MLM ကုမ္ပဏီတွေကို စုံစမ်းစစ်ဆေးမှုတွေ စတင်

ဆင့်ပွားကွန်ရက်ချိတ်ဆက်ရောင်းဝယ်တဲ့ MLM စနစ်ပြပုံ။ Photo: Ministry of Home Affairs Facebook
မြန်မာနိုင်ငံမှာရှိတဲ့ ဆင့်ပွားကွန်ရက်ချိတ်ဆက်ရောင်းဝယ်တဲ့ စနစ် MLM ကုမ္ပဏီတွေကို ဒီနှစ်ဆန်းပိုင်းကစပြီး အထူးစုံစမ်းစစ်ဆေးရေး ဦးစီးဌာန ဦးဆောင်တဲ့ ပူးပေါင်းအဖွဲ့က စုံစမ်းစစ်ဆေးမှုတွေ စတင်ဆောင် ရွက်နေကြောင်း ပြည်ထဲရေးဝန်ကြီးဌာနက သတင်းထုတ်ပြန်လိုက်ပါတယ်။

နိုင်ငံတော်သမ္မတရုံးနဲ့ ပြည်ထဲရေးဝန်ကြီးဌာနတိုရဲ့ တာဝန်ပေးချက်အရ အထူးစုံစမ်းစစ်ဆေးရေး ဦးစီးဌာနက ဦးဆောင်ပြီး ကုန်သွယ်ရေးဦးစီးဌာန၊ အကောက်ခွန်ဦးစီးဌာန၊ ပြည်တွင်းအခွန်များဦးစီးဌာန၊ ရင်းနှီးမြှုပ်နှံမှုနဲ့ ကုမ္ပဏီများညွန်ကြားမှု ဦးစီးဌာန၊ အစားအသောက် နဲ့ ဆေးဝါးကွပ်ကဲရေး ဦးစီးဌာနတို့က ပူးပေါင်းအဖွဲ့အနေနဲ့ စီစစ်နေတယ်လို့ ထုတ်ပြန်ထားပါတယ်။

၂၀၀၉ ခုနှစ်နဲ့ ၂၀၁၁ ခုနှစ်တွေမှာ MLM ပြည်တွင်းကုမ္ပဏီ ၂ ခုနဲ့ ပြည်ပကုမ္ပဏီ ၁ ခုကို စုံစမ်းဖော်ထုတ် တရား စွဲဆိုနိုင်ခဲ့တယ်လို့ ပါရှိပါတယ်။

အဲဒီ MLM စနစ်ဟာ နိုင်ငံတကာမှာ လုပ်ဆောင်နေတဲ့စနစ်မျိုးဖြစ်ပြီး အာဆီယံနိုင်ငံတွေမှာ MLM စနစ်ကို ထိန်းချုပ်နိုင်ရေးအတွက် ဥပဒေတွေပြဌာန်းထားပြီး မြန်မာနိုင်ငံမှာ MLM စနစ်နဲ့ရောင်းချနေတာကို အရေးယူနိုင်ဖို့ ဥပဒေတစ်ရပ်လိုအပ်နေတယ်လို့လည်း ဖော်ပြထားပါတယ်။

MLM ဟာ ဆင့်ပွားကွန်ရက်ချိတ်ဆက်ရောင်းဝယ်တဲ့စနစ်ဖြစ်ပြီး ရောင်းချတဲ့ ကုန်ပစ္စည်းအရည်အသွေးကို မှန်ကန် စွာပြောဆိုထားခြင်းမရှိဘဲ ပစ္စည်းရောင်းချနိုင်ရေးကိုသာ ဦးတည်ရောင်းချတဲ့ပုံစံဖြစ်ပါတယ်။

ပစ္စည်းများများရောင်းချနိုင်ရင် ကိုယ်စားလှယ်အရေအတွက်များများစုဆောင်းနိုင်ရင် အကျိုးအမြတ်ပိုမို ရရှိမှာဖြစ်ပြီး ဆုကြေးငွေတွေ၊ နိုင်ငံခြားခရီးစဉ်တွေ အခမဲ့ပို့ဆောင်ပေးမယ်ဆိုပြီး မက်လုံးပေး ဆွဲဆောင်ကြတာဖြစ်ပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ