ခရစ်ယာန်ကျောင်းဝင်းက စေတီ ဝန်ကြီး သွားရောက် စစ်ဆေး

ကရင်ပြည်နယ် လှိုင်းဘွဲမြို့နယ် ကွမ်းတောကျေးရွာက ရှင်မာကုအင်္ဂလီကန် ဘုရားကျောင်းဝန်းအတွင်းမှာ တည်ထားတဲ့စေတီ ကို တွေ့ရစဉ်။ Photo: Kyaw Lwin Oo/RFA

ကရင်ပြည်နယ် လှိုင်းဘွဲ့မြို့နယ် ကွမ်းတောကျေးရွာက အင်္ဂလီကန် ခရစ်ယာန်ဘုရားကျောင်းဝင်းအတွင်းမှာ စေတီ တည်တာနဲ့ ပတ်သက်ပြီး သာသာနာရေးဝန်ကြီးဌာန သူရဦးအောင်ကိုနဲ့ ကရင်ပြည်နယ်ဝန်ကြီးချုပ် ဒေါ် နန်းခင်ထွေးမြင့် တို့က သွားရောက်ကြည့်ရှုခဲ့ပြီး စေတီတည်တဲ့ မြိုင်ကြီးငူဆရာတော်နဲ့ တွေ့ဆုံဆွေးနွေးဖို့ ကြိုးစားနေပါတယ်။

ဘုရားကျောင်းဝန်းထဲမှာ စေတီတည်ထားတာကို စိတ်မကောင်းဖြစ်ကြောင်းပြောပြီး အစိုးရက သူတို့ရဲ့ဆောင် ရွက်ချက်တွေကို ပြောခဲ့တယ်လို့ ဘားအံသာသနာပိုင် ဂိုဏ်းချုပ်ဆရာတော် စောစတိုင်လို က ပြောပါတယ်။

"ကျနော်တို့က ဒါကိုကြည့်ပြီးတော့ စိတ်မကောင်းကြဘူးပေါ့၊ ဒီဝင်းထဲမှာ ဘာသာနှစ်ခုရဲ့ ရိုးရာဓလေ့တွေနဲ့ ဘုရားကျောင်းနဲ့ ရောနေတယ်၊ လုံးထွေးနေတယ်၊ သာသနာရေးဝန်ကြီးကတော့ ဆက်လက်ပြီးဆောင်ရွက်စရာ ရှိတာကို ဆောင်ရွက်ရမယ်၊ ညှိနှိုင်းတိုင်ပင်ရမယ်၊ သမ္မတနဲ့ပဲဖြစ်ဖြစ် သမ္မတအကြံပေးနဲ့ပဲဖြစ်ဖြစ် နောက် ပြီးတော့ နိုင်ငံတော်အဆင့်မှာ ပုဂ္ဂိုလ်ကြီးတွေနဲ့ တိုင်ပင်စရာရှိရင် တိုင်ပင်ရမယ်၊ မြိုင်ကြီးငူဆရာတော်ကို မတွေ့တွေ့အောင် လိုက်ရှာကြမယ်လို့ပြောတယ်"

အင်္ဂလီကန် ဘုရားကျောင်းဝန်းအတွင်းမှာ သိမ်ဆောက်ဖို့အတွက် လက်ရှိ လူဦးရေ ၃၀ လောက် ရောက်ရှိနေ ပါတယ်။

ရှင်မာကု အင်္ဂလီကန် ဘုရားကျောင်းဝန်းအတွင်းမှာ ပြီးခဲ့တဲ့ ဧပြီလ ၂၃ ရက်နေ့က မြိုင်ကြီးငူဆရာတော် လမ်းညွှန်ချက်နဲ့ စေတီတစ်ဆူ တည်ခဲ့ပြီး မေလ ၄ ရက်နေ့ကလည်း စေတီတစ်ဆူ ထပ်မံတည်ခဲ့တာဖြစ်ပါတယ်။

သာသနာရေးဝန်ကြီး သူရဦးအောင်ကိုနဲ့ အဖွဲ့ဟာ ရွှေဂွန်းကျေးရွာက ဗလီအနီးလမ်းကြားမှာ တည်ထားတဲ့ စေတီကို လည်း သွားရောက်ကြည့်ရှုခဲ့ပါတယ်။

RFA Burmese
http://www.rfa.org/burmese