ဓာတ်ပုံသတင်းထောက် ကိုမင်းဇေယျာဦး (ဝဲ) နဲ့ ကိုခွန်လတ် (ယာ) သတင်းဓာတ်ပုံ-Geo Magazine |
ကမ္ဘာမှာထိပ်တန်းရောက်နေတဲ့ သတင်းကြီးတခုအတွက် သတင်းယူတဲ့ သတင်းထောက်တွေ Bangladesh အာဏာပိုင်တွေအနေနဲ့ ရာဇဝတ်မှုနဲ့ အရေးမယူသင့်ဘူးလို့ CPJ ရဲ့ ဒုတိယညွှန်ကြားရေးမှူးချုပ် Robert Mahoney က CPJ ရဲ့ကြေညာချက်ထဲမှာ ပြောထားပါတယ်။ ကိုမင်းဇေယျာဦးနဲ့ ခွန်လတ်တို့ကို အမြန်ဆုံး ပြန်လွှတ်ပေးပြီး သူတို့အပေါ်စွဲဆိုထားတဲ့ စွဲဆိုချက်အားလုံးကို ရုတ်သိမ်းပေးဖို့တောင်းဆိုသလို ရိုဟင်ဂျာတွေရဲ့သတင်းကို သတင်းယူတဲ့ ပြည်တွင်းနဲ့ နိုင်ငံတကာသတင်းထောက်တွေကို လွတ်လွတ်လပ်လပ် သတင်းယူခွင့်ပေးရမယ်လို့ CPJ အကြီးအကဲက ပြောပါတယ်။
မြန်မာနိုင်ငံက သတင်းထောက် ၂ ယောက်ကို Bangladesh အာဏာပိုင်တွေက အာမခံမပေးဘဲ ဆက်လက်ထိန်းသိမ်းထားပါတယ်။ သူတို့ ၂ ယောက်ဟာ ဘင်္ဂလားဒေ့ရ်ှနိုင်ငံထဲကို သတင်းထောက်ဗီဇာနဲ့ မဟုတ်ပဲ ကမ္ဘာလှည့် ခရီးသွားဧည့်သည် ပြည်ဝင်ခွင့်ဗီဇာနဲ့ ၀င်ရောက်ပြီး သတင်းဓါတ်ပုံ ရိုက်ယူခဲ့တယ်။
အတုအယောင်နဲ့ အချက်အလက်အမှားတွေ ဖော်ပြတယ်ဆိုပြီး ဘင်္ဂလားဒေ့ရ်ှအာဏာပိုင်တွေက ဖမ်းဆီး တရားစွဲဆိုထားကြောင်း AFP သတင်းတခုမှာ ဖော်ပြပါတယ်။ ကိုမင်းဇေယျာဦးကတော့ ဗြိတိန်အခြေစိုက် Panos Pictures ဓာတ်ပုံလုပ်ငန်းကုမ္ပဏီရဲ့ အလွတ်သတင်းထောက်လည်းဖြစ်ပါတယ်ရှင်။
ဗွီအိုအေ (မြန်မာပိုင်း)
https://burmese.voanews.com
မြန်မာသတင်းထောက်တွေအပေါ် စွဲချက် ရုတ်သိမ်းဖို့ CPJ တောင်းဆို
Reviewed by THITHTOOLWIN
on
07:09
Rating: