အဂတိလိုက်စားမှုအတွက် ခိုင်လုံတဲ့အထောက်အထားနဲ့ တင်ပြဖို့ပြောကြား

လွှတ်တော်ဥက္ကဌ ဦးဝင်းမြင့် ကို ပြည်သူ့လွှတ်တော်မှာ တွေ့ရစဉ်
နိုင်ငံတ၀န်းလုံးမှာ အဂတိလိုက်စားမှုတွေကို ထိထိရောက်ရောက်တိုက်ဖျက်နိုင်ဖို့အတွက် အစိုးရကို တိုက်တွန်းရုံနဲ့ မလုံလောက်ဘဲ ခိုင်လုံတဲ့ အထောက်အထားတွေနဲ့ တိုင်ကြားဖို့ လိုအပ်ကြောင်း ပြည်သူ့လွှတ်တော် ဥက္ကဌ ဦးဝင်းမြင့် က ပြောပါတယ်။

ဒီနေ့ ပြည်သူ့လွှတ်တော်မှာ နိုင်ငံအ၀န်း အဂတိလိုက်စားမှု ကျဆင်းရေးအတွက် ထိထိရောက်ရောက် ကိုင်တွယ်ဖြေရှင်းဆောင် ရွက်ပေးရေး ပြည်ထောင်စုအစိုးရထံ တိုက်တွန်းကြောင်းအဆိုကုို ကိုယ်စားလှယ် ၁၈ ဦးက ထောက်ခံဆွေနွေးပြီးနောက် အတည်ပြုလိုက်ပါတယ်။

အဲဒီ အဆိုကို အတည်ပြုပြီးတဲ့နောက် ပြည်သူ့လွှတ်တော်ဥက္ကဌ ဦးဝင်းမြင့် က ပြောခဲ့တာဖြစ်ပါတယ်။

အဂတိလိုက်စားမှုတိုက်ဖျက်ရေးကော်မရှင် ဥက္ကဌ ဦးမြ၀င်းက နိုင်ငံအတွင်း နှစ်ပေါင်းများစွာ အမြစ်တွယ်နေတဲ့ အဂတိလိုက်စားမှုတွေကို အချိန်အနည်းငယ် နဲ့ ဖြေရှင်းဖို့ဆိုတာ အခက်အခဲ ရှိကြောင်း လွှတ်တော်မှာ တင်ပြခဲ့ပါတယ်။

အဂတိလိုက်စားမှုတွေ ကျဆင်းလျော့နည်းနိုင်ဖို့အတွက် ထိရောက်စွာကိုင်တွယ် ဖြေရှင်းဆောင်ရွက် ပေးရေး ပြည်ထောင်စုအစိုးရထံ တိုက်တွန်းကြောင်း အဆို ကို လွှတ်တော်ကိုယ်စားလှယ် ဒေါက်တာသန်းဝင်းက သြဂုတ်လ ၂ရက်နေ့က တင်သွင်းခဲ့တာဖြစ်ပါတယ်။

အဲဒီအဆိုကို လွှတ်တော်ကိုယ်စားလှယ် ၃၁ ဦးက ၂ရက်ဆက်တိုက် ထောက်ခံဆွေးနွေးခဲ့တာဖြစ်ပါတယ်။

စစ်တမ်းတွေအရ အဂတိလိုက်စားမှုရှိတဲ့ ကမ္ဘာ့နိုင်ငံပေါင်း ၁၇၀ ကျော်ထဲမှာ မြန်မာနိုင်ငံဟာ အဂတိလိုက်စားမှု အဆင့် ၁၄၇ မှာ ရှိနေတဲ့အတွက် ရှက်စရာကောင်းကြောင်းနဲ့ ဒေသတွင်း အာဆီယံနိုင်ငံတွေထဲမှာ မြန်မာနိုင်ငံနဲ့ ကမ္ဘောဒီးယားနိုင်ငံ တွေဟာ အဂတိလိုက်စားမှု အများဆုံးဖြစ်ကြောင်း ကိုယ်စားလှယ်တွေက ထောက်ပြဆွေးနွေးခဲ့ကြပါတယ်။

အဂတိလိုက်စားမှုတိုက်ဖျက်ရေး ဥပဒေကို ၂ဝ၁၃ ခုနှစ် သြဂုတ်လမှာ ပြည်ထောင်စုလွှတ်တော်က ပြဌာန်းခဲ့ပြီးနောက် အဂတိလိုက်စားမှု တိုက်ဖျက်ရေးကော် မရှင်ကို ၂ဝ၁၄ ခုနှစ်မှာ ဖွဲ့စည်းခဲ့ပါတယ်။

အဂတိလိုက်စားမှုတိုက်ဖျက်ရေး ဥပဒေ နဲ့ ကော်မရှင် ဖွဲ့စည်းထားပေမယ့် နိုင်ငံအတွင်း အဂတိလိုက်စားမှုတွေကို ထိထိရောက်ရောက်မတိုက်ဖျက်နိုင်ကြောင်း လည်း ကိုယ်စားလှယ်တွေက ထောက်ပြခဲ့ကြပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ