IS အဖွဲ့က ရှေးဟောင်းမြို့အတွင်းက အနုပညာ လက်ရာတွေကို ဖျက်ဆီးနေစဉ် (Credit: ABC licensed) |
အဲဒီ ဗီဒီယိုကို IS အဖွဲ့က ပြီးခဲ့တဲ့ စနေနေ့တုန်းက တင်ထားတာဖြစ်ပြီး အဲဒီ ရှေးဟောင်းမြို့ဟာ Mosul မြို့နဲ့ ၃၀ ကီလိုမီတာ အကွာမှာ ရှိတဲ့ Tigris မြစ်ပေါ်မှာ တည်ရှိတာ ဖြစ်ပါတယ်။
ရှေ့ဟောင်းမြို့အတွင်းက အနုပညာ လက်ရာတွေ၊ ရုပ်ထုတွေကို IS အဖွဲ့က ဖျက်ဆီးလိုက်ပါတယ်။
အဲဒီနောက် ရှေးဟောင်းမြို့တခုလုံး ပြားကျသွားအောင် မိုင်းတွေထောင်ပြီး ဖောက်ခွဲဖျက်ဆီးလိုက်တဲ့ ဗီဒီယိုကို တင်ထားပါတယ်။
အဲဒီမြို့ကို IS အဖွဲ့က ဖျက်ဆီးလိုက်တဲ့ သတင်းတွေ အရင်လကတည်းက ထွက်ပေါ်ခဲ့ပေမယ့် ဗီဒီယိုကတော့ ဒီရက်ပိုင်းမှာ ထွက်ပေါ်လာတာပါ။
အဲဒီ ဖျက်ဆီးမှုမှာ ပါဝင်တဲ့ IS အဖွဲ့ဝင် တစ်ဦးကတော့ ဒီလို ရုပ်ထု ကိုးကွယ်မှုတွေကို ဘယ်နေရာမှာပဲ ဖြစ်ဖြစ် ဖျက်ဆီးပစ်လိုက်မယ်လို့ ပြောဆိုထားပါတယ်။
နောက်တစ်ယောက်ကတော့ ဘုရားရှင်လို မြင့်မြတ်တဲ့ နေရာကို ရယူထားတဲ့ အရာမှန်သမျှကို ဖျက်ဆီးဖို့ ဘုရားရှင်က IS အဖွဲ့ကို ခိုင်းစေနေတာ ဆိုပြီးတော့လည်း ပြောဆိုထားပါတယ်။
အဲဒါကြောင့် ဘုရားရှင်လို မြင့်မြတ်တဲ့ နေရာကို ယူထားတဲ့ ဆင်းတုတွေကို ဖျက်ဆီးပစ်နေတာလို့ ပြောပါတယ်။
အဲဒီ Assyrians ရှေးဟောင်းမြို့မှာ ခရစ်တော်မတိုင်ခင် ဘီစီ ၁၃ ရာစုမှာ တည်ထောင်ထားတဲ့ မြို့ဟောင်းဖြစ်ပြီး ယနေ့ခေတ်လူသားတွေရဲ့ နေထိုင်မှု အစကို ဖော်ပြပေးတဲ့ နေရာအဖြစ် အသိအမှတ် ပြုခံရတဲ့ ရှေးဟောင်းမြို့ ဖြစ်ပါတယ်။
ကုလသမဂ္ဂရဲ့ ရှေးဟောင်းအမွေအနှစ် စာရင်းထဲ ထည့်သင့်မသင့် စဉ်းစားထားတဲ့ မြို့လည်း ဖြစ်ပါတယ်။
IS အဖွဲ့ဟာ အရင်တလောတုန်းကလည်း Mosul မြို့က အမျိုးသား ပြတိုက်ကို ဖျက်ဆီးထားတဲ့ ဗီဒီယိုကိုလည်း ဖြန့်ချီခဲ့ဖူးပါတယ်။
ဒီလို ဖျက်ဆီးမှုတွေဟာ ၂၀၀၁ ခုနှစ်တုန်းက တာလီဘန်တွေက အာဖဂန်နစ္စတန်နိုင်ငံရှိ ဗုဒ္ဓရုပ်ပွားတော်ကြီး တစ်ခုကို ဖျက်ဆီးထားတာနဲ့ ဆင်တူနေတယ်လို့ ပြောဆိုကြပါတယ်။
ဒါဟာ စစ်ရာဇဝတ်မှု မြောက်တယ်လို့လည်း ယူနက်စကို အဖွဲ့က ပြောလိုက်ပါတယ်။
ABC Radio Australia
http://www.radioaustralia.net.au/burmese
ဖောက်ခွဲမှုကို ဗီဒီယိုဖြင့် ကြည့်ရှုရန်
Nimrud ရှေးဟောင်းမြို့ကို ဖျက်ဆီးတဲ့ ဗီဒီယိုကို IS ဖြန့်ချီ
Reviewed by သစ်ထူးလွင်
on
08:27
Rating: