ယူကရိန္း နဲ႔ ခြဲထြက္သူပုန္ တုိက္ပြဲျပန္စ



Share/Bookmark

ယူကရိန္း အစုိးရ တပ္ဖြဲ႔ေတြနဲ႔ ရုရွားလုိလားတဲ့ ခြဲထြက္ေရး သမားေတြ အၾကား လြန္ခဲ့တဲ့ ၂၄ နာရီ အတြင္း ျဖစ္သြားခဲ့တဲ့ တုိက္ခုိက္မႈ ေတြေၾကာင့္ အနည္းဆုံး လူ ၁၂ ဦး ေသဆုံး သြားပါတယ္။ ေသာၾကာေန႔က ျဖစ္သြားခဲ့တဲ့ တုိက္ခုိက္မႈ ေတြအတြင္း အနည္းဆုံး လူ ၇ ဦးေသဆုံး သြားတယ္လုိ႔ ေဒသခံ အရာရွိေတြက ေျပာပါတယ္။ ဒါဟာႏွစ္ဆန္းပုိင္းမွာ ရရွိခဲ့တဲ့ အပစ္အခတ္ ရပ္စဲေရး သေဘာတူညီခ်က္ ပ်က္ျပယ္ သြားၿပီး ေနာက္ဆုံးျဖစ္တဲ့ တုိက္ခုိက္မႈလဲ ျဖစ္ပါတယ္။

အခု ေနာက္ဆုံး ျဖစ္သြားတဲ့ တုိက္ခုိက္မႈေတြဟာ ခြဲထြက္ေရးသမားေတြ ထိန္းခ်ဳပ္ ထားတဲ့ Luhansk နဲ႔ Donetsk တုိ႔ ရထားလမ္းနဲ႔ ဆက္သြယ္ေပးထားၿပီး အေရးပါတဲ့ Debaltseve ၿမိဳ႕မွာ ျဖစ္သြားခဲ့တာပါ။

Donetsk မွာ ဗုံးက်ဲ တုိက္ခုိက္မႈေတြ ျဖစ္သြားခဲ့တဲ့အတြက္ အနည္းဆုံး လူ ၂၃ ဦး ထိခုိက္ဒဏ္ရာ ရသြားတယ္လုိ႔ ဆုိပါတယ္။ ယူကရိန္း ပဋိပကၡမွာ ပါ၀င္ ပတ္သက္ေနတဲ့ အတြက္ ရုရွားနဲ႔ ခြဲထြက္ေရးအဖြဲ႔ ေခါင္းေဆာင္ေတြအေပၚ အီးယူ ဥေရာပသမဂၢက ခ်မွတ္ထားတဲ့ ပိတ္ဆုိ႔ အေရးယူမႈကုိ ၾကာသပေတးေန႔မွာျပဳလုပ္တဲ့ အီးယူ ႏုိင္ငံျခားေရး၀န္ႀကီးေတြရဲ႕ စည္းေ၀းပြဲမွာ ေနာက္ထပ္ ၆ လ သက္တမ္းတုိးဖုိ႔ ဆုံးျဖတ္လုိက္ၾကပါတယ္။

ဒါ့အျပင္ အဲဒီ ပိတ္ဆုိ႔ အေရးယူတဲ့စာရင္းထဲ ေနာက္ထပ္ လူတခ်ဳိ႕ကုိ ျဖည့္စြက္ဖုိ႔ Brussels ၿမိဳ႕မွာ ျပဳလုပ္တဲ့ အဲ့ဒီ အီးယူ ႏုိင္ငံျခားေရး၀န္ႀကီးေတြရဲ႕ စည္းေ၀းပြဲက ဆုံးျဖတ္လုိက္ပါတယ္။

ဗြီအိုေအ (ျမန္မာပုိင္း)
http://burmese.voanews.com/content/new-clashed-in-ukraine/2620662.html

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ