ဆော်ဒီမှာ ထိန်းသိမ်းခံထားရသူတွေ တရားရုံးပြင်ပ ကြေအေးနေ

 ဇိမ်ခံ ဟိုတယ်မှာ ထားရှိ
ဆော်ဒီအာရေဗျ နိုင်ငံမှာ ခြစားမှုတိုက်ဖျက်ရေး အတွက် ဆိုပြီး မကြုံစဖူး လုပ်ဆောင် ခဲ့တာတွေထဲ ဖမ်းဆီး ခံခဲ့ကြရသူ အများစုဟာ တရားရုံး ပြင်ပ ကြေအေးနိုင်ဖို့ အစိုးရနဲ့ကြား သဘောတူမှုတွေ ရယူခဲ့ပါတယ်။

ပုဒ်မတပ် တရားစွဲဆို ခံရတာမျိုးကနေ ရှောင်လွှဲ နိုင်ဖို့ အတွက် တော်တော်များများက သဘောတူမှုတွေ ရယူခဲ့ကြောင်း ဆော်ဒီ အစိုးရရှေ့နေက အတည်ပြု ပြောဆိုပါတယ်။

အကျင့်ပျက် ခြစားတယ် ဆိုတဲ့ စွပ်စွဲမှုတွေနဲ့ ပတ်သက်ပြီး သက်သေ လာရောက်ထွက်ဆိုဖို့ ဆင့်ခေါ် ထားသူပေါင်း လောလောဆယ်အထိ လူပေါင်း ၃၂ဝ အထိ ရှိတယ်လို့လည်း အဲဒီ အစိုးရ ရှေ့နေက ပြောပါတယ်။
ဖမ်းဆီးတာတွေ ဦးဆောင်လုပ်သူ အိမ်ရှေ့စံ မိုဟာမက်ဒ် ဆာလ်မန်း
လက်ရှိ ထိန်းသိမ်း ထားသူပေါင်း ၁၅၉ ယောက် ရှိပြီး၊ အဲဒီထဲက တချို့ကိုတော့ ရုံးတင် တရားစွဲ သွားမှာ ဖြစ်ပါတယ်။

ထိန်းသိမ်း ခံထားရသူတွေထဲ တော်ဝင်မင်းသားတွေ၊ ဘီလီယံနာ သူဌေးတွေ ပါဝင်ပြီး၊ အဲဒီထဲက တော်တော်များများကို ရီယာ့ဒ်မြို့တော်မှာ ရှိတဲ့ ဇိမ်ခံ ဟိုတယ်တစ်လုံးမှာ ထားရှိ ထားတာ ဖြစ်ပါတယ်။
မင်းသား မီတာ့ဘ် ပြန်လွတ်လာ
ထိန်းသိမ်းခံ ခဲ့ရသူတွေထဲ နာမည်အကြီးဆုံး တစ်ယောက်ဖြစ်တဲ့ မင်းသား မီတာ့ဘ် ကတော့ ပြီးခဲ့တဲ့ သီတင်းပတ်ထဲကပဲ ပြန်လွတ်လာပြီး၊ ဒေါ်လာ သန်းတစ်ထောင် အစိုးရကို ပြန်လွှဲ ပေးခဲ့တယ်လို့ အဲဒီက လာတဲ့ သတင်းတွေက ဆိုပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ