ခန္တီးမှာ ရပ်ကွက်တချို့ ရေကြီးရေလျှံမှုတွေဖြစ်နေ

ခန္တီးမှာ ရပ်ကွက်တချို့ ရေကြီးရေလျှံမှုတွေဖြစ်နေတာကို သြဂုတ်လ ၁၂ ရက်နေ့က တွေ့ရစဉ်။ Photo: Aung San Myint
မိုးများပြီး ချင်းတွင်းမြစ်ရေ မြင့်တက်နေတာကြောင့် စစ်ကိုင်းတိုင်းဒေသကြီး၊ ခန္တီးမြို့နယ်အတွင်းက ပေါမိုင်း ၊ အောင်သာ၊ သာစည်နဲ့ မြို့မရပ်ကွက်တွေမှာ ရေကြီးရေလျှံမှုတွေဖြစ်နေပြီး ဒေသခံ ၅၀ ကျော်ဟာ မြေအမြင့်ပိုင်း မှာရှိတဲ့ ကယ်ဆယ်ရေးစခန်းတွေကို ဒီနေ့မနက်ပိုင်းမှာ စတင်ပြောင်းရွှေ့နေရတယ်လို့ သိရပါတယ်။

အောင်သာနဲ့ သာစည်ရပ်ကွက်တွေမှာ လူတရပ်ကျော် ရေနစ်မြုပ်နေတယ်လို့ ခန္တီးမြို့ခံ ကိုအောင်ဆန်းမြင့် က ပြောပါတယ်။

"ရေကြီးတာတော့ မနေ့ကစပြီး ဝင်လာတာ။ ခန္တီးကမိုးက တစ်ပတ်လောက်ရွာတာ။ အောင်သာနဲ့ သာစည် အနိမ့်ပိုင်းတွေကတော့ ကျနော်တို့လူတစ်ရပ်ကျော်တယ်ဗျ။ အဲဒီမြုပ်တာတွေက။ တချို့နေလို့ မရတဲ့ အိမ်တွေက ကျတော့ အနိမ့်ပိုင်းအိမ်လေးတွေကကျတော့ ကျနော်တို့ ဘုန်းကြီးကျောင်း၊ ကယ်ဆယ်ရေးစခန်း ၃ ခုဖွင့်ထားတယ်။ "

ချင်းတွင်းမြစ်ရေဟာ ဒီနေ့မနက်ပိုင်းမှာ စိုးရိမ်ရေမှတ်ထက် တစ်ပေခွဲကျော် မြင့်တက်နေပြီဖြစ်ပြီး မိုးလည်းအဆက် မပြတ် ရွာသွန်းနေတာကြောင့် ပေါမိုင်းဘုန်းကြီးကျောင်း၊ မြို့မဘုန်းကြီးကျောင်းနဲ့ မြသိန်းတန် စေတီဝင်းအတွင်းက ကယ်ဆယ်ရေးစခန်းတွေကို ပြောင်းရွှေ့နေထိုင်သူ ၅၀ ကျော်ရှိနေပြီလို့ ပြောပါတယ်။

လက်ရှိမှာတော့ ရေကြီးနစ်မြုပ်မှုကြောင့် စာသင်ကျောင်းတွေ ပိတ်ထားတာမျိုး မရှိသေးပေမယ့် လှေငယ်တွေနဲ့ သွားလာနေကြတယ်လို့လည်း ပြောပါတယ်။

ဒီနှစ်မိုးရာသီကာလမှာ ခန္တီးမြို့နယ်အတွင်း ရေကြီးနစ်မြုပ်တာဟာ အခုအကြိမ်နဲ့ဆို ၃ ကြိမ်ရှိပြီဖြစ်ပြီး အရင်ရေ နစ်မြုပ်ချိန်တွေမှာ အစိုးရဘက်က အကူအညီတွေ ရရှိခဲ့တယ်လို့ သိရပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ