တိုင်ဖွန်းမုန်တိုင်းကြောင့် ဗီယက်နမ်မှာ လူ ၇၀ ခန့်သေ


ဗီယက်နမ် နိုင်ငံရဲ့ တောင်ပိုင်း ဗဟိုကမ်းရိုးတန်းဒေသမှာ ပြီးခဲ့တဲ့ သတင်းပတ်က ၀င်ရောက်တိုက်ခတ်ခဲ့တဲ့ အင်အားပြင်း တိုင်ဖွန်းမုန်တိုင်းကြောင့် သေဆုံးသူ ၆၉ ယောက်အထိ ရှိသွားပြီလို့ တာဝန်ရှိသူတွေက ပြောဆိုပါတယ်။

Khanh Hoa ပြည်နယ်ကို မွှေနှောက် ဖျက်စီးခဲ့တဲ့ တိုင်ဖွန်း Damrey အပြီး လူ ၃၀ ပျောက်ဆုံးနေဆဲ ဖြစ်တယ်လို့လည်း သဘာဝဘေးဒဏ် စီမံခန့်ခွဲမှုဆိုင်ရာ အာဏာပိုင် အဖွဲ့က ပြောပါတယ်။ အကြီးအကျယ် ရေကြီးမှုကြောင့် အိမ်ပေါင်း ၁ သိန်း ၁ သောင်း ၆ ထောင် လုံးဝပျက်စီး၊ ဖျက်စီးခံခဲ့ရပါတယ်။ တိုင်ဖွန်း Damrey ကြောင့် မိုးသည်းထန် ရေကြီးနေတာကြောင့် နိုင်ငံ အလယ်ပိုင်း Danang မြို့မှာ ဗုဒ္ဓဟူးနေ့ စပြီး ၂ ရက်ကြာ ကျင်းပမယ့် အာရှ ပစိဖိတ် စီးပွားရေး ပူးပေါင်းဆောင်ရွက်မှု- APEC ညီလာခံအပေါ်မှာလည်း သက်ရောက်နိုင်ပါတယ်။

နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်လည်း ဒီညီလာခံကို တက်ရောက်မှာပါ။ ဒါ့အပြင် အမေရိကန် သမ္မတ Donald Trump ၊ တရုတ် သမ္မတ Xi Jinping ၊ ဂျပန် ၀န်ကြီးချုပ် Shinzo Abe၊ ရုရှား သမ္မတ Vladimir Putin တို့ အပါအ၀င်နိုင်ငံပေါင်း ၂၁ နိုင်ငံက ခေါင်းဆောင်တွေ တက်ရောက်မယ်လို့ ခန့်မှန်းထားပါတယ်။

အစည်းအဝေးကတော့ မူလ စီစဉ်ထားတဲ့ အတိုင်း ဖြစ်မြောက်မယ်လို့ ခန့်မှန်းထားပါတယ်။ ဒါပေမယ့် နိုင်ငံ့ခေါင်းဆောင်တွေရဲ့ ဇနီး၊ ခင်ပွန်းတွေကို လည်ပတ်ဖို့ စီစဉ်ထားတဲ့ ကမ္ဘာ့ယဉ်ကျေးမှု အမွေအနှစ်အဖြစ် UNESCO က အသိအမှတ်ပြုထားတဲ့ Hoi An ရှေးဟောင်းမြို့တော်ကို သွားရောက်မယ့် ခရီးစဉ်ကိုတော့ ဖျက်သိမ်းရဖွယ် ရှိနေပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ