ဟူးကောင်း KIA တပ်ရင်း ၁၄ မှာ အစိုးရတပ်နှင့် တိုက်ပွဲ ပြင်းထန်


မြန်မာ အစိုးရ စစ်ကြောင်း ထိုးစစ်များကြောင့် ဟူးကောင်းချိုင့်ဝှမ်း ကချင် လွတ်လပ်ရေး တပ်မတော် KIA တပ်ရင်း ၁၄ ထိန်းချုပ် နယ်မြေမှာ တိုက်ပွဲ ပြင်းထန်စွာ ဖြစ်ပွားနေပါသည်။

ရွှေမှော်အများအပြားရှိသည့် KIA စခန်းများသို့ တပ်မတော် စစ်ကြောင်းများ ဆက်လက် စစ်ဆင်တိုက်ခိုက် လာခြင်းကြောင့် တိုက်ပွဲဖြစ်ပွားခြင်းဖြစ်သည်ဟု ဒေသခံများ ဆိုပါသည်။

သြဂုတ် ၁၀၊ ဗုဒ္ဓဟူးနေ့ ညနေ ၆နာရီင်္ကျော်မှာ လီဒိုလမ်းမပေါ် ရှထူးဇွပ် (Shahtu Zup) ကျေးရွာအနီး KIA တပ်ရင်း ၁၄ ထိန်းချုပ်သော အောင်လဲန်မှော် (Awng Len maw)၊ ချောင်းစုံ (Hka Da Zup)၊ စီတွမ်မှော် (Si Tum maw) စသည့် (၃)နေရာမှ KIA စခန်းများကို အစိုးရတပ်များ တပြိုင်နက် ထိုးစစ်ဆင် တိုက်ခိုက်လာသောကြောင့် အပြင်းအထန် တိုက်ပွဲဖြစ်ပွားကြောင်း KIA ဘက်က ပြောပါသည်။

တနာရီခန့် တိုက်ပွဲဖြစ်ပွား ပြီးနောက် အောင်လဲန်စခန်း (Awng Len post) ကို KIA တပ်ရင်း ၁၄ ဘက်မှ နောက်ဆုတ်ပေးလိုက်ရကြောင်း KIA က ဆိုပါသည်။

နှစ်ဖက် အကျအဆုံးနှင့် ထိခိုက်မှု သတင်းကိုမူ မသိရသေးပါ။

ပြီးခဲ့သည့် အပတ်မှစပြီး ယင်း ရွှေမှော်များတွင် နှစ်ဖက်တိုက်ပွဲများ ဖြစ်လာကာ ရွှေမှော်ရှိ ကချင်ပြည်နယ် ဒေသခံနှင့် ကချင်ပြည်နယ် ပြင်ပ အရပ်သား ပြည်သူ တစ်ထောင်ကျော်သည် ထွက်ပြေး တိမ်းရှောင် နေရပါသည်။

တိုက်ပွဲကြောင့် ရွှေမှော်အတွင်း ပိတ်နေသည့် ပြည်သူများကို KIA နှင့် ဒေသခံ ဘာသာရေး အဖွဲ့အစည်းများ၊ လူမှု မူးယစ် ဆေးဝါး တိုက်ဖျက်ရေး အဖွဲ့များမှ ခိုလှုံရာ နေရာ၊ အစားအသောက်နှင့် ဆေးဝါးများ ကူညီပေးနေကြောင်း ကချင် သတင်း ဌာန KNG စုံစမ်းသိရသည်။

သို့သော် ယင်းဒေသရှိ အစိုးရ တိုက်နယ် ဆေးရုံများ နှင့် ကျေးလက်ဆေးပေးခန်းများကို စစ်ရှောင် ပြည်သူများ ရောက်လာချိန် ပိတ်ထားကြောင်း အကူအညီ ပေးသူများ ဆိုပါသည်။

မိုးကောင်း-ဖားကန့် လမ်းဘက်မှာ လည်း အစိုးရတပ်နှင့် KIA တပ်ရင်း ၆ တပ်ဖွဲ့များ ကြား တိုက်ပွဲများ ဆက်တိုက် ဖြစ်ပွားနေသည်ဟု ဒေသခံများမှ သိရပါသည်။

အစိုးရတပ်ဘက်မှာ ဟူးကောင်း တိုက်ပွဲတွင် ရှမ်းနီးပြည်သူ့စစ်နှင့် ဂွေထူ ပြည်သူ့စစ် (လဆန်အောင်ဝါ ပြည်သူ့စစ်) များ ပါဝင်သည်ဟု လိုင်ဇာ ဗဟိုဌာနချုပ်မှ KIO သတင်းနှင့် ပြန်ကြားရေး ဌာန တာဝန်ရှိသူ ဒုဗိုလ်မှူးကြီး နော်ဘူ ကချင် သတင်း ဌာန KNG ကို ပြောပါသည်။

အစိုးရတပ်များသည် ‘အရပ်ဝတ်နှင့် ရဲ ယူနီဖေါင်းများ’ ၀တ်ဆင်ပြီး KIA တပ်ရင်း (၆) ဖားကန့် ကျောက်စိမ်းမှော် ဘက်ကို စစ်အင်အား ဖြည့်နေသည်ဟု KIA က ဆိုပါသည်။

Kachin News Group
http://burmese.kachinnews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ