ဒုက္ခသည်တွေ မြန်မာပြည်ပြန်လာခွင့်လျှောက်လွှာ တင်ပြရမည်

ဘင်္ဂလားဒေ့ရ်ှဘက်ကို ထွက်ပြေးလာတဲ့ မွတ်စလင်တွေကို တွေ့ရစဉ်။ Photo: UNHCR in Bangladesh Facebook
ဘင်္ဂလားဒေ့ရ်ှဘက်ရောက် ဒုက္ခသည်တွေအနေနဲ့ ဘယ်သူ့ခြိမ်းခြောက်မှုမှ မပါဘဲ မြန်မာနိုင်ငံထဲမှာ ပြန်လည်နေထိုင်လိုကြောင်း၊ မြန်မာနိုင်ငံရဲ့ တည်ဆဲဥပဒေတွေနဲ့အညီ လိုက်နာနေထိုင်မှာဖြစ်ကြောင်း ၀န်ခံချက်တွေနဲ့ ပြန်လာခွင့်လျှောက်လွှာ တင်ပြရမှာဖြစ်တယ်လို့ အလုပ်သမား၊ လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာန အမြဲတမ်းအတွင်းဝန် ဦးမြင့်ကြိုင် က ဒီနေ့ ပြောပါတယ်။

နိုင်ငံခြားရေးဝန်ကြီးဌာန ကတဆင့် ဘင်္ဂလားဒေ့ရ်ှနိုင်ငံဘက်ကို လျှောက်လွှာတွေပေးပို့ထားတာ ရက်သတ္တပတ် ၃ ပတ်ခန့်ရှိပြီလို့ ဖြစ်တယ်လို့ ဦးမြင့်ကြိုင် က ပြောပါတယ်။

"အဲဒီလျှောက်လွှာပုံစံအရ အမည်၊ ကျား၊ မ၊ မွေးသက္ကရာဇ်၊ မြန်မာနိုင်ငံအတွင်းနေထိုင်ခဲ့ဖူးတဲ့ နေရပ်လိပ်စာ၊ မိသားစုဝင်စာရင်းတွေ နောက်သူတို့ကိုင်ဆောင်ခဲ့တဲ့ အသိအမှတ်ပြုကတ်ပြားတစ်မျိုးမျိုးပေါ့။ နောက်တစ်ခုက မည်သည့်ခြိမ်းခြောက်မှုမှမပါဘဲ မြန်မာနိုင်ငံမှာ ပြန်လည်နေထိုင်ဖို့ လျှောက်ထားပါတယ်ဆိုတဲ့ ၀န်ခံချက်တွေ၊ မြန်မာနိုင်ငံရဲ့ တည်ဆဲဥပဒေတွေနဲ့အညီ လိုက်နာနေထိုင်ပါမယ်ဆိုတဲ့ ၀န်ခံချက်တွေကို လက်မှတ်ရေးထိုးပြီး ပြန်ပို့ရမှာဖြစ်တယ်ဗျ။ ကိုက်ညီတဲ့လူတွေကိုတော့ လက်ခံဖို့ နိုင်ငံတော်အစိုးရဆီ တင်ပြပြီး အစိုးရကတဆင့် တဖက်နိုင်ငံကို အကြောင်းကြားပြီး အသုတ်လိုက် ပြန်ခေါ်ယူမှာဖြစ်တယ်။ မကိုက်တဲ့လူတွေကိုတော့ ကျနော်တို့ ပြန်ခေါ်မှာ မဟုတ်ပါဘူး"

ပြီးခဲ့တဲ့ သြဂုတ်လ ၂၅ ရက်နေ့က ဖြစ်ပွားခဲ့တဲ့ အကြမ်းဖက်မှုဖြစ်စဉ်ကြောင့် ဘင်္ဂလားဒေ့ရ်ှနိုင်ငံဘက်ကို ထွက်ပြေးသွားသူတွေအနေနဲ့ မြန်မာနိုင်ငံကို ပြန်လည်ဝင်ရောက်လိုတယ်ဆိုရင် မြန်မာအစိုးရဘက်က ပေးပို့ထားတဲ့ လျှောက်လွှာမှာ ဖြည့်စွက်ပြီး ဘင်္ဂလားဒေ့ရ်ှအစိုးရကတဆင့် ပြန်လည်တင်ပြရမှာဖြစ်ပါတယ်။

ထွက်ပြေးရင်းနဲ့ အသိအမှတ်ပြု ကတ်ပြားတွေ ပျောက်ဆုံးမှု ပျက်စီးမှု ရှိခဲ့မယ်ဆိုရင် ပြည်တွင်းမှာ နေထိုင်ခဲ့ဖူး ကြောင်း သက်သေပြနိုင်တဲ့ စာရွက်စာတမ်း ဥပမာ ဆေးရုံဆင်းလက်မှတ်လို အထောက်အထားမျိုးနဲ့ လျှောက်ထားဖို့လိုအပ်တယ်လို့ ပြောပါတယ်။

လျှောက်လွှာတွေကို ဘင်္ဂလားဒေ့ရ်ှနိုင်ငံဘက်က အချက်အလက်ပြည့်ပြည့်စုံစုံနဲ့ ပြန်လည်ပေးပို့လာမယ်ဆိုရင် စစ်ဆေးရေးကော်မတီဘက်က စစ်ဆေးပြီး ပြန်လည်လက်ခံရေးလုပ်ငန်းစဉ်တွေကို စတင်သွားမှာဖြစ်တယ်လို့ ဦးမြင့်ကြိုင်က ပြောပါတယ်။ မြန်မာနိုင်ငံဘက်က ပြန်လည်လက်ခံရေးလုပ်ငန်း စတင်နိုင်ဖို့အတွက် လိုအပ်တဲ့ အဆောက်အဦပိုင်း၊ ဌာနဆိုင်ရာဖွဲ့စည်းမှုပိုင်းတွေဟာ ဒီလမှာ အဆင်သင့်ဖြစ်နေပြီဖြစ်တယ်လို့ သိရပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ