မန္တလေးတိုင်းဒေသကြီး၊ ပြည်ကြီးတံခွန်မြို့နယ် စက်မှုဇုန် ကနောင်ခန်းမမှာ ကျင်းပတဲ့ အနည်းဆုံး အခကြေးငွေ သတ်မှတ်နိုင်ရေး တွေ့ဆုံပွဲကို တွေ့ရစဉ်။ Photo: MICS |
အနည်းဆုံးလုပ်ခလစာနှုန်းထားအသစ် ပြဋ္ဌာန်းနိုင်ဖို့အတွက် အနည်းဆုံးအခကြေးငွေ သတ်မှတ်ရေးဆိုင်ရာ အမျိုးသားကော်မတီ အတွင်းရေးမှူး ဦးဝင်းရှိန် နဲ့ တွေ့ဆုံရာမှာ တောင်းဆိုလိုက်တာဖြစ်တယ်လို့ မန္တလေးတိုင်း အနည်းဆုံးလုပ်ခလစာ သတ်မှတ်ရေးကော်မတီဝင် ဦးသက်နှင်းအောင် က ပြောပါတယ်။
"ကျနော်တို့က တောင်းဆိုတာပေါ့နော်၊ ပထမ တစ်ချက်က ၅၆၀၀ သတ်မှတ်ပေးဖို့ပေါ့နော်၊ ဒုတိယတစ်ခုက ကျတော့ ဥပဒေနဲ့အညီ ၂ နှစ်ကာလအတွင်းမှာ ကျနော်တို့ကို သတ်မှတ်ပေးရေးပေါ့နော်၊ နောက်တစ်ခုက ကျတော့ အနည်းဆုံးအခကြေးငွေမှာ အလုပ်သမား ၅ ဦးအထက်ကို အကြုံးဝင်စေရေးကို တောင်းဆိုတာ ဖြစ်ပါတယ်"
မန္တလေးတိုင်းဒေသကြီး၊ ပြည်ကြီးတံခွန်မြို့နယ် စက်မှုဇုန် ကနောင်ခန်းမမှာ ဒီကနေ့ မနက်ပိုင်းက တွေ့ဆုံခဲ့ကြတာ ဖြစ်ပါတယ်။
အနိမ့်ဆုံး လုပ်ခလစာ ကျပ် ၃၆၀၀ ကို ပြီးခဲ့တဲ့အစိုးရလက်ထက် ၂၀၁၅ ခုနှစ် ဇွန်လ ၂၉ ရက်နေ့မှာ ထုတ်ပြန် ကြေညာသတ်မှတ်ခဲ့တာဖြစ်ပြီး ၂၀၁၅ ခုနှစ် စက်တင်ဘာ ၉ ရက်နေ့မှာ အလုပ်သမားတွေကို စတင်ခံစား ခွင့်ပြုခဲ့တာ ဖြစ်ပါတယ်။
အဲဒီနှုန်းထားဟာ အနည်းဆုံး အလုပ်သမား ၁၅ ဦးနဲ့အထက်ရှိတဲ့ လုပ်ငန်းတွေအတွက် အကျုံးဝင်တယ်ဆိုပြီး သတ်မှတ်ပြဋ္ဌာန်းထားတာလည်း ဖြစ်ပါတယ်။
ဒါ့အပြင် လက်ရှိပြဋ္ဌာန်းထားတဲ့ ကျပ် ၃၆၀၀ ကိုတောင် မရသေးတဲ့ စက်ရုံတွေရှိနေပြီး အဲဒီလိုစက်ရုံတွေကို စစ်ဆေး ဖော်ထုတ်အရေးယူပေးဖို့လည်း တောင်းဆိုခဲ့တယ်လို့ ပြောပါတယ်။
အနည်းဆုံးအခကြေးငွေကို တစ်ရက် ကျပ် ၅၀၀၀ ထက် မနည်းသင့်ကြောင်း ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်း က ရန်ကုန်တိုင်းဒေသကြီး အနည်းဆုံးအခကြေးငွေ သတ်မှတ်ရေးဆိုင်ရာ ကော်မတီကို အကြံပြုပြောကြားထားတာလည်း ရှိပါတယ်။
အမျိုးသားကော်မတီအတွင်းရေးမှူး ဦးဝင်းရှိန်ဟာ ဒီနေ့ညနေပိုင်းမှာ အလုပ်ရှင်တွေနဲ့ တွေ့ဆုံဆွေးနွေးခဲ့တယ်လို့ လည်း သိရပါတယ်။
RFA Burmese
http://www.rfa.org/burmese
တစ်ရက်လုပ်ခ ကျပ် ၅၆၀၀ သတ်မှတ်ပေးဖို့ တောင်းဆို
Reviewed by THITHTOOLWIN
on
20:08
Rating: