စာမေးပွဲဖြေဆိုနေသည့် စစ်တွေတက္ကသိုလ် အဝေးသင်ကျောင်းသား သုံးထောင်ကျော် လိုင်းကားမရှိ၍ လမ်းလျှောက် အိမ်ပြန်ရ

(ဓာတ်ပုံ- ခိုင်ထူးမြတ်)
စစ်တွေ၊ နိုဝင်ဘာ ၂၂

စစ်တွေတက္ကသိုလ်တွင် လာရောက်စာမေးပွဲ ဖြေဆိုနေကြသည့် ကျောင်းသားများအထဲမှ ကျောင်းသား ကျောင်းသူ ၃၀၀၀ ကျော်သည် ကျောင်းနှင့် စစ်တွေမြို့အကြား ပြေးဆွဲနေသည့် မော်တော်ယာဉ်လိုင်းမှ ပြေးဆွဲခြင်းမရှိဘဲ ရပ်နားလိုက်သဖြင့် ကျောင်းမှနေ နေအိမ်များထိ လမ်းလျှောက်အိမ်ပြန်ခဲ့ရသည်ဟု သတင်းရရှိသည်။

ယခုကဲ့သို့ ဖြစ်ရခြင်းမှာ စစ်တွေမြို့ထဲနှင့် စစ်တွေ တက္ကသိုလ်အကြားပြေးဆွဲနေသည့် ရိုးမသဇင် မော်တော်ယာဉ်လိုင်းမှ သူတို့ ပြေးဆွဲနေသည့် ယာဉ်လိုင်းကြောင်းတွင် သုံးဘီးဆိုင်ကယ်များ တရားမ၀င် ၀င်ရောက် ပြေးဆွဲသည်ကို သက်ဆိုင်ရာ အာဏာပိုင်များမှ ဟန့်တားခြင်းမပြုသဖြင့် သူတို့၏ ပြေးဆွဲနေသည့် ယာဉ်လိုင်းကြောင်းကို ရပ်တန့်လိုက်ရာမှ ပြေးဆွဲမည့် လိုင်းကား မရှိတော့၍ ကျောင်းသား ကျောင်းသူ ၃၀၀၀ ခန့်မှာ နေအိမ်များသို့ လမ်းလျှောက်ပြန်ခဲ့ရခြင်းဖြစ်ကြောင်း ကျောင်းသားများက ပြောကြားသည်။


လမ်းလျှောက်ပြန်လာသူ ပုဏ္ဍားကျွန်းမြို့နယ်မှ ကျောင်းသူ တစ်ဦးအား မေးမြန်းကြည့်ရာ သူမက “ စာမေးပွဲကာလအတွင်းမှာ ဒီလို လုပ်တာမျိုးကတော့ မကောင်းဘူး။ သူတို့ချင်း ဘာဘဲ ဖြစ်နေ ဖြစ်နေ စာမေးပွဲကာလအတွင်းမှာ ကျောင်းသား ကျောင်းသူတွေ စိတ်အနှောင့်အယှက် ဖြစ်အောင်တော့ မလုပ်သင့်ပါဘူး။ ဒီကနေ့မှာ ခုလို ဖြစ်ပျက်သွားတဲ့အတွက် ကျွန်မတို့ ကျောင်းသား ကျောင်းသူတွေ ရုပ်ပိုင်းရော၊ စိတ်ပိုင်းပါ ထိခိုက်ခဲ့ရပါတယ်” ဟု ပြောကြားသည်။

စစ်တွေတက္ကသိုလ်တွင် အဝေးသင် စာမေးပွဲ ဖြေဆိုနေသူ ကျောင်းသား ကျောင်းသူ ၉၀၀၀ ကျော်ခန့်ရှိပြီး ထိုအထဲမှ ၃၀၀၀ ကျော်မှာ လိုင်းကားမရှိ၍ လမ်းလျှောက်ပြန်ခဲ့ကြရသည်ဟု ဆိုသည်။

“ ရိုးမသဇင်လိုင်းကားအဖွဲ့က ကျနော်တို့ ကျောင်းသားတွေကို ဒီအတိုင်း ထားပစ်ခဲ့ကြတယ်။ သုံးဘီး ဆိုင်ကယ်တွေ ၀င်ပြေးဆွဲလို့ဆိုပြီး ကျောင်းသားတွေကို တစ်ယောက်မှ မတင်ဘဲ ဒီအတိုင်းထားပြီး ပြန်သွားခဲ့ကြတယ်။ ကျောင်းသား ကျောင်းသူ ၉ ထောင်ကျော်ရှိတဲ့အထဲမှာ ၃ ထောင်ကျော်လောက် ကိုယ့်အိမ်ကို လမ်းလျှောက်ပြန်လာရတယ်။ ကျွန်တော်တို့ရဲ့ စာမေးပွဲဖြေတဲ့ အချိန်မှာ ဒီလိုဖြစ်တာကတော့ လုံးဝမကောင်းဘူး။ မနက်ဖြန်လည်း ဘယ်လိုဖြစ်လာမလဲဆိုတာ မသိသေးဘူး” ဟု အဝေးသင်စာမေးပွဲဖြေဆိုနေသူ ကိုခိုင်ထူးမြတ်က ပြောသည်။


အဆိုပါကိစ္စနှင့် ပတ်သက်ပြီး ရိုးမသဇင်ယာဉ်လိုင်းကားအဖွဲ့သို့ ဆက်သွယ်မေးမြန်းရာ ရိုးမသဇင် ယာဉ်လိုင်းပြေးဆွဲနေသည့် ဦးမောင်ဇံက “ဒီကိစ္စကို ရှင်းလင်းပေးဖို့ သက်ဆိုင်ရာ တာဝန် ရှိသူတွေကို တောင်းဆိုခဲ့တာလည်း များခဲ့ပြီ။ သည်းခံပြီးတော့ ပြေးဆွဲ ပေးနေတာ ဖြစ်ပါတယ်။ ဒီနေ့မနက်ပိုင်းကလည်း ကားအစီး ၆ဝ လောက်ကိုပဲ ထိန်းချုပ်နိုင်လိုက်တယ်။ ကျန်တာကို မထိန်းချုပ်နိုင်လိုက်တာကြောင့် ညနေ အပြန်မှာလောက် ပြေးဆွဲလို့ရမလားဆိုပြီး စောင့်နေခဲ့ပါသေးတယ်။ ဒါပေမယ့် သက်ဆိုင်ရာက တစ်စုံတစ်ရာ ဝင်ရောက်ဖြေရှင်းတာ မရှိတာကြောင့် သုံးဘီးတွေ ၀င်ဆွဲတဲ့ အတွက် ကျွန်တော်တို့က ရပ်လိုက်တော့ ဒီလိုဖြစ်ရတာပါ ” ဟု ပြောသည်။

ရိုးမသဇင် ယာဉ်လိုင်းအသင်းဥက္ကဌဖြစ်သူ ဦးညွန်မောင်က “ ဒီရိုးမသဇင်ယာဉ်လိုင်းဟာ အစိုးရက တရားဝင်သတ်မှတ်ပေးထားတဲ့ ယာဉ်လိုင်းဖြစ်တယ်။ ဖြစ်ကတက်ဆန်းပြေးဆွဲနေတဲ့ ယာဉ်လိုင်း မဟုတ်ဘူး။ တက္ကသိုလ်ယာဉ်တန်းတွေကို အဆင် မြင့်တင်ရေး အတွက် ကားတွေကို အကြွေးစနစ်နဲ့ ၀ယ်ယူပြီးတော့ တရားဝင်ဖွဲ့စည်းထားတဲ့ ယာဉ်လိုင်းတစ်ခုဖြစ်တဲ့အတွက်ကြောင့် အခုဒီလိုင်းထဲမှာ အခြားပြင်ပက ယာဉ်တွေဝင်ဆွဲတာကို လုံးဝ လက်မခံဘူး။ အစိုးရက တရားဝင် သတ်မှတ်ပေးထားတဲ့ ယာဉ် ၁၅ဝ ကျော်ကိုပဲ တရားဝင် ခွင့်ပြုပေးဖို့ တောင်းဆိုချင်ပါတယ်။ ဟု ပြောသည်။

ရခိုင်ပြည်နယ် စစ်တွေတက္ကသိုလ်ကျောင်းတွင် လက်ရှိ ကျောင်းသား၊ကျောင်းသူပေါင်း ၉ ထောင် ကျော်ရှိပြီး အဆိုပါကျောင်းသားများအား ကြိုပိုလုပ်နိုင်ရန် ရိုးမသဇင်ယာဉ်လိုင်းအား ယခင် အစိုးရ လက်ထက်က တရားဝင်ခွင့်ပြုချက်ပေးပြီးဖြစ်ကြောင်း သိရသည်။

နောင်ခိုင်အောင်
Narinjara
https://www.facebook.com/Narinjara

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ