ဝါးစိမ်းတောင်မှာ သတ္တုတူးဖော်ခွင့်ပေးဖို့ MIC ထံ ယန်စီကုမ္ပဏီ တင်ပြ

စစ်ကိုင်းတိုင်းဒေသကြီးက လက်ပံတောင်းတောင်ဒေသကို တွေ့ရစဉ် / Photo: Kyaw Zaw Win/RFA
စစ်ကိုင်းတိုင်းဒေသကြီး၊ ယင်းမာပင်မြို့နယ် ၀ါးစိမ်းတောင်ဒေသမှာ တရုတ်နိုင်ငံ ယန်စီကုမ္ပဏီက သတ္တုကြောတစ်ခု ရှာဖွေတွေ့ရှိထားပြီး တူးဖော်ထုတ်လုပ်ခွင့်ရဖို့အတွက် မြန်မာနိုင်ငံ ရင်းနှီးမြှုပ်နှံမှု ကော်မရှင်ထံ တင်ထားတယ်လို့ စစ်ကိုင်းတိုင်းဒေသကြီး လွှတ်တော်ကိုယ်စားလှယ် ဒေါက်တာ သိန်းနိုင်က ဒီနေ့ ပြောပါတယ်။

အဲဒီဒေသမှာ သတ္တု ၄ မျိုးလောက်ထွက်ရှိတယ်လို့ သတင်းတွေထွက်နေပေမယ့် အခြားသတ္တု အနည်းငယ်သာ ပါဝင်ပြီး ကြေးနီသာအများစုဖြစ်တာကြောင့် ယန်စီကုမ္ပဏီက ကြေးနီထုတ်လုပ်ဖို့ ခွင့်ပြုချက်တင်ထားတာဖြစ်တယ်လို့ ဒေါက်တာသိန်းနိုင်က ပြောပါတယ်။

"ဒီကော့ပါး ဆာလဖိတ်ပဲ သူတို့ အဓိက ကြေးထုတ်ဖို့ပဲ အဓိက စမ်းသပ်တွေ့ရှိထားတယ်လို့ သူတို့ပြော တာပေါ့နော်။ သူတို့က Proposal (အဆိုပြုချက်) ကို ပြည်ထောင်စုကို တင်ထားတယ်လေ။ ပြည်ထောင်စုက ခွင့်ပြုမှာလေနော်။ ခွင့်ပြုချက်ရပြီဆိုလို့ရှိရင် အောက်ခြေအနေနဲ့ တိုင်းဒေသကြီး အစိုးရအနေနဲ့ သုံးသပ်ချက် ဆိုတာ ထွက်လာရမှာပေါ့ဗျာ။ အဲဒီအခါကျမှ တိုင်းဒေသကြီး အစိုးရက မြေပြင် ပကတိအနေအထားမှာ problem (ပြဿနာ) ဘယ်လောက်ရှိနိုင်လဲ။ ပြဿနာတွေ လျော့ပါးအောင် ဘယ်လောက်လုပ်မလဲ ဒါ ထောက်ခံချက် ပေးရမယ်လေနော်"

အဲဒီ ၀ါးစိမ်းတောင်ဒေသဟာ ဆားလင်းကြီးမြို့နယ် လက်ပံတောင်းတောင်၊ စံပယ်တောင်တွေနဲ့ ဆက်စပ်နေပေမယ့် ကြေးနီပါဝင်မှုနှုန်းဟာ အဲဒီတောင်တွေလောက် မများဘူးလို့ ပြောပါတယ်။

အဲဒီ သတ္တုကြောမှာ ရွှေပါ ပါဝင်တယ်လို့ သတင်းတွေ ထွက်နေပေမယ့် ပမာဏအနည်းငယ်သာ ဖြစ်နိုင်တယ် လို့လည်း ဒေါက်တာသိန်းနိုင်က ပြောပါတယ်။

တရုတ်နိုင်ငံက ကုမ္ပဏီတွေဟာ မြန်မာနိုင်ငံမှာ သတ္တုတူးဖော်ရေးလုပ်ငန်းတွေ လုပ်ကိုင်နေပြီး စစ်ကိုင်း တိုင်းဒေသကြီးက လက်ပံတောင်းတောင် ကြေးနီစီမံကိန်းဟာ ထင်ရှားတဲ့ စီမံကိန်းတစ်ခု ဖြစ်ပါတယ်။

အဲဒီ လက်ပံတောင်းတောင် ကြေးနီစီမံကိန်းနဲ့ပတ်သက်ပြီး တရုတ်ကုမ္ပဏီနဲ့ ဒေသခံတွေကြား အငြင်းပွားမှုတွေဟာ ဒီကနေ့အထိ ရှိနေဆဲဖြစ်ပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ