ကလေးဝမြို့၌ ကျောက်မီးသွေးတွင်းပြိုကျ၍ အလုပ်သမားတစ်ဦးသေဆုံးပြီး တစ်ဦး ဒဏ်ရာရရှိ

ဓာတ်ပုံ - ပြည်ထဲရေးဝန်ကြီးဌာန

နိုဝင်ဘာ ၁၉ ရက်

စစ်ကိုင်းတိုင်းဒေသကြီး ကလေးဝမြို့ရှိ ထူးဟန်သစ် ကျောက်မီးသွေးလုပ်ကွက်၌ ကျောက်မီးသွေးလှိုဏ်ခေါင်း အမိုးပြိုကျမှုကြောင့် အလုပ်သမား ၁ ဦးသေဆုံးကာ ၁ ဦးဒဏ်ရာရရှိခဲ့ကြောင်း သတင်းရရှိသည်။

ဖြစ်စဉ်မှာ နိုဝင်ဘာ ၁၈ ရက် မနက် ၁၀ နာရီ ၃၀ မိနစ် အချိန်တွင် ကလေးမြို့နယ် သစ်ချောက်ကျေးရွာ တောင်ဘက်(၂)မိုင်ခန့်အကွာ ကျောက်အုံကျေးရွာ အနီးရှိ "ထူးဟန်သစ်" ကျောက်မီးသွေးလုပ်ကွက်၌ အောင်ခိုင်ဝင်းနှင့် ကံကြီးအောင် တို့သည် လှိုင်ခေါင်းအမှတ်(၁) အဝအကျယ်(၉)ပေ၊ အရှည်(၁၂၀၀)ရှိ လှိုင်ခေါင်းအတွင်း ကျောက်မီးသွေးတူးနေစဉ် အပေါ်အမိုးပြိုကျကာ ဒဏ်ရာရရှိ၍ ကလေးမြို့ ပြည်သူ့ဆေးရုံသို့ ပို့ဆောင်စဉ် အောင်ခိုင်ဝင်းမှာ လမ်းခရီး၌ သေဆုံးသွားခဲ့ခြင်းဖြစ်ကြောင်း ကလေးဝမြို့မ ရဲစခန်းထံမှ သိရသည်။

ကလေးဝမြို့မရဲစခန်းမှူး ဒုတိယရဲမှူး ဌေးဝင်း ဦးစီး အဖွဲ့၏ စစ်ဆေးချက်အရ အောင်ခိုင်ဝင်း(၂၁)နှစ် ကျောက်မီးသွေးတွင်း လုပ်သား (ဘ)ဦးဖိုးသီး ရှားတောပေါက်အိုင်ကျေးရွာ မင်းကင်းမြို့နယ်နေသူမှာ နဖူးကွဲ၊ နံရိုးကျိုးဒဏ်ရာများဖြင့် သေဆုံးခဲ့ခြင်းဖြစ်ပြီး ကံကြီးအောင်(၂၉)နှစ် ကျောက်မီးသွေးတွင်းလုပ်သား (ဘ)ဦးထွန်းခင် (လိပ်စာတူ)တွင် ယာလက်ဖျံ၊ ဦးခေါင်းဖူးရောင် ဒဏ်ရာ ရရှိထားကြောင်း သိရသည်။

ထို့ကြောင့် ကျောက်မီးသွေးတွင်းလုပ်သား အောင်ခိုင်ဝင်း သေဆုံးမှုအား ကလေးဝမြို့မရဲစခန်းမှ သေမှုသေခင်းအမှတ်စဉ် ၆/၂၀၁၇ ရေးဖွင့် စစ်ဆေးလျက်ရှိကြောင်း သိရသည်။

ဧရာဝတီတိုင်းမ်
Ayeyarwaddy Times
https://www.facebook.com/ayeyarwaddytimes/