သမီးနှင့် မြေးဖြစ်သူကို ရက်စက်စွာသတ်ဖြတ်ခဲ့သည့် ဖခင်အရင်းဖြစ်သူနှင့် မိသားစုဝင်များအား ရဲတပ်ဖွဲ့က ဖော်ထုတ်ဖမ်းဆီးအရေးယူထား
နေပြည်တော်၊ ဩဂုတ် ၁၅
သမီးနှင့်မြေးဖြစ်သူတို့(၂)ဦးအား ရက်စက်စွာသတ်ဖြတ်ပြီး ရွှေထည်ပစ္စည်းများ ယူဆောင် သွားခဲ့သည့် ဖခင်အရင်းဖြစ်သူနှင့် မိသားစုဝင်များအား သက်သေခံပစ္စည်းများနှင့်အတူ မော်လမြိုင် မြို့နယ်၊ မြိုင်သာယာနယ်မြေရဲစခန်းမှ ဖော်ထုတ်ဖမ်းဆီးရမိခဲ့ကြောင်း သိရသည်။
ဖြစ်စဉ်မှာ ၁၈-၇-၂၀၁၇ ရက်နေ့ ဝ၇၃ဝ အချိန် မော်လမြိုင်မြို့၊ ကျွဲခြံကုန်းရပ်ကွက်နေ ဒေါ်ဇော်မီလာ(ခ)ဇွန်မီလာဘီမှာ ၎င်း၏နေအိမ်အိပ်ရာဘေးတွင် ဦးခေါင်း/ချိုစောင်းတို့တွင် ပြတ်ရှ ဒဏ်ရာ(၉)ချက်၊ ဝဲဘက်နားထင် ထိုးသွင်းဒဏ်ရာ(၅)ချက်ဖြင့်လည်းကောင်း၊ ၎င်း၏သမီးဖြစ်သူ မဇင်မာစိုး(ခ)ဆာဟာဒါ(ခ)စဟလာမှာလည်း ၎င်း၏အိပ်ရာပေါ်တွင် လည်ပင်းပြတ်လျက် ယာဘက် နားထင်တွင် ထိုးသွင်းဒဏ်ရာ (၁)ချက်တို့ဖြင့်လည်းကောင်း သေဆုံးနေပြီး ရွှေထည်ပစ္စည်း အလေးချိန် စုစုပေါင်း ၁ ကျပ် ၃ မူးသားခန့် ပျောက်ဆုံးသွားခဲ့သဖြင့် မော်လမြိုင်မြို့နယ်၊ မြိုင်သာယာနယ်မြေ ရဲစခန်း(ပ)၁၅၄/၂၀၁၇၊ ရာဇသတ်ကြီးပုဒ်မ ၃ဝ၂/၃၉၄ ဖြင့် အမှုရေးဖွင့်၍ စစ်ဆေးဆောင်ရွက် ခဲ့သည်။
ပြစ်မှုကျူးလွန်သူများအား ဖော်ထုတ်ဖမ်းဆီးရမိရေးအတွက် မွန်ပြည်နယ်ရဲတပ်ဖွဲ့မှူး၏ ကြီးကြပ်မှုဖြင့် ရဲတပ်ဖွဲ့ဝင်များမှ စုံစမ်းဖော်ထုတ်ခဲ့ရာ ပြစ်မှုကျူးလွန်သူများမှာ ဒေါ်ဇော်မီလာ (ခ)ဇွန်မီလာဘီ ၏ ဖခင်အရင်းဖြစ်သူ ဂေါ်ပါ၊ မောင်အရင်းဖြစ်သူ နူရာမူဒင်၊ တူအရင်းဖြစ်သူ လွှမ်းမိုးအောင်(ခ)ဆိုဖီရာမန်တို့(၃)ဦး ဖြစ်ကြောင်းသိရှိရ၍ ဖမ်းဆီးရာ ၎င်းတို့(၃)ဦးအား ကျူးလွန်ရာတွင် အသုံးပြုခဲ့သော ဓား၊ မှိန်းတို့နှင့်အတူ ဖမ်းဆီးရမိခဲ့ပြီး ပြစ်မှုကျူးလွန်ရာတွင် ပူးပေါင်းပါဝင်ခဲ့သည့် ညီမအရင်းဖြစ်သူ ဒေါ်ဟာဇလာဘီ ကိုလည်း ဖမ်းဆီးရမိခဲ့သည်။
ထို့နောက် သက်သေခံပစ္စည်းများအား လိုက်လံသိမ်းဆည်းပြီး ဖမ်းဆီးရမိသူများအား စစ်ဆေးရာ ဂေါ်ပါက ၎င်းပိုင်လယ်(၂)ဧကနှင့် ဒေါ်ဇော်မီလာ(ခ)ဇွန်မီလာဘီ ပိုင်လယ်(၁)ဧကတို့ကို ရောင်းချခဲ့ပြီး သားသမီး များအား အမွေခွဲပေးခဲ့ရာ ဒေါ်ဇော်မီလာ(ခ)ဇွန်မီလာဘီက ၎င်းပိုင်လယ်(၁)ဧက ရောင်းချမှုအတွက် ငွေကြေးမရရှိသဖြင့် အမွေရယူခဲ့ခြင်း မရှိဘဲ ၎င်းပိုင်လယ်(၁)ဧကပေါ်တွင် နေအိမ်ဆောက်လုပ် နေထိုင်မှုအပေါ် ဖခင်ဖြစ်သူ ဂေါ်ပါက ဖယ်ရှား ပေးရန်ပြောဆိုခဲ့ရာ လက်ခံခြင်းမရှိ၍ ဂေါ်ပါက မိသား စုဝင်များနှင့် တိုင်ပင်ပြီး သတ်ဖြတ်ခဲ့ခြင်း ဖြစ်ကြောင်းသိရသဖြင့် ၎င်းတို့အား အမှုဖြင့်ဖမ်းဆီး စစ်ဆေးလျက်ရှိကြောင်း သတင်းရရှိသည်။
ရဲဇာနည်
https://www.facebook.com/yezarnimedia
သမီးနှင့် မြေးဖြစ်သူကို ရက်စက်စွာသတ်ဖြတ်ခဲ့သည့် ဖခင်အရင်းဖြစ်သူနှင့် မိသားစုဝင်များအား ရဲတပ်ဖွဲ့က ဖော်ထုတ်ဖမ်းဆီးအရေးယူထား
Reviewed by THITHTOOLWIN
on
19:10
Rating: