ရှမ်းပြည်နယ် တောင်ပိုင်းလွိုင်လင်မြို့နယ် ပါဟုတ်ကျေးရွာ ရာအိမ်မှူးကို နိုဝင်ဘာ ၁၉ရက် ညနေ ၆နာရီ အချိန်က အမည်မသိ မျက်နှာဖုံးစွပ်သူသုံးဦးက ဓါးဖြင့်လုပ်ကြံသတ်ဖြတ်မှုဖြစ်ပွားခဲ့ကြောင်း သိရသည်။
ဖြစ်စဉ်တွင် ပါဟုတ်ကျေးရွာ ရာအိမ်မှူး ဦးဖြားမောင်သည် တောင်ယာအလုပ်မှပြန်လာပြီး ထမင်းစားပြီးကာ အိမ်ပေါ်တက်ရာမှာ လုပ်ကြံသတ်ဖြတ်ခံရကြောင်းသိရသည်။
``တောင်ယာလုပ်တာပြန်လာပြီး ထမင်းစားတယ်။ ထမင်းစားပြီးအိမ်ပေါ်တက်သွားတဲ့အချိန်မှာ ခေါင်းစွပ်မျက်နှာအုပ်ထားတဲ့အမည် မသိသူသုံးဦးက ဦးဖြားမောင်ကို ဓါးနဲ့သတ်ဖြတ်တယ် မိန်းမကမီးဖိုဆောင်မှာအသံကြားတော့ အိမ်ပေါ်တက်ကြည့်တဲ့အခါမှာ သေဆုံးသွားပြီ´´ဟု ရှမ်းပြည်နယ် ရဲတပ်ဖွဲ့ ဒုရဲမှူးစိုးထွန်း ဝင်းကပြောသည်။
ဦးဖြားမောင် အသက် ၄၉ နှစ်သည်နေရာတွင်ပင် လည်ပင်းပြတ်ဖြင့်သေဆုံးသွားကြောင်း၊ သတ်ဖြတ်သူသည် မည်သူမည်ဝါသိရှိခြင်းမရှိဘဲ ထွက်ပြေးသွားကြောင်းသိရပါတယ်။
``လွန်ခဲ့တဲ့ နှစ်ရက်လောက်က ဦးဖြားမောင်ကို အမည်မသိသူစိမ်းကဝေ့ဝိုက်ချောင်းမြောင်းနေတာကို ရွာသားတွေကတွေ့တယ်၊ ဦးဖြားမောင်က နေအိမ်ကိုပြန်မအိပ်ဘဲ အခင်းဖြစ်တဲ့နေ့မှပြန်လာတာ´´ဟုဒေသခံများကပြောသည်။
ဦးဖြားမောင်သည် ရွာသားပြောပြချက်အရ ဘယ်သူ့ကိုမှ ရန်ငြိုးရန်စ မရှိခဲ့ကြောင်း၊ ယခုလိုဖြစ်ခြင်းသည် ဘာ့ကြောင့်ဖြစ်ရခြင်းကို မသိရှိသေးကြောင်း သိရပါတယ်။
အမှုနဲ့ပတ်သက်ပြီး တရားခံကိုဖမ်းဆီးရမိနိုင်ရန် ရဲတပ်ဖွဲ့ ကလုပ်ဆောင်နေကြောင်း၊ ဒီအမှု နှင့်ပတ်သက်ပြီးလွိုင်လင် ရဲစခန်းတွင် ရာဇသတ်ကြီး ပုဒ်မ ၃၀၂ လူသတ်မှုဖြင့်အမှုဖွင့်ထားကြောင်းသိရပါ သည်။
ခွန်ရာဇာ
The People's Voice - ခမ်းသားငေါဝ်း
https://www.facebook.com/KhamSarNgor/
လွိုင်လင်မြို့နယ် ပါဟုတ်ကျေးရွာ ရာအိမ်မှူးကို အမည်မသိ မျက်နှာဖုံးစွပ်သူကလုပ်ကြံသတ်ဖြတ်
Reviewed by THITHTOOLWIN
on
20:18
Rating: