The Straits Times သတင်းစာအမှားပြင်ပေးဖို့ မြန်မာသံရုံးတောင်းဆိုထား

စင်္ကာပူနိုင်ငံက Punggol လို့ခေါ်တဲ့ ပန်းခြံမှာ ယာယီတဲထိုးပြီး ပြည့်တန်ဆာလုပ်ငန်းလုပ်ကိုင်နေသူ တွေထဲမှာ မြန်မာနိုင်ငံသားတွေပါဝင်နေတယ်ဆိုပြီး စင်ကာပူနိုင်ငံထုတ် The Straits Times သတင်း စာက ဆောင်းပါးရေးသားဖော်ပြချက်ဟာ မှားယွင်းကြောင်း သက်ဆိုင်ရာနယ်မြေခံရဲတပ်ဖွဲ့ရဲ့အတည် ပြုချက်ရယူပြီးဖြစ်တယ်လို့ စင်ကာပူနိုင်ငံဆိုင်ရာ မြန်မာသံရုံးကသံမှူး ဒေါ်ထွေးထိပ်တင်လွင်က ပြောပါတယ်။

မြန်မာသံရုံးကတာဝန်ရှိသူတွေက ဒီနေ့ ရဲတပ်ဖွဲ့ကတာဝန်ရှိသူတွေနဲ့တွေ့ဆုံခဲ့ပြီး အဲဒီလို လုပ်ကိုင်သူ တွေထဲမှာ မြန်မာနိုင်ငံသားတွေမပါဝင်ကြောင်း အတည်ပြုချက် ရယူခဲ့တာ ဖြစ်တယ်လို့ သံမှူး ဒေါ်ထွေးထိပ်တင်လွင်က ပြောပါတယ်။

"နေ့လည် ၂ နာရီခွဲတုန်းက နယ်မြေပိုင်ရဲမှူးနဲ့ သွားရောက်တွေ့ဆုံခဲ့ပါတယ်၊ ဒါဒုတိယအကြိမ်သွားရောက်တွေ့ဆုံတာပါ၊ တွေ့ဆုံတဲ့အခါကျတော့ သူတို့ဘက်က ဆွေးနွေးချက်အရ မြန်မာနိုင်ငံသားတစ်ယောက်မှ ပါဝင်ပတ်သက်ခြင်းမရှိပါဘူး၊ သူတို့တရားဝင်စာပို့ပေးပါမယ်၊ ကျနော်ရဲ့ကောင်စစ်လုပ်ငန်း ၃ နှစ်တာပေါ့နော်၊ ကိစ္စရပ်တွေမှာ အကျဉ်းထောင်တွေထဲမှာ သွားတွေ့ရတာတို့၊ လူဝင်မှုကြီးကြပ်ရေးဌာနရဲ့အကျဉ်းစခန်းကနေသွားတွေ့ရတာ တို့ရဲ့အတွေ့ အကြုံတွေအရ ပြည့်တန်ဆာလုပ်ငန်းနဲ့ ပတ်သက်ပြီးတော့ မြန်မာနိုင်ငံသားအမျိုးသမီးတွေ တစ်ယောက်မှ ပါဝင်ပတ်သက်ခြင်းမရှိပါဘူး"

ဒါ့အပြင် The Straits Times သတင်းစာတိုက်ထံ ဆောင်းပါးကို ပြင်ဆင်ရေးသားပေးဖို့ မြန်မာသံရုံး ဘက်က အကြောင်းကြားစာပေးပို့ထားပြီး သတင်းရေးသားသူထံလည်း အမှားပြင်ဆင်ချက်ရေးသားဖို့ အသိပေးထားတယ်လို့ ပြောပါတယ်။

စင်ကာပူနိုင်ငံရဲ့ ပြည့်တန်ဆာလုပ်ငန်းတွေမှာ မြန်မာနိုင်ငံသားတွေ ပါဝင်ပတ်သက်နေတယ်ဆိုပြီး အခုလ ၂၅ ရက်နေ့ထုတ် The Straits Times သတင်းစာမှာ ဖော်ပြခဲ့တာဖြစ်ပါတယ်။

အဲဒီလိုသတင်းစာက ဖော်ပြခဲ့တာနဲ့ ပတ်သက်ပြီး မြန်မာနိုင်ငံသားတွေက မကျေနပ်မှုတွေရှိတာ ကြောင့် သံရုံးဘက်က စုံစမ်းစစ်ဆေးမှုတွေကို မြန်မြန်ဆန်ဆန်ဆောင်ရွက်ခဲ့တာဖြစ်တယ်လို့ ပြော ပါတယ်။

ဆောင်းပါးရေးသားသူထံ သံရုံးဘက်က ဆက်သွယ်မေးမြန်းရာမှာ ပြည့်တန်ဆာလုပ်ငန်းလုပ်ကိုင်သူ တွေရဲ့ ဖြေကြားချက်အရ မြန်မာနိုင်ငံသားတွေပါဝင်တယ်လို့ သိရတာကြောင့် ထည့်သွင်းရေးသားခဲ့တာဖြစ်တယ်လို့ ပြောကြောင်း သံမှူးဒေါ်ထွေးထိပ်တင်လွင်က ပြောပါတယ်။

RFA Burmese
https://www.facebook.com/RFA-Burmese