မူးယစ်ဆေးဝါးတိုက်ဖျက်ရေးအတွက် ရှမ်းရိုးမစစ်ဆင်ရေး စတင်မည်

လားရှိုးမြို့မှာ သြဂုတ်လ ၁၉ ရက်နေ့ကပြုလုပ်တဲ့ အစိုးရအဖွဲ့ ၀န်ကြီးတွေနဲ့ လူထုတွေ့ဆုံပွဲမှာ ရှမ်းပြည်နယ် လုံခြုံရေးနဲ့ နယ်စပ်ရေးရာ ၀န်ကြီး ဗိုလ်မှူးကြီး နိုင်ဝင်းအောင် ကို တွေ့ရစဉ်။ Photo: Kan Thar/RFA
ရှမ်းပြည်နယ်မှာ မူးယစ်ဆေးဝါးပြဿနာတွေကို ရှမ်းရိုးမစစ်ဆင်ရေးအမည်နဲ့ လာမယ့် သြဂုတ်လ ၂၁ ရက်နေ့ ၀န်းကျင်ကစပြီး မူးယစ်ဆေးဝါး တိုက်ဖျက်ရေးလုပ်ငန်းတွေကို စတင်ဆောင်ရွက်သွားမယ်လို့ ရှမ်းပြည်နယ် လုံခြုံရေးနဲ့ နယ်စပ်ရေးရာဝန်ကြီး ဗိုလ်မှူးကြီး နိုင်ဝင်းအောင်က ပြောပါတယ်။

ဒီကနေ့ လားရှိုးမြို့မှာ ပြုလုပ်တဲ့ အစိုးရအဖွဲ့ ဝန်ကြီးတွေနဲ့ လူထုတွေ့ဆုံပွဲမှာ ဒေသခံတစ်ဦးက ရှမ်းပြည် နယ်မြောက်ပိုင်းမှာ မူးယစ်ဆေးဝါးပြဿနာနဲ့ ပတ်သက်ပြီး ဆောင်ရွက်ပေးဖို့ တောင်းဆိုရာမှာ ၀န်ကြီး ဗိုလ်မှူးကြီး နိုင်ဝင်းအောင်က ဖြေကြားခဲ့တာဖြစ်ပါတယ်။

စစ်ဆင်ရေးကို ဘယ်လိုပုံစံနဲ့ ပြုလုပ်သွားမယ်ဆိုတာကိုတော့ ပြောသွားတာမရှိပါဘူး။

ရှမ်းပြည်နယ်အစိုးရအဖွဲ့နဲ့ လူထုတွေ့ဆုံပွဲကို ဒီကနေ့ နေ့လည်ပိုင်းမှာ လားရှိုးမြို့ မြို့တော်ခန်းမမှာ ပြုလုပ်ခဲ့တာဖြစ် ပြီး တက်ရောက်လာသူတွေက မြေယာပြဿနာတွေ ဖြေရှင်းပေးဖို့၊ မြေဂရန်တွေ သက်တမ်းတိုးတာမှာ အခက်အခဲ ရှိနေတာတွေကို ဖြေရှင်းပေးဖို့၊ စစ်မက်ဖြစ်ပွားနေမှု အခြေအနေတွေကြောင့် ဒေသခံတွေ ဒုက္ခရောက်နေရတဲ့ အခြေအနေတွေကို တင်ပြခဲ့ကြပါတယ်။

ဒီကနေ့ တွေ့ဆုံပွဲမှာ ပြည်နယ်ဝန်ကြီးချုပ်က နမ္မတူမြို့နယ်နဲ့ မန်တုံမြို့နယ်အတွင်းက တိုက်ပွဲသင့်သူတွေအတွက် အလှူငွေ ကျပ် ၄၃ သိန်းဖိုး တန်ဖိုးရှိတဲ့ ဆန်နဲ့ထောက်ပံ့ရေးပစ္စည်းတွေ ပေးအပ်ခဲ့ပါတယ်။

ရှမ်းပြည်နယ် လယ်ယာမြေနဲ့ အခြားမြေများ သ်ိမ်းဆည်းခံရမှု စိစစ်ရေးကော်မတီအနေနဲ့  ပြည်သူတွေရဲ့ တင်ပြ ချက်တွေထဲက အမှုပေါင်း ၇၀ ကျော်ကို စိစစ်ပြီး အဲဒီထဲကမှ ရှမ်းပြည်နယ်မြောက်ပိုင်းအတွင်းက တောင်သူ ၆၃ ဦးအတွက် မြေစာရင်းပုံစံ ၃ကို ထုတ်ပေးသွားမှာဖြစ်တယ်လို့ ရှမ်းပြည်နယ်ဝန်ကြီးချုပ် ဒေါက်တာ လင်းထွဋ် က ပြောကြားခဲ့ပါတယ်။

ဒါ့အပြင် ကျေးရွာတွေအလိုက် အကောင်အထည်ဖော်နေတဲ့ မြစိမ်းရောင်ကျေးရွာ စီမံကိန်းလျှပ်စစ်မံကိန်း ၁၅ ယူနစ်အတွက် တစ်ယူနစ်ကို ကျပ်သိန်းသုံးရာနှုန်းနဲ့ ရန်ပုံငွေကျပ်သိန်း ၄၅၀၀ ကို လွှဲပြောင်းပေးအပ်ခဲ့သလို ၂၀၁၇-၂၀၁၈ ခုနှစ်အတွင်း ရေဘေးကြောင့် သီးနှံနစ်မြုပ်ပျက်စီးသွားခဲ့တဲ့ ကွမ်လုံမြို့၊ ဟိုပန်မြို့၊ နမ့်ခမ်းမြို့ တို့အတွက် ထောက်ပံ့ကြေးတွေ ပေးအပ်ခဲ့ပါတယ်။

ဒီနေ့ တွေ့ဆုံပွဲမှာ ရှမ်းပြည်နယ်အစိုးရအဖွဲ့၊ ဌာနဆိုင်ရာတွေ၊ ဒေသခံတွေ၊ အရပ်ဘက်အဖွဲ့အစည်းတွေ စုစုပေါင်း လူဦးရေ လေးရာကျော် တက်ရောက်ခဲ့ပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ