ဘီးလင်းမြို့နယ် ရွှေသံလွင်တိုးဂိတ်တွင် လမ်းအသုံးပြုခပေးဆောင်ရန် စောင့်ဆိုင်းနေသော ယာဉ်မှာ အတိုက် ခံရပြီး (၃)ဦးဒဏ်ရာရ


မွန်ပြည်နယ်၊ ဘီးလင်းမြို့နယ်၊ ဒေါက်ရပ်ကျေးရွာ၊ ရွှေသံလွင်တိုးဂိတ်တွင် သြဂုတ် ၁၈ ရက်၊ ည ၁၁ နာရီခန့်က လမ်းအသုံးပြုခပေးဆောင်ရန် စောင့်ဆိုင်းနေသော ယာဉ်အား နောက်မှယာဉ်က ဝင်တိုက်ခဲ့ရာ လူ(၃)ဦးဒဏ်ရာ ရရှိခဲ့ကြောင်း သိရှိရသည်။
"ရှေ့က (၆)ဘီးယာဉ်က လမ်းဖြတ်ခပေးဖို့စောင့်နေတဲ့အချိန် အနောက်က (၁၂)ဘီးယာဉ်က အရှိန်မထိန်းနိုင် ဘဲဝင်တိုက်လိုက်တာ တိုက်တဲ့အရှိန်ကြောင့် (၆)ဘီးယာဉ်ကနေ သူရှေ့က(၁၂)ဘီးကို ထပ်တိုက်တာ (၆)ဘီး ယာဉ်က(၃)ယောက်က ကားထဲညပ်နေပြီး ဒဏ်ရာတွေရသွားတယ်။''ဟု ဘီးလင်းမြို့မ ရဲစခန်းမှ ရဲအရာရှိ တစ်ဦးက ပြောသည်။

 သထုံဘက်မှ ကျိုက်ထိုဘက်သို့ မင်္ဂလာဒုံမြို့နယ်နေ အောင်သူရ(၄၀)နှစ်မောင်းနှင်လာသော ယာဉ်အမှတ် ISUZU (၆)ဘီးယာဉ်သည် ရွှေသံလွင်တိုးဂိတ်အရောက်တွင် လမ်းအသုံးပြုခပေးဆောင်ရန် စောင့်ဆိုင်းနေစဉ် အနောက်ဘက်မှ ယာဉ်မောင်း(အမည်၊ အဘ၊ အသက်၊ လိပ်စာ)စိစစ်ဆဲ မောင်းနှင်လာသော(၁၂)ဘီးယာဉ်က အရှိန်မထိန်းနိုင်ဘဲ ဝင်ရောက်တိုက်မိမှုကြောင့် (၆)ဘီးယာဉ်မှာ ၎င်းရှေ့တွင်ရပ်ထားသော (၁၂)ဘီးအား ထပ်မံ ဝင်ရောက်တိုက်မိမှုဖြစ်ပွားခဲ့ခြင်းဖြစ်ကြောင်း သိရသည်။

ယာဉ်တိုက်မှုကြောင့် (၆)ဘီးယာဉ်မောင်း အောင်သူရနှင့် ၎င်းယာဉ်ပေါ်လိုက်ပါလာသော ကျော်မြတ်ထွန်း(၁၈) နှစ်နှင့် အေးမင်းနိုင် (၂၄)နှစ်မှာ ဒဏ်ရာများရရှိခဲ့ပြီး နောက်မှဝင်တိုက်သော(၁၂)ဘီးယာဉ်မောင်းမှာ ထွက်ပြေး တိမ်းရှောင်သွားကြောင်း သိရသည်။

 ဖြစ်စဉ်ကြောင့် (၁၂)ဘီးယာဉ်မောင်းအား ဘီးလင်းမြို့မ ရဲစခန်းက ယာဉ် (ပ) ၄၄/ ၂၀၁၇ ရာဇသတ်ကြီးပုဒ် ၃၃၇/ ၃၃၈ ဖြင့် အမှုဖွင့်လှစ်ထားပြီး တရားခံဖမ်းဆီးရမိရေးဆောင်ရွက်နေကြောင်း သိရသည်။

ရတနာပုံ သတင်းစာ
https://www.facebook.com/yadanabonnewspaper/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ