ရိုက်တာ သတင်းထောက် ၂ ဦးကို ရုံးတင် စစ်ဆေးတော့မည်

နိုင်ငံတော်လျှို့ဝှက်ချက်ဥပဒေနဲ့ ထိန်းသိမ်းခံထားရသူ ရိုက်တာသတင်းထောက်များဖြစ်ကြတဲ့ ကိုဝလုံး နဲ့ ကိုကျော်စိုးဦး
ထိန်းသိမ်းခံထားရတဲ့ ရိုက်တာသတင်းထောက်နှစ်ဦးကို ရဲဘက်ကစစ်ဆေးနေတာ ပြည့်စုံလုနီးဖြစ်နေပြီး မကြာခင် သူ့တို့အမှုကို ရုံးတင်စစ်ဆေးနိုင် တော့မှာ ဖြစ်ကြောင်း မြန်မာအစိုးရ တာဝန်ရှိသူတွေက ပြောကြားလိုက်ပါတယ်။

ကိုဝလုံး နဲ့ ကိုကျော်စိုးဦးတို့အတွက် ရှေ့နေငှားခွင့်ရမှာဖြစ်သလို မိသားစုဝင်တွေနဲ့လည်း တွေ့ခွင့်ပေးတော့မှာဖြစ်ကြောင်း ဒေါ်အောင်ဆန်း စုကြည်ရဲ့ ပြောခွင့်ရသူက ဗုဒ္ဓဟူးနေ့က ပြောကြားကြောင်း ရိုက်တာသတင်းမှာ ဖော်ပြထားပါတယ်။ သတင်းထောက်တွေရဲ့လူ့အခွင့်အရေး အပေါ်မှာ ရဲတပ်ဖွဲ့ ဝင်တွေက လေးစားလိုက်နာမှုရှိမရှိကို မေးမြန်းတဲ့အခါမှာတော့ ပြောခွင့်ရသူက - ရဲအရာရှိတွေကို ဥပဒေနဲ့အညီ ဆောင်ရွက်ဖို့ ညွှန်ကြားထားတယ်လို့ ပြောကြားခဲ့ပါတယ်။

ကိုဝလုံးနဲ့ ကိုကျော်စိုးဦးတို့ကိုဖမ်းဆီးထားတာ သီတင်းတပတ်ရှိလာပြီဖြစ်ပါတယ်။ သူတို့ကို ရဲအရာရှိတွေက ရန်ကုန်မြို့ပြင်က စားသောက်ဆိုင်တခုမှာ ညစာစားဖို့ ချိန်းဆိုတဲ့အတွက် သွားခဲ့ကြပြီးတဲ့နောက် ပြန်ရောက်မလာတော့တာ ဖြစ်ပါတယ်။

အဲဒီအချိန်က စပြီး အခုထိ သူတို့ကို ဘယ်မှာ ချုပ်နှောင်ထားတယ်ဆိုတာကို မသိရသေးပါဘူး။ အာဏာပိုင်တွေကတော့ သူတို့ဟာ နိုင်ငံတော်ရဲ့ အစိုးရ လျှို့ဝှက်ချက် ဥပဒေ ပုဒ်မ (၃) ကို ကျူးလွန်ဖောက်ဖျက်ခြင်း ရှိမရှိဆိုတာကို စစ်ဆေး နေတာဖြစ်ပါတယ်။ ဒီဥပဒေဟာ မြန်မာနိုင်ငံ ကိုလိုနီခေတ် ကတည်းက ကျင့်သုံးလာတဲ့ ဥပဒေဖြစ်တဲ့အတွက် ပြင်ဆင်သင့်ကြောင်း ဥပဒေပညာရှင်တွေက သတိပေးနေတာပါ။

ဒီ သတင်းထောက် နှစ်ယောက်ဟာ ရခိုင်ပြည်နယ်မြောက်ပိုင်းက ရိုဟင်ဂျာမွတ်ဆလင် ၆ သိန်းခွဲကျော် ဘင်္ဂလားဒေ့ရ်ှဘက်ကို ထွက်ပြေးခဲ့ကြတဲ့ ကိစ္စနဲ့ပတ်သက်ပြီး သတင်းရယူဖို့ ကြိုးစားခဲ့ကြတာ ဖြစ်ပါတယ်။

ဗွီအိုအေ (မြန်မာဌာန)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ