တက္ကသိုလ်ကျောင်းသားအချင်းချင်း စကားများကြရာမှ လူသတ်မှုဖြစ်ပွား


မုံရွာ - ဒီဇင်ဘာ ၁၅

စစ်ကိုင်းတိုင်းဒေသကြီး မုံရွာမြို့တွင် ဒီဇင်ဘာလ ၁၅ ရက် ညပိုင်း၌ အဆောင်နေ တက္ကသိုလ်ကျောင်းသားအချင်းချင်း စကားများ၍ ခိုက်ရန်ဖြစ်ရာမှ လူသတ်မှုဖြစ်ပွားခဲ့ကြောင်း မုံရွာနယ်မြေရဲစခန်းမှ သိရသည်။

မုံရွာမြို့ မြဝတီရပ်ကွက် နယ်မြေ ၁၆ မေတ္တာလမ်း"မိဘမေတ္တာ"ဘော်ဒါဆောင်တွင် ငှားရမ်းနေထိုင်ကြသည့် အဆောင်နေ တက္ကသိုလ် ကျောင်းသားများသည် ဒီဇင်ဘာလ ၁၅ ရက်ည ၈ နာရီကျော်က အပြင်၌ အရက်တူသောက်၍ ပြန်လာကြရာ အဆိုပါ အဆောင်သို့ ရောက်ရှိချိန်တွင် အချင်းများ၍ ခိုက်ရန်ဖြစ်ပွားခဲ့ကြောင်း သိရသည်။

အဆိုပါ အခင်းဖြစ်ရပ်သို့ မုံရွာခရိုင်ရဲတပ်ဖွဲ့မှူး အနီးကြီးကြပ်၍ မြို့နယ်ရဲတပ်ဖွဲ့မှူးနှင့် နယ်မြေရဲစခန်းမှူးတို့ သွားရောက်စစ်ဆေးကြရာ မင်းကင်းမြို့နယ် ကျွန်းတော်ရွာနေထိုင်သူ ကျော်ဖြိုးလှိုင်ဒုတိယနှစ် သမိုင်းနှင့် တစ်ရွာတည်းနေ မင်းခန့် ဒုတိယနှစ် ပထဝီ၊ နိုင်ရဲအောင် တတိယနှစ် သမိုင်း၊ ကနီမြို့နယ် ဆူးလေကုန်းရွာနေ သန့်ဇင်ဝင်း စတုထ္ထနှစ် အင်္ဂလိပ်တို့ လေးဦး စကားများရန်ဖြစ်ခဲ့ကြောင်း သိရသည်။

ယင်းကဲ့သို့ ရန်ဖြစ်ကြရာမှ ကျော်ဖြိုးလှိုင်ဆိုသူအား မင်းခန့်မှ အရိုးအသွား ခြောက်လက်မခန့်ရှိ စတီးလ်ဓါးဖြင့် ဝဲဘက်လည်ပင်းနှင့် ညှပ်ရိုးကြားသို့ ထိုးသွန်းခဲ့ကြောင်း ရဲတပ်ဖွဲ့၏ စစ်ဆေးချက်အရ သိရသည်။

ဓါးဖြင့် အထိုးခံရသူ ဒုတိယနှစ်ကျောင်းသား ကျော်ဖြိုးလှိုင်မှာ ဆေးရုံသို့ ရောက်ရှိ၍ ဆေးကုသနေစဉ် ၄င်းရရှိသော ဒဏ်ရာဖြင့် ညကိုးနာရီကျော်ခန့်တွင် သေဆုံးခဲ့သည်ဟု ရဲတပ်ဖွဲ့က ဆိုသည်။

၎င်းသေဆုံးမှုဖြစ်စဉ်ကြောင့် ဓါးဖြင့်ထိုးသွန်းခဲ့သူ မင်းခန့်နှင့် နိုင်ရဲအောင်၊ သန့်ဇင်ဝင်းတို့ သုံးဦးအား ဥပဒေအရ အရေးယူနိုင်ရေးအတွက် မုံရွာနယ်မြေရဲခစခန်းတွင် စစ်ဆေးဆောင်ရွက်လျက်ရှိကြောင်း သိရသည်။

မောင်လေး ငယ်ငယ်
https://www.facebook.com/www.myasoe453

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ