ပင်လုံ၌ လူငယ်အချင်းချင်း စကားများရာမှ ဓားထိုးမှုဖြစ်ပွား (၁)ဦး သေဆုံး

ရှမ်းပြည်နယ်တောင်ပိုင်း ပင်လုံမြို့တွင် လူငယ်အချင်းချင်း အရက်သေစာသောက်စားရာမှ စကားများ ရန်ဖြစ်သဖြင့် သြဂုတ်လ(၁၁)ရက်နေ့ နေ့ခင်း(၂)နာရီခန့်တွင် ဓါးထိုးမှုဖြစ်ပွားခဲ့ကြောင်း ပင်လုံနယ်မြေရဲစခန်းမှ သိရသည်။

သေဆုံးသွားသည့် လူငယ်များ သူငယ်ချင်းဖြစ်သူ မိုးမြတ်ငှါးရမ်းနေထိုင်သည့် နေအိမ်သို့ရောက်ရှိလာပြီး အတူသောက်စားရင်း စကားများရာမှ လုံးထွေးသတ်ပုတ်ကြပြီး အခန်းပိုင်ရှင် မိုးမြတ်မှ နေအိမ်တွင် အသင့်ရှိနေသော ဓါးဖြင့် ထိုးရာ ပေါင်တွင် ထိုးသွင်းဒဏ်ရာရရှိပြီး သွေးထွက်လွန်ကာ သေဆုံးသွားခဲ့ခြင်းဖြစ်ကြောင်း သိရသည်။

"အခင်းဖြစ်ဖြစ်ချင်း စခန်းမှူး ရဲအုပ်သန်းစိုးရော၊ နယ်ထိန်းခေါင်းဆောင် ဒုရဲအုပ် ကျော်သူရိန်ထွန်းရော၊ တာဝန်မှူးနဲ့အဖွဲ့တွေရောက်သွားပြီး ဓါးထိုးမှုကျူးလွန်သူကို ဖမ်းဆီးထားခဲ့ပါတယ်"ဟု ပင်လုံနယ်မြေရဲစခန်းမှ တာဝန်ရှိသူတစ်ဦးက ပြောသည်။

စကားများရန်ဖြစ်ရာမှ အခင်းဖြစ်ရာတွင် ဓါးဒဏ်ရာဖြင့် မောင်ရဲနိုင်ဝင်းမှာ သေဆုံးသွားသဖြင့် အခန်းပိုင်ရှင်ဖြစ်သူ မြတ်မိုးအား ပင်လုံနယ်မြေရဲစခန်း(ပ)၁၅/၂၀၁၆ ရာဇသတ်ကြီးပုဒ်မ ၃၀၂ ဖြင့် ဖမ်းဆီးကာ အမှုဖွင့်လှစ်အရေးယူထားကြောင်းသိရသည်။

သတင်း - ‪‎နိုနို‬
Tachileik News Agency
http://www.tachileik.net