ဆီးရီးယားအရေး ရုရှားနဲ့ အမေရိကန် ဆွေးနွေး

 ဆီးရီးယား အရေးနဲ့ပတ်သက်လို့ ရုရှားနဲ့ အမေရိကန် စစ်ရေးအရ ညှိနှိုင်းဆောင်ရွက်ကြဖို့ ရုရှားနိုင်ငံခြားရေးဝန်ကြီး Sergei Lavrov နဲ့ အမေရိကန်နိုင်ငံခြားရေးဝန်ကြီး John Kerry တုိ့ သဘောတူခဲ့ကြပါတယ်။

ဆီးရီးယားနိုင်ငံမှာ ရုရှားတို့က ပထမဆုံးအကြိမ် လေကြောင်းကနေ တိုက်ခိုက်မှုတွေ လုပ်ခဲ့အပြီး နာရီပိုင်းအကြာမှာပဲ နယူးယောက်မြို့ ကုလသမဂ္ဂဌာနချုပ်မှာ ပြုလုပ်တဲ့ ပူးတွဲသတင်းစာရှင်းလင်းပွဲမှာ မစ္စတာ Kerry က ဒီကိစ္စကို အမြန်ဆုံး မဖြစ်မနေလုပ်ဖို့ သဘောတူခဲ့ကြပါတယ်လို့ ဆိုပါတယ်။

ဆီးရီးယားပဋိပက္ခဖြေရှင်းရေးအတွက် စစ်တပ် စစ်တပ် အချင်းချင်း ဆွေးနွေးမှုတွေ အစည်းအဝေးတွေ ညီလာခံတွေ ဘာပဲဖြစ်ဖြစ် မနက်ဖြန်တောင် လုပ်ကြဖို့ကို သဘောတူခဲ့ကြပါတယ်။

ဆီးရီးယားပဋိပက္ခဖြေရှင်းရေးဟာ အရေးတကြီးကိစ္စဆိုတာကို နှစ်ဘက်စလုံးက လက်ခံထားခဲ့ကြလို့ပါပဲလို့ မစ္စတာ Kerry က ပြောသွားပါတယ်။

မစ္စတာ Lavrov ကလည်း ရုရှားနဲ့ အမေရိကန် တပ်ဖွဲ့တွေအကြား မရည်ရွယ်ဘဲ ပစ်ခတ်ထိခိုက်မှုတွေ ဖြစ်လာမှာကို ရှောင်ရှားနိုင်ဖို့ ဆက်သွယ်ရေးလမ်းကြောင်းတွေ ထားသင့်တယ်လို့ ပြောသွားပါတယ်။

အစောပိုင်းကတော့ အမေရိကန် ကာကွယ်ရေးဝန်ကြီး Ashton Carter က ရုရှားဟာ ဆီးရီးယားပဋိပက္ခ ပိုကြီးမားလာအောင် မီးလောင်လေပင့်လုပ်နေတယ်လို့ ပြောသွားပါတယ်။

ရုရှားတို့ရဲ့ ပစ်မှတ်ထား တိုက်ခိုက်ခံခဲ့ရတဲ့နေရာတွေထဲက တခုကတော့ Homs မြို့ရဲ့မြောက်ဘက် ၁၀ ကီလိုမီတာအကွာမှာ ရှိတဲ့ Talbiseh မြို့ဖြစ်ပါတယ်။ သေဆုံးသူတွေထဲမှာ ကလေးငယ်တွေအပါအ၀င် အရပ်သားတွေ ပါဝင်တယ်လို့ အဲဒီမြို့မှာ နေထိုင်သူ လူအတော်များများက ဘီဘီစီကို ပြောပါတယ်။

ဒေသခံတဦးကတော့ ဒီနေရာဟာ Homs မြို့နဲ့နီးသလို အစိုးရထိန်းချုပ်တဲ့နေရာနဲ့လည်း နီးပါတယ်။ အဲဒီမှာ အခြေစိုက်လှုပ်ရှားနေသူတွေဟာ အိုင်အက်စ် အစ္စလာမ်မစ် လက်နက်ကိုင်တွေ မဟုတ်ဘဲ သမ္မတ Assad ကို ဆန့်ကျင်တိုက်နေတဲ့ သူပုန်အဖွဲ့တွေသာ ဖြစ်ပါတယ်။ ရုရှားလေကြောင်းတိုက်ခိုက်မှုတွေဟာ အိုင်အက်စ်ကို တိုက်တာထက်စာရင် သမ္မတAssad ကို စစ်ကူပေးတိုက်ခိုက်နေပုံရတယ်လို့ ဘီဘီစီကို ပြောကြားခဲ့ပါတယ်။

BBC Burmese
https://www.facebook.com/bbcburmese