ယာဥ္ေပၚ၌ ငွက္ေပ်ာသီးမ်ားျဖင့္ ဖုံးအုပ္သယ္ေဆာင္လာေသာ ေက်ာက္စိမ္းတုံးမ်ား ဖမ္းဆီးရမိ



Share/Bookmark

ေနျပည္ေတာ္၊ ဇူလိုင္ ၃၀

၂၀၁၇ ခုႏွစ္၊ ဇူလိုင္လ ၂၈ ရက္ေန႔ ည ၇ နာရီ ၃၀ မိနစ္အခ်ိန္ ရွမ္းျပည္နယ္၊ သိန္းနီၿမိဳ႕နယ္၊ ေရပူစမ္းစစ္ေဆးေရးဂိတ္၌ သိန္းၿမိဳ႕နယ္ရဲတပ္ဖြဲ႕မွ တပ္ဖြဲ႕ဝင္မ်ား၊ ၿမိဳ႕နယ္အေကာက္အခြန္ဦးစီးဌာနမွ ဝန္ထမ္းမ်ားပါဝင္ေသာ ပူးေပါင္းအဖြဲ႕သည္ ယာဥ္မ်ားအား ရွာေဖြစစ္ေဆးေရးမ်ား ေဆာင္ရြက္ေနစဥ္ ယာဥ္ေပၚ၌ ငွက္ေပ်ာသီးမ်ားျဖင့္ ဖုံးအုပ္သယ္ေဆာင္လာေသာ ေက်ာက္စိမ္းတုံးမ်ား ဖမ္းဆီးရမိေၾကာင္း သိရပါသည္။

မႏၲေလးဘက္မွ မူဆယ္ဘက္သို႔ ေအာင္ေျမသာစံၿမိဳ႕နယ္၊ ေဒပန္းရပ္ကြက္ေန ေနလင္း(၂၉)ႏွစ္ ေမာင္းႏွင္လာသည့္ FF/×××× AD VAN အျဖဴေရာင္ယာဥ္ႏွင့္ ကူမဲၿမိဳ႕၊ ၿမိဳ႕သစ္ရပ္ကြက္ေန ဝင္းႏြယ္စိုး(၃၁)ႏွစ္ေမာင္းႏွင္လာသည့္ FF/×××× AD VAN ယာဥ္တို႔အား ရပ္တန႔္ရွာေဖြစစ္ေဆးခဲ့ရာ ေနလင္း ေမာင္းႏွင္လာသည့္ ယာဥ္ေပၚမွ ငွက္ေပ်ာသီးမ်ားျဖင့္ ဖုံးအုပ္လ်က္ ေက်ာက္စိမ္းတုံးဆိုဒ္စုံ (၃၉)တုံး စုစုေပါင္းအေလးခ်ိန္(၁၁၆)ကီလိုအားလည္းေကာင္း၊ ဝင္းႏြယ္စိုး ေမာင္းႏွင္လာသည့္ ယာဥ္ေပၚမွ ငွက္ေပ်ာသီးမ်ားျဖင့္ ဖုံးအုပ္လ်က္ ေက်ာက္စိမ္းတုံးဆိုဒ္စုံ(၅၇)တုံး စုစုေပါင္းအေလးခ်ိန္ (၃၅၉)ကီလို၊ ေက်ာက္စိမ္းလက္ေကာက္(၃၅၀)ကြင္း၊ အေလးခ်ိန္(၂၅)ကီလိုတို႔အားလည္းေကာင္း အသီးသီးေတြ႕ရွိသိမ္းဆည္းရမိခဲ့သျဖင့္ ေနလင္းႏွင့္ ဝင္းႏြယ္စိုး တို႔(၂)ဦးအား သိန္းနီၿမိဳ႕မရဲစခန္း၌ ေက်ာက္မ်က္ဥပေဒပုဒ္မ ၄၂(က)ျဖင့္ အမႈဖြင့္အေရးယူထားေၾကာင္း သတင္းရရွိသည္။

ရဲဇာနည္
https://www.facebook.com/yezarnimedia

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ