(စိုက်ပျိုးရေး၊ မွေးမြူရေးနဲ့ ဆည်မြောင်းဝန်ကြီးဌာန ဒုတိယဝန်ကြီး ဒေါက်တာ ထွန်းဝင်း က သြဂုတ်လ ၂ ရက်နေ့ ပြည်သူ့လွှတ်တော်မှာ မေးမြန်းထားတာတွေကို ပြန်လည်ဖြေဆိုစဉ်) Photo: Pyithu Hluttaw |
ပြည်သူ့လွှတ်တော်ကိုယ်စားလှယ် ဦးလင်းလင်းကျော်က နိုင်ငံတော်အစိုးရက ဆည်တွေနဲ့ မြစ်ရေတင်စီမံကိန်းတွေ လုပ်ဆောင်တဲ့အခါ ဆောက်လုပ်ခဲ့တဲ့ တန်ဖိုးနဲ့ ပြန်လည်ရရှိမယ့် အကျိုးအမြတ် တွက်ချက်ပါသလားလို့ မေးမြန်းရာမှာ ဒုတိယဝန်ကြီး ဒေါက်တာထွန်းဝင်း က ပြောခဲ့တာဖြစ်ပါတယ်။
မြစ်ရေတင်စီမံကိန်း ၃၀၀ ကျော်မှာ ၁၇၀ ကျော်ကို ရပ်နားထားခဲ့ပြီး နောင်မှာ ရေရှည်မခံဘဲ တိုင်းပြည်အတွက်အကျိုးမရှိရင် ခွင့်ပြုမှာမဟုတ်ကြောင်းလည်း ဒေါက်တာထွန်းဝင်း က ပြောပါတယ်။
မေးခွန်းမေးမြန်းတဲ့ ဦးလင်းလင်းကျော် က ရှမ်းပြည်နယ် ရပ်စောက်မြို့နယ်မှာရှိတဲ့ ဆောက်လုပ်စ ဆည်ကနေ ၀မ်းတွင်း၊ သာစည်မြို့နယ်တွေကို ရေပေးဝေဖို့အတွက် ဆောက်လုပ်နေတဲ့ ကင်းတားရေလွှဲဆည်ဟာ စီမံကိန်းပြီးစီးသွားရင် မြေဧက ၃သောင်းကျော်ကို အမှန်တကယ် ရေပေးဝေနိုင်မလားဆိုတာကိုလည်း မေးမြန်းခဲ့ပါတယ်။ ရပ်စောက်မြို့နယ်မှာ ဆောက်လုပ်နေတဲ့ ကျိုင်းခမ်းဆည်ကို ၂၀၁၈-၂၀၁၉ ခုနှစ်မှာ အပြီးတည်ဆောက်သွားမယ်လို့ ဒုတိယ၀န်ကြီးက ဖြေကြားခဲ့ပါတယ်။
ပြည်သူ့လွှတ်တော်ဥက္ကဌ ဦးဝင်းမြင့်က သက်ဆိုင်ရာဝန်ကြီးဌာနအနေနဲ့ ဆည်စီမံကိန်းတွေ မြစ်ရေတင်စီမံကိန်းတွေကို စိစစ်လေ့လာပြီး လွှတ်တော်ကို ပြန်လည်တင်ပြဖို့လိုအပ်ကြောင်း ပြောခဲ့ပါတယ်။
RFA Burmese
https://www.facebook.com/rfaburmese
ဆည်တွေနဲ့ မြစ်ရေတင် စီမံကိန်းတွေကို ပြန်စစ်မည်
Reviewed by THITHTOOLWIN
on
17:35
Rating: