မိုးညှင်းမြို့နယ်၌ ဒုရဲမှူးကို ရိုက်နှက်ပြီး သေနတ်လုယူခဲ့မှုဖြစ်စဉ်၌ ပါဝင်သူကို ဖမ်းမိ


မိုးညှင်း နိုဝင်ဘာ ၂၄

ကချင်ပြည်နယ် မိုးညှင်းမြို့နယ် လုံးတုံ ရဲစခန်းပိုင်နယ်မြေတွင် နိုဝင်ဘာ ၂၂ ရက် က လွန်ခဲ့သော စက်တင်ဘာ ၁၉ ရက်က ရဲဘက်တရားခံပြေးတစ်ဦးကို မူးယစ် ဆေးဝါးသတင်းအရ သွားရောက်ဖမ်းဆီး ရာမှ မူးယစ်ဆေးဝါးများကို ဖမ်းဆီးရမိခဲ့ သော်လည်း တရားခံမှာ ထွက်ပြေး လွတ်မြောက်ခဲ့ပြီး ရဲဝန်ထမ်းအရာရှိထံမှ ၃၂ ဗို့ ခြောက်လုံးပြူး သေနတ်တစ်လက် နှင့်ကျည်ဆန် ၁၈ တောင့် ပျောက်ဆုံးခဲ့ရာ သေနတ်နှင့် ကျည်ဆန်များ သိုဝှက် ထိန်းသိမ်းထားသည်ကို ပြန်တွေ့ရှိ၍ အရေးယူနိုင်ခဲ့ကြောင်း သိရသည်။

စက်တင်ဘာ ၁၉ ရက် နံနက် ၈ နာရီ ခွဲက မူးယစ်ဆေးဝါးသတင်းအရ ဒုတိယ ရဲမှူး သန်းဝင်းအောင်ဦးစီးသော တပ်ဖွဲ့ဝင်များနှင့် ပူးပေါင်းအဖွဲ့တို့သည် မိုင်းနောင်ကျေးရွာ အနောက် တောင်ဘက် ကျောက်ဆင်ရပ်စေတီနှင့် ၆ ဖာလုံခန့်အကွာရှိ ယာယီတဲတွင် တရားခံအောင်ကျော်ဝင်းသည် ဆွမ်ပရာ ဘွမ်စခန်းခွဲ မိုင်တိုင်အမှတ် (၁၃၃/၂) အနီးဝါးခုတ်လုပ်ငန်းခွင် ရဲဘက်စခန်းမှ ထွက်ပြေးရောက်ရှိနေကြောင်း သတင်း အရ ဝင်ရောက်စစ်ဆေး ရာ အောင်ကျော် ဝင်းမှာ တဲအနောက်မှထွက်ပြေးသွား ခဲ့သည်။

 ၄င်းအား လိုက်လံဖမ်းဆီးရမိပြီး ၄င်းလွယ်ထားသော လွယ်အိတ်အတွင်းမှ ဘိန်းဖြူထည့်ထားသော ဆပ်ပြာခွက် ၁ဝ ခွက် စုစုပေါင်းအလေးချိန် ၁၁၇ ဒသမ ၄ဝဝ၁ ဂရမ်၊ စိတ်ကြွရူးသွပ်ဆေးပြား ၂၉၈၅ ပြား၊ ငွေစက္ကူရော ရာ ငွေကျပ် ၁၇၂ဝ၈ဝဝ၊ စနက်တံဖြူးမပါ BA-109 လက်ပစ်ဗုံးနှစ်လုံး၊ ဓားမြှောင်ငယ် တစ်ချောင်း၊ ဂျင်ကလိ ရှစ်ချောင်း၊ လေးခွ တစ်လက်၊ အဆိပ်ဟုယူဆရသော ပုလင်း ငယ်တစ်လုံးတို့ကို သိမ်းဆည်းနေစဉ် အောင်ကျော်ဝင်း ၏ သားနှင့်အတူ လူ ၂ဝ ခန့်ရောက်ရှိလာပြီး အဆိုပါ ဖမ်းဆီးအဖွဲ့အား ဝင်ရောက်တိုက်ခိုက် သဖြင့် ဒုတိယရဲမှူး အောင်နိုင်ဦးတွင် ဒဏ်ရာများရရှိခဲ့ကာ ၄င်းကိုင်ဆောင် ထားသည့် ၃၂ ဗို့ ခြောက်လုံးပြူး သေနတ် တစ်လက်၊ ကျည် ၁၈ တောင့်တို့ကို ယူဆောင်သွားခဲ့သည်။

အဆိုပါဖြစ်စဉ်နှင့် ပတ်သက်၍ တရားခံများဖမ်းဆီးရမိရေးနှင့် ပျောက် ဆုံးသွားခဲ့သော ၃၂ ဗို့ ခြောက်လုံးပြူး သေနတ်တစ်လက်အပါအဝင် ကျည်ဆန် ၁၈ တောင့်တို့ကို ပြန်လည်ရရှိနိုင်ရေး အတွက် နန့်မွန်းကျေးရွာဒေသခံများ အကူအညီဖြင့် ဆက်လက်စုံစမ်းဖော်ထုတ် လျက်ရှိရာ နိုဝင်ဘာ ၂၁ ရက်က သတင်း ရဲတပ်ဖွဲ့ ဒုတိယတပ်ဖွဲ့ခွဲမှ ဒုတိယရဲမှူး တင်အောင်ဇော် ဦးစီးတပ်ဖွဲ့ဝင်များ၊ နယ်မြေခံတပ်ဖွဲ့ဝင်များ၊ လုံးတုံနယ်မြေ ရဲစခန်းမှ ခေတ္တစခန်းမှူး ဒုတိယ ရဲအုပ်ခင်မောင်ကြည် ဦးစီးတပ်ဖွဲ့ဝင်များ ပါဝင်သောပူးပေါင်းအဖွဲ့သည် တရားခံ ပြေးဖြစ်ပြီး စစ်ဆေးဆဲဖြစ်သော သားငယ်(ခ) လင်းနိုင်(၂၁ နှစ်) အား နန့်မွန်းကျေးရွာနှင့် မိုင်းနောင်ကျေးရွာ ကြား ကားလမ်းမအရှေ့ဘက် ပေ ၆ဝဝ ခန့်အကွာ ၄င်း၏လယ်တဲတွင် ပုန်း အောင်းနေကြောင်း သတင်းအရ သွားရောက်ဖမ်းဆီးရာ တဲပေါ်တွင်ဖမ်းဆီး ရမိခဲ့သည်။

 ၄င်းအား ဆက်လက်စစ်ဆေး ရာ လွန်ခဲ့သော စက်တင်ဘာ ၁၉ ရက်က ဒုတိယရဲမှူး အောင်နိုင်ဦးထံမှ ၃၂ ဗို့ ခြောက်လုံးပြူး သေနတ်တစ်လက်နှင့် ကျည်ဆန် ၁၈ တောင့်ကို ၄င်းက ယူဆောင်ခဲ့ပြီး မိမိလယ်တဲတွင် (ယခု ဖမ်းဆီးရမိသည့်) သိုဝှက်ထား ရှိခဲ့ ကြောင်း၊ လွန်ခဲ့သောသုံးရက်က နိုင်ဦး မိုးညှင်းမြို့နေသူထံမှ ဘိန်းဖြူ (ပင်နီ ဆီလင်ပုလင်း တစ်ဝက်ခန့်)ဖြင့် လဲလှယ် ခဲ့ကြောင်း၊ ၄င်းတို့က အဆိုပါသေနတ်နှင့် ကျည်ဆန်များ မြှုပ်နှံထားသည့်နေရာကို တာဝန်ရှိသူများ အားပြသသဖြင့် သိမ်း ဆည်းပြီး ၄င်းတို့နှစ်ဦးအား မိုးညှင်း ရဲစခန်းက အရေးယူဆောင်ရွက်လျက်ရှိ ကြောင်း သိရသည်။

နီတိုး
MOI Webportal Myanmar
https://www.facebook.com/MOIWebportalMyanmar/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ