ပျောက်ဆုံးနေသူ တရိန်းကျေးရွာသား ၂ ဦးအနက် ၁ ဦးအားသေဆုံးလျက်ပြန်လည်တွေ့ရှိပြီးမြို့သူကြီးကျေးရွာသား ၁ ဦးအသတ်ခံရ
ဇွန်၂၅၊၂၀၁၇
မောင်တောမြို့နယ် ကြိမ်ချောင်းကျေးရွာအုပ်စု တရိန်းကျေးရွာနေ ဒေသခံရွာသား ၄ ဦးသည် ဇွန် ၂၄ ရက်နံနက်ပိုင်းက လိပ်ရှာသွားရာမှအပြန် အကြမ်းဖက်သမားများက ဓားဖြင့်ဝိုင်းဝန်းခုတ်မှုဖြစ်ပွားခဲ့သည်။
ဖြစ်စဉ်မှာ တရိန်းကျေးရွာနေ ဦးစံသာ ၃၃ နှစ်၊ဦးကျန်သိန်းအောင် ၂၈ နှစ်၊ဦးအောင်ကျော် ၅၀နှစ် နှင့်ဦးကိုကိုသိန်း ၃၉ နှစ်တို့ သည်ဇွန် ၂၄ နံနက် ၁၀နာရီတွင် ကျွန်းပေါက်စုကျေးရွာအုပ်စုမှအပြန် ရေကန်ဟောင်းအနီး၌ လိပ်ရှာဖွေနေစဉ် အမည်မသိ အကြမ်းဖက်သမား ၈ ဦးရောက်ရှိလာပြီး လုံးထွေးသတ်ပုတ်မှုဖြစ်ပွားခဲ့သည်။
ထိုသို့ဖြစ်နေစဉ် အကြမ်းဖက်သမားများထပ်မံရောက်လာသဖြင့် ဦးအောင်ကျော်ပါ ၄ ဦးသည် သာယာကုန်းကျေးရွာဘက်သို့ထွက်ပြေးခဲ့ရသည်။
ထွက်ပြေးစဉ် အမည်မသိ အကြမ်းဖက်သမား ၂ ဦးက ဓားဖြင့်လိုက်ခုတ်ခဲ့ရာ ဦးကျန်သိန်းအောင်တွင် ပြတ်ရှဒဏ်ရာများရရှိခဲ့ပြီးဦးစံသာနှင့်အတူ ထွက်ပြေးလွတ်မြောက်လာခဲ့သည်။
၎င်းတို့နှစ်ဦး၏တိုင်တန်းချက်အရ နယ်မြေရဲကင်းစခန်းမှလုံခြုံရေးတပ်ဖွဲ့ဝင်များသည် ပတ်ဝန်းကျင်ရှိ တောင်ကုန်း၊လျိုမြောင်နှင့်အိမ်အုပ်စုများကို လိုက်လံရှာဖွေရှင်းလင်းသည်။
အခင်းဖြစ်ရာ နေရာနှင့်ကိုက် ၃၀၀ အကွာ ရှိအိမ် ၇ လုံးစုတွင်နေထိုင်သူ ကာလာမျှာ ၅၅ နှစ်အားတွေ့ရှိ၍ မေးမြန်းစုံစမ်းရာ ၎င်းအိမ်စုရှိ အီနုစ်(စိစစ်ဆဲ)၏ နေအိမ်သို့ အလည်ရောက်ရှိနေသော အောင်စစ်ပြင်ကျေးရွာအုပ်စု ဒုံးပိုက်ကျေးရွာမှ မောင်စိုး(စိစစ်ဆဲ)နှင့် ဆာရပ်(စိစစ်ဆဲ)တို့နှစ်ဦးသည် အခင်းဖြစ်ရာနေရာသို့တုတ်ဆွဲ၍ ဆင်းသွားကြောင်းပြောဆိုသဖြင့် ကြိမ်ချောင်းရုံး၌ ခေါ်ယူစစ်ဆေးလျက်ရှိကြောင်းသိရသည်။
ဦးအောင်ကျော်ပါ ၄ ဦးကို ဓားဖြင့်ခုတ်၍ ၂ ဦးအား ဖမ်းဆီးခေါ်ဆောင်သွားသူ အမည်မသိ အကြမ်းဖက်သမားများကို ဖမ်းဆီးရမိရေး အမှုဖွင့်၍ လုံခြုံရေးတပ်ဖွဲ့ဝင်များနှင့်ဒေသခံကျေးရွာသားများက စုံစမ်းရှာဖွေခဲ့ရာ မွန်းလွဲ၁၂နာရီခွဲတွင် ဦးအောင်ကျော် ၅၂ နှစ်ကို တောင်စောင်း ရေစီးမြောင်းကြား သစ်ကိုင်းများ အမှိုက်များဖုံးအုပ်လျက်ပြန်လည်တွေ့ရှိခဲ့သည်။
ပျောက်ဆုံးနေသူ ဦးကိုကိုသိန်း အားပြန်လည်တွေ့ရှိနိုင်ရေး လုံခြုံရေးတပ်ဖွဲ့ဝင်များက စုံစမ်းရှာဖွေလျက်ရှိကြောင်းသိရသည်။
ဇွန် ၂၅ ရက် နံနက် ၃ နာရီခန့်ကလည်း မောင်တောမြို့နယ် မြို့သူကြီးကျေးရွာနေ ဖွေယောစ် ၄၈ နှစ်သည် ညီမဖြစ်သူ မရာရှီဘီဘီ ၂၅ နှစ်၊ မကိုင်ရာဘီဘီ ၃၅ နှစ်နှင့် ၎င်း၏သားဖြစ်သူ တော်ဘီ ၂၀ နှစ်တို့နှင့်အတူ နေအိမ်၌ အိပ်ပျော်နေစဉ် မျက်နှာဖုံးစွပ်နှင့် ဓါးများကိုင်ဆောင်ထားသည့် အမည်မသိသူ ၃ ဦး သည် နေအိမ်အတွင်း ၀င်ရောက်၍ တိုက်ခိုက်ရာ ဖွေယာစ်သည် ၀ဲဘက်ရင်အုံ ပြတ်ရှဒဏ်ရာ ၃ ချက်၊ ယာလက်မောင်း ပြတ်ရှဒဏ်ရာ ၁ ချက်၊ ၀မ်းဗိုက်ထိုးသွင်းဒဏ်ရာ ၂ ချက်၊ ယာဘက်ဦးခေါင်း ပြတ်ရှဒဏ်ရာ ၁ ချက် တို့ဖြင့် သေဆုံးနေပြီး မရာရှီဘီဘီ သည် ယာဘက်ဦးခေါင်းပြတ်ရှဒဏ်ရာ ၁ ချက်၊ ယာလက်ခြုံပတ်ရှဒဏ်ရာ ၁ ချက်တို့ ရရှိပြီး မကိုင်ရာဘီဘီသည် ၀ဲဘက်လက်ခုံပြတ်ရှဒဏ်ရာ ၁ ချက် တို့နှင့် တော်ဘီတွင် ၀ဲဘက်ခြေသလုံး ပြတ်ရှဒဏ်ရာ ၁ ချက်တို့ ဒဏ်ရာ အသီးသီး ရရှိခဲ့သည်။
ဖြစ်စဉ်နှင့် ပတ်သက်၍ ပြင်ဖြူ နယ်မြေရဲစခန်းမှ အမှုဖွင့်လှစ်၍ တရားခံများ ဖမ်းဆီးရမိရေး ဆောင်ရွက်လျက်ရှိကြောင်း သိရှိရသည်။
(နိုင်ငံတော်အတိုင်ပင်ခံရုံး၊ သတင်းထုတ်ပြန်ရေးကော်မတီ)
https://www.facebook.com/MyanmarSCOInfoCom/
ပျောက်ဆုံးနေသူ တရိန်းကျေးရွာသား ၂ ဦးအနက် ၁ ဦးအားသေဆုံးလျက်ပြန်လည်တွေ့ရှိပြီးမြို့သူကြီးကျေးရွာသား ၁ ဦးအသတ်ခံရ
Reviewed by THITHTOOLWIN
on
23:22
Rating: