ့ မိုင်၂၀လောက်အကွာမှာဖြစ်ပွားနေပြီး တနိုင်းမြို့ပေါ်ကို စစ်ရှောင်တွေ ထွက်ပြေးလာတာ မရှိကြောင်း တနိုင်းမြို့က ကူညီကယ်ဆယ်ရေး ဆောင်ရွက်နေသူတဦးက ပြောပါတယ်။ လောလောဆည်မှာတော့ ဇွန်လက ဖြစ်ပွားတဲ့တိုက်ပွဲကြောင့် တနိုင်းမြို့ပေါ်မှာ စစ်ရှောင်ဒုက္ခသည် ၈၀၀လောက်ရောက်ရှိနေသလို ရိက္ခာအခက်အခဲနဲ့လည်း တွေ့ကြုံနေရပါတယ်။ တနိုင်းဒေသမှာ တိုက်ပွဲတွေ ဆက်လက်ပြင်းထန်လာရင်တော့ စစ်ရှောင်တွေ ထပ်မံရောက်လာနိုင်ကြောင်းလည်း သုံးသပ်ပါတယ်။

“ အကြီးအကျယ်တိုက်ပွဲဖြစ်လာရင်တော့ ထပ်တိုးရင် တိုးလာမယ်။”

၂၁ ရာစုပင်လုံ တတိယအကြိမ်ကျင်းပဖို့ပြင်ဆင်နေချိန်မှာ KIO အဖွဲ့ကို NCA စာချုပ်မှာ လက်မှတ်ထိုးဖို့ ဖိအားပေးတဲ့အနေနဲ့ ခုလို တပ်မတော်ဖက်က ထိုးစစ်ဆင် တိုက်ခိုက်နေတာလို့ လေ့လာသူတချို့က သုံးသပ်နေပါတယ်။ KIA ကချင်လက်နက်ကိုင်အဖွဲ့ အပါအ၀င် တရုတ်မြန်မာနယ်စပ်အခြေစိုက်အဖွဲ့ ၇ ဖွဲ့ ပါဝင်တဲ့ FPNCC ခေါ် နိုင်ငံရေးဆွေးနွေးရေးကော်မတီက အစိုးရနဲ့ ငြိမ်းချမ်းရေးဆွေးနွေးရာမှာ ကော်မတီအနေနဲ့ တစုတစည်းတည်း ဆွေးနွေးမှာဖြစ်ကြောင်း သတင်းထုတ်ပြန်ထားပါတယ်။ အစိုးရဖက်ကတော့ FPNCC အနေနဲ့ ဆွေးနွေးဖို့ကို ငြင်းပယ်ထားပါတယ်။

ကိုမိုးဇော်  / ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ