ရီပတ်ဘလီကန်ပါတီ သမ္မတလောင်း Donald Trump |
ဒီမိုကရက်ပါတီက သူ့ရဲ့ပြိုင်ဖက် နိုင်ငံခြားရေးဝန်ကြီးဟောင်း Hillary Clinton ဟာ အခွန်တိုးကောက်ခံရေးကို လိုလားတဲ့ အတိတ်ကာလကို ကိုယ်စားပြုတဲ့ ကိုယ်စားလှယ်လောင်း ဖြစ်ကြောင်း၊ စီးပွားရေးလုပ်ငန်းတွေအတွက် ထိန်းချုပ်မှုတွေ ပိုမို လုပ်ဆောင်လိုပြီး လောင်စာ စွမ်းအင် ဖွံ့ဖြိုးတိုးတက်ရေးလုပ်ငန်းတွေကို တင်းကြပ်စွာ ထိန်းချုပ်လိုသူ ဖြစ်ကြောင်း နိုင်ငံရေးလောကထဲကို ပထမဆုံးအကြိမ် ၀င်ရောက်လာတဲ့ အိမ်ခြံမြေလုပ်ငန်းရှင် သူဌေးကြီးTrump က ပြောပါတယ်။
အမေရိကန်စီးပွားရေး ဦးမော့လာအောင် သူ့အနေနဲ့ လုပ်ဆောင်လိုကြောင်းနဲ့ လုပ်လည်း လုပ်နိုင်ကြေင်း အမေရိကန် မော်တော်ကား ထုပ်လုပ်ရေးမြို့တော်လို့ သတ်မှတ်ထားကြတဲ့ Detroit မြို့မှာ ပြုလုပ်တဲ့ စီးပွားရေးအသင်းနဲ့ တွေ့ဆုံပွဲအတွင်း Trump က အဲဒီလို ပြောကြားလိုက်တာပါ။
Trump စကားပြောနေတဲ့အချိန် ဆန္ဒပြသူတချို့က အကြိမ်ကြိမ် ထပြီး ကန့်ကွက်ခဲ့ကြတာမှာ လုံခြုံရေးတွေကို အဲဒီ ဆန္ဒပြသူတွေကို အပြင်ကို ခေါ်ထုတ်သွားခဲ့ကြပါတယ်။
အမေရိကန် စီးပွားရေးကုမ္ပဏီကြီးတွေအပေါ် အစိုးရက ကောက်ခံတဲ့ အခွန်နှုန်း ၃၉% ကနေ ၁၅% အထိ လျော့ကောက်ဖို့ Trump က အဆိုပြုတဲ့အခါမှာတော့ တက်ရောက်လာကြသူတွေက သြဘာပေး ထောက်ခံခဲ့ကြပါတယ်။ အမေရိကန်အစိုးရက ကောက်ခံတဲ့ အခွန်နှုန်းဟာ ကမ္ဘာမှာ တတိယ အမြင့်ဆုံးလည်း ဖြစ်ပါတယ်။
ဗွီအိုအေ (မြန်မာပိုင်း)
http://burmese.voanews.com
Trump ရဲ့ စီးပွားရေး အစီအစဉ်
Reviewed by THITHTOOLWIN
on
07:41
Rating: