သိန္နီမြို့နယ်တွင် အမျိုးသားတစ်ဦးထံမှ ပစ္စတိုတစ်လက်နှင့် ကျည်ဆံများ ဖမ်းဆီးရမိ


ရှမ်းပြည်နယ်(မြောက်ပိုင်း) သိန္နီမြို့တွင် ရဲတပ်ဖွဲ့က မသင်္ကာသဖြင့် စစ်ဆေးစဉ် ထွက်ပြေးသွားသည့် အမျိုးသားတစ်ဦးထံမှ ပစ္စတိုတစ်လက်၊ ကျည်အိမ်တစ်ခုနှင့် ကျည်(၃)တောင့်ကို ဒီဇင်ဘာလ(၂)ရက်နေ့က ဖမ်းဆီးရမိကြောင်း သိရသည်။

အဆိုပါ အမျိုးသားက ဖုန်းဆိုင်တစ်ဆိုင်တွင် ဖုန်းလုံခြုံရေးစနစ်ဖြုတ်ခိုင်းသည်ကို မသင်္ကာသဖြင့် ရဲတပ်ဖွဲ့အား အကြောင်းကြားရာ ရဲတပ်ဖွဲ့လာရောက်စစ်ဆေးစဉ် ထွက်ပြေးသွားခြင်းဖြစ်ကြောင်း သိရသည်။

အဆိုပါ အမျိုးသားနောက်သို့ ရဲတပ်ဖွဲ့က ခလရ(၂၄၀)မှ နမ္မတူတံတားလုံခြုံရေး ဆောင်ရွက်လျက်ရှိသည့် တပ်မတော်သားများနှင့် ပူးပေါင်း၍ လိုက်လံဖမ်းဆီးရာ ဒီဇင်ဘာလ (၂)ရက်နေ့ နေ့လယ် (၂)နာရီခန့်တွင် တိုင်ယက်ကျေးရွာနှင့် ကောင်းဟော်ကျေးရွာသွားကားလမ်း၌ ဖမ်းဆီးရမိခဲ့ခြင်းဖြစ်ပြီး ၎င်းထံမှ တရုတ်နိုင်ငံလုပ် Norinco Tokatev အမျိုးအစား ပစ္စတို (၁) လက် ၊ ၎င်းကျည်အိမ်တစ်ခု၊ ကျည်(၃)တောင့်၊ အရှည် ၂ ပေ ခန့်ရှိ ဓါး(၁)ချောင်းနှင့် ဖုန်းနှစ်လုံးတို့အား သိမ်းဆည်းရမိကြောင်း သိရသည်။

လက်နက်ဖြင့် ဖမ်းဆီးရမိသူမှာ တာမိုးညဲမြို့၊ ပိန်းခမ်းရွာမှ နော်မိုင်ဖြစ်ကြောင်း စစ်ဆေးသိရှိရကြောင်း သိရသည်။

နော်မိုင်အား သိန္နီမြို့မရဲစခန်းတွင် (ပ) ၂၆၂/၂၀၁၇ လက်နက်ပုဒ်မ ၁၂(က)ဖြင့် အမှုဖွင့်စစ်ဆေး အရေးယူထားကြောင်း သိရသည်။

သတင်း - နန်းဟွမ်ခမ်း
Tachileik News Agency
http://www.tachileik.net

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ