ဥပဒေအားနည်းလို့ သိန်းပေါင်းသောင်းချီတဲ့ လိမ်လည်မှုတွေ ဖြစ်နေတာလို့ဆို

ဆန် အရောင်းဆိုင် တစ်ဆိုင်ကို တွေ့ရစဉ်။ Photo:Thiha Tun/RFA
ဥပဒေနဲ့ တရားရေးမဏ္ဍိုင်ရဲ့ ထိန်းကျောင်းမှု အားနည်းချက်တွေကြောင့် ရန်ကုန်တိုင်း ဘုရင့်နောင်ဆန်ကုန်စည်ဒိုင် မှာ ကျပ်သိန်းပေါင်း သောင်းချီတဲ့ ငွေကြေးလိမ်လည်မှုတွေ ဖြစ်ပေါ်နေရတာဖြစ်တယ်လို့ ဘုရင့်နာင် ဆန်ကုန် စည်ဒိုင် အတွင်းရေးမှူး ဦးသန်းဦး က ပြောလိုက်ပါတယ်။

မြန်မာနိုင်ငံမှာ လိမ်လည်မှုတွေနဲ့ ပတ်သက်ပြီး ပြစ်ဒဏ်ပေးမှု အားနည်းတာတွေကြောင့် လိမ်လည်မှုတွေ ထပ်ဖြစ်နေတာဖြစ်တယ်လို့ ဦးသန်းဦးက ပြောပါတယ်။

ဘုရင့်နောင် ဆန်ကုန်စည်ဒိုင်မှာ ကျပ်သိန်းပေါင်း သောင်းချီတဲ့ လိမ်လည်မှုတွေ ဖြစ်ပေါ်နေပေမယ့် တရား စွဲဆိုခြင်း မရှိသလို တရားစွဲဆိုနိုင်ဖို့ အထောက်အထား ပြည့်စုံမှုမရှိတာကြောင့် တရားမစွဲဖြစ်တာတွေရှိတယ် လို့ ပြောပါတယ်။

အဲဒီလို ငွေကြေးလိမ်လည်မှုတွေဟာ စားသုံးသူတွေ အပေါ်ထိခိုက်မှု မရှိပေမယ့် စိုက်ပျိုးထုတ်လုပ်သူ တောင် သူတွေမှာ သွားထိခိုက်တယ်လို့လည်း ပြောပါတယ်။

ယုံကြည်စိတ်ချရတဲ့ ဝယ်သူကို စောင့်ရသလို ဈေးကောင်းပေးဝယ်သူတွေကိုလည်း ယုံကြည်လို့မရ တာကြောင့် ဈေးကောင်းပေးဝယ်မယ့်သူဆိုရင် ကြောက်နေရတယ်လို့ ပြောပါတယ်။

ဘုရင့်နောင် ဆန်ကုန်စည်ဒိုင်မှာ ငွေကြေးလိမ်လည်ထားသူ ၃ ဦးလောက် ရှိနေပြီး ငွေရစရာရှိတဲ့သူကတော့ အမြောက်အမြား ရှိနေပါတယ်။

အတည်မပြုနိုင်တဲ့ သတင်းအရ လိမ်လည်ထားတဲ့ငွေ ကျပ်သိန်းပေါင်း ၆ သောင်းလောက် ရှိတယ်လို့ သိရပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ