သပိတ်မှောက်ကျောင်းသားများကို သာယာဝတီ တရားရုံးတွင် စတင်ရုံးထုတ်


 ဖမ်းဆီးခံ သပိတ်မှောက်ကျောင်းသားတွေနဲ့ ၀န်းရံပြည်သူတွေကို ဒီကနေ့ သာယာဝတီမြို့နယ် တရားရုံးမှာ စတင်ရုံးထုတ်ပြီး အမှုမစစ်ဆေးသေးပဲ ရုံးချိန်းထပ်ပေးလိုက်ပါတယ်။

ဒီကနေ့ ရုံးထုတ်ရာမှာ  ကျောင်းသားတွေရဲ့ အမှုနဲ့ပတ်သက်ပြီး စစ်ဆေးမှုတွေမလုပ်သေးဘဲ ရှေ့နေပါဝါ ယူတာတွေ လုပ်ပြီး လာမယ့် မေ ၁၂ ရက်နေ့ကို ရုံးပြန်ချိန်းလိုက်တယ်လို့ ဒီကနေ့ ရုံးထုတ်လာတဲ့ ကျောင်းသား ကိုရန်ပိုင်စိုးက ပြောပါတယ်။

“အခုချိန်ထိတော့ ခဏခဏရုံးထုတ်နေတယ်။ အမှုက မစစ်သေးဘူး။ အဲဒီဥစ္စာက လက်ပံတန်းတရားရုံးကနေ သာယာဝတီတရားရုံးကို ပြောင်းတဲ့ပေါ်ပေါ့ဗျာ။ အဲဒါလည်းဖြစ်တယ်။ နောက်တော့ ဒီတရားခံပြေးတွေကို အရင် စစ်မယ်လို့ ပြောတယ်၊ အဲဒါကြောင့်မို့ ကျနော်တို့ ကို မစစ်သေးဘူး။”

သပိတ်မှောက်ကျောင်းသားတွေထဲက  ကိုမြတ်သူ၊ ကိုရဲရင့်ကျော် နဲ့ ကိုကျော်ကိုကိုတို့ ၃ ဦးကို  တရားခံပြေးအနေနဲ့ အရင်စစ်မှာဖြစ်ပြီး လာမယ့် ၁၂ ရက်နေ့ ရုံးချိန်းမှာ ဖမ်းဆီးခံ ကျောင်းသားတွေကို စစ်မှာဖြစ်တယ်လို့လည်း ပြောပါတယ်။

ဒီကနေ့ သာယာဝတီထောင်ကနေ ရုံးထုတ်လာတဲ့ ကျောင်းသားတွေကို မိဘတွေနဲ့ တွေ့ခွင့်ပေးပေမယ့် လွတ်လွတ်လပ်လပ် တွေ့ခွင့်မရပဲ သံဇကာတွေနဲ့ ကာထားတယ်လို့  ကျောင်းသားတဦးဖြစ်တဲ့ ကိုမန်နော်က ပြောပါတယ်။

“ဒီကနေ့ ကျနော်တို့ မိဘ တွေ့ခွင့်ကို သံဇကာတွေ ကာပြီးတော့ တွေ့ခိုင်းတယ်။ ကျနော်တို့ မိဘကို လွတ်လွတ်လပ်လပ်တွေ့ခွင့်မရှိဘူး။ မိဘတွေလည်း ဒီလို သံဇကာတွေ ကာပြီးတော့ ထောင်ဝင်စာတွေ့တဲ့ပုံစံတွေ့ခိုင်းတယ်။”

ကိုရန်ပိုင်စိုးရဲ့မိခင် ဒေါ်မြင့်မိုးခိုင်ကလည်း “အဆင်မပြေပါဘူး။ မိဘနဲ့ သားသမီး စကားပြောရတာ။ ပွင့်ပွင့်လင်းလင်းမရှိဘူးပေါ့နော်။ ပင်ပန်းတယ်။ ညင်ညင်သာသာမရှိဘူး။ ဒါတရားရုံးဆိုတာ ပွင့်လင်းမြင်သာရှိရမယ်။”  လို့ ပြောပါတယ်။

ကျောင်းသားတွေကို လက်ပံတန်းကနေ သာယာဝတီမှာ ပြောင်းပြီး တရားရုံးထုတ်ဖို့ ပြီးခဲ့တဲ့ အပတ်က   အမိန့်ချခဲ့တာ ဖြစ်ပါတယ်။

သပိတ်မှောက်ကျောင်းသားနဲ့ဝန်းရံသူ ၇၀ လောက်ကို နုိုင်ငံတော် အကြည်ညိုပျက်စေမှု အပါအ၀င် ပုဒ်မ ၅ ခုနဲ့ စွပ်စွဲထားတာ ဖြစ်ပြီး တချို့ ကျောင်းသားခေါင်းဆောင်တွေကတော့ တခြားမြို့နယ်တရားရုံးတွေမှာ နောက်ထပ် ပုဒ်မ အမျိုးမျိုးနဲ့ တရားစွဲဆိုခံထားရပါတယ်။

 By နော်နိုရင်း (ဒီဗွီဘီ)
http://burmese.dvb.no

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ