ထန်းသမားတို့၏ လူမှုဘဝပုံရိပ်များ


'နွေဦးကာလ မြူထသောအခါ ရင်းထောင်ရင်းဆွဲ ဆောင်မြဲအိုးလွယ်ကာ၊ ဓားနှီးထက်စွာ ခါးမှာချပ်လျက်၊ ထန်းပွင့်ထမ်းခိုင် ရွှန်းမြိုင်မြိုင်၊ ကလိုင်သာလွယ်လို့ တက်သည်နှင့်လေး'ဟူ၍ ဝန်ကြီး ပဒေသရာဇာ စပ်ဆိုခဲ့
သည့် ထန်းသမား ဘဝကဗျာကား ယနေ့ထက်ထိတိုင် ထင်ဟပ်နေဆဲပင် ဖြစ်သည်။

ထန်းပင်များကို မြန်မာနိုင်ငံ အလယ်ပိုင်းနှင့် အထက်ပိုင်းဒေသများတွင် အများဆုံးတွေ့ရပြီး ကျောက်ပန်းတောင်း၊ မုံရွာ၊ ပခုက္ကူ စသည့်မြို့များတွင် အများဆုံးစိုက်ပျိုးပြီး ထန်းတက်လုပ်ငန်းဖြင့် အသက်မွေးဝမ်းကျောင်းပြုကာ မိသားစုစားဝတ်နေရေးအတွက် မိရိုးဖလာလုပ်ငန်းအဖြစ် ဆက်လက်လုပ်ကိုင်နေကြသည်။ စူးရှတောက်ပလှသည့် နေရောင်အောက်တွင် ထန်းပင်တန်းများက မျက်စိတဆုံး။ ဤသည်မှာလည်း အညာဒေသ၏မျက်စိပသာဒစွဲဆောင်မှုပင်ဖြစ်ပြီး အညာဒေသ၏ ထန်းအလှများပင်ဖြစ်ပါသည်။ ထန်းပင်များအကြား ထန်းသမားတို့၏ လှုပ်ရှားမှုပုံရိပ်များကလည်း မြန်မာတို့၏ လှပသော ပန်းချီကား များပင် ဖြစ်ပါသည်။

ဆောင်းကုန်ခါစ နွေဦးကာလမှစ၍ ထန်းသမားတို့ အလုပ်များကြရပြီး ထန်းပင်များအကြား နေပူပူ၊ မိုးရွာရွာ ဘဝဝမ်းစာအတွက် ကြိုးစားရုန်းကန်လှုပ်ရှားကြရသည်။ ပြာသို၊ တပို့တွဲ၊ တပေါင်း၊ တခူး၊ ကဆုန်လတို့သည်ထန်းလျက်လုပ်ငန်း အတွင်ကျယ်ဆုံးအချိန် ဖြစ်သလို ထန်းသမားတို့လက်ဝယ် ငွေရွှင်ငွေလန်းသည့် ကာလဟုဆိုလျှင် မမှားနိုင်ပါ။ထန်းပင်စိုက်ပြီး ကိုယ်တိုင်ထန်းတက်သူများ ရှိသလို ထန်းပင်မဲ့လက်လုပ်လက်စား ထန်းသမားများက ပို၍များမည်ဖြစ်သည်။ ယောက်ျားဖောင်စီးရာတွင်လည်းကောင်း၊ မိန်းမမီးဖွား ရာတွင်လည်းကောင်း အန္တရာယ်များပုံကို'ယောက်ျားဖောင်စီး၊ မိန်းမ မီးနေ'ဆိုသကဲ့သို့ ထန်းသမားဘဝသည်လည်း အခန့် မသင့်လျှင် အသက်အန္တရာယ်ဖြင့် ကြုံတွေ့ရနိုင်ပြီး ဒုက္ခိတဘဝရောက်ရှိနိုင်သည့် အသက်မွေးဝမ်းကျောင်းလုပ်ငန်းဖြစ်သည်။

ထန်းပင်တွင် ထန်းဖိုနှင့် ထန်းမ နှစ်မျိုးရှိပြီးထန်းပင်နှစ်မျိုးစလုံးမှ ထန်းရည်ထုတ်ယူနိုင်သည်။ ထန်းဖိုပင်တွင် ထန်းနို့ချောင်းမှ ထန်း ရည်ရယူနိုင်ပြီး ထန်းမပင်ရှိ ထန်းသီးခိုင်မှထန်းရည်ကို ရယူသည်။ ထန်းတက်မည်ဆိုလျှင် ကာယအားအပြင် ထန်းရည်ထည့်ရန် မြူအိုး၊ ကြိုးနှင့် ထန်းတက်လှေကားနှင့် ထန်းလှီးဓားတို့ကို ပထမဦးစွာ အရင်းအနှီး အဖြစ် အသုံးပြုကြရမည်။ ထန်းရည်ကို ထန်းလျက်ချက်ရန်အတွက် ဒယ်အိုးနှင့် ထင်းကလည်း မရှိမဖြစ် လိုအပ်သည်။

ထန်းတက်သမားသည် နံနက်လင်းသည်နှင့် ထန်းတက်ရန်ပြင်ဆင်ကြရပြီး ထန်းမတက်မီဝမ်းအရင် ဖြည့်ကြရသည်။စာရေးသူကြုံတွေ့ခဲ့သည့်ထန်းသမားမိသားစု၏ နံနက် စာမှာ မြို့ကြီးပြကြီးတွင် နေထိုင်ကြသူများ၏ နံနက်ခင်းစာနှင့်မတူ၊ တစ်မူထူးခြားပုံမှာ ထမင်းကြမ်းခဲကို ထန်းရည်ဖြင့် မြိန်ရေယှက်ရေစားသုံးပြီး ဆာလောင်မှုကို ဖြည့်တင်းလိုက်ကြသည်။၎င်းတို့၏နံနက်ခင်းစာကိုမြို့မှဟန်ဘာဂါ၊ ဂျေဒိုးနက်တို့ဖြင့်လဲလျှင် တောင်ရမည့်ပုံမပေါ်။ နေ့စဉ်စားသုံးလာသည့်မိရိုးဖလာယဉ်ကျေးမှုစားသောက်မှုပုံစံဖြစ်၍ နတ်သုဒ္ဓါဖြင့် မလဲနိုင်ခြင်း ဖြစ်ပေလိမ့်မည်။

ဝမ်းစာဖြည့်တင်းအပြီးနံနက်ခင်းထန်းတက်လုပ်ငန်းခွင်ဝင်သည်နှင့် မြူအိုးနှင့်ဓားအိမ်ကို ခါးတွင်ချိတ်လျက် ထန်းပင်ပေါ်သို့ နံနက်တစ်ကြိမ်၊ ညနေတစ်ကြိမ် တက်ကြရသည်။ ထန်းတစ်ပင်ကို နှစ်ကြိမ်တက်ရသော်
လည်း ထန်းအငှားတက်သူများဆိုလျှင် အပင်ပေါင်းမရေနိုင်ဘဲ တစ်ပင်ပြီးတစ်ပင် တက်ချီဆင်းချီဖြင့် မမောနိုင် မပန်းနိုင်။ ထန်းသမား ယူလာသည့် ထန်းမြူအိုးကို အပင်အောက်ရောက်သည်နှင့် မဆိုင်းမတွဘဲ အသင့်ရှိနေသည့် ဇနီးသည်က ထန်းလျက်ချက်သည့်တဲသို့ သယ်သွားသည်။

ထန်းသမားက သက်စွန့်ဆံဖျား ထန်းတက်ပြီး ရရှိသည့်ထန်းရည်ကို ဇနီးသည်ကလည်း မောင်တစ်ထမ်းမယ်တစ်ရွက်ဖြင့်တက်ညီလက်ညီ ပြုလုပ်ကြရသည်။စုဆောင်းရရှိလာသော ထန်းရည်များကို ထန်းလျက်ချက် သည့် ဒယ်အိုးထဲထည့်၍ မီးဖြင့်ကျိုရသည်။ နေ့စဉ်မီးဖြင့် ကျိုရသဖြင့် တော်ရုံထင်းဖြင့် မသုံးနိုင်ဘဲ ယာတောမှ ထွက်ရှိသည့် ပြောင်းရိုး၊ မြေပဲခွံ၊ နွားချေး၊ သစ်ရွက်အခြောက် စသည်များကို စုဆောင်းထားရှိကြရသည်။ ကျိုချက်ပြီးညောင်စီးကျချိန်တွင် မီးဖိုပေါ်မှ ဒယ်အိုးကိုချ၍ မအေးသွားခင် ပူပူလောင်လောင်မှာပင် လက်ဖြင့် ထန်းလျက်ခဲများ ဖြစ်ရန် ပုံဖော်ကြရတော့သည်။

ထန်းသမားတို့ တစ်နေ့တာ ပင်ပင်ပန်းပန်းရှာဖွေရရှိသည့်ဝင်ငွေဖြင့် တစ်နေ့တာထွက်ငွေကို ချင့်ချိန်သုံးစွဲကြရသည်။ ထန်းလျက်ချက်လုပ်ငန်းဖြင့်အသက်မွေးဝမ်းကျောင်းလုပ်ငန်းများ လျော့နည်းလာမှုကြောင့်ထန်းလျက်အထွက်နှုန်းမှာလည်း လျော့နည်းလာလျက်ရှိသည်။ ထန်းသမားတို့ကို မှီခိုနေရသည့် ထန်းလျက်ပွဲရုံများမှာလည်း ညည်းတွား မှုများရှိလာကြသည်။ယနေ့ထန်းလျက်ဈေးသည်ယခင်နှစ်များကထက် ဈေးအနည်းငယ်တက်လာသဖြင့်ထန်းသမားတို့၏ မျှော်လင့်ချက်လေးများရှင်သန်နိုးထစပြုလာသည်။

ထန်းလျက်ကို မြန်မာ့ရိုးရာအစားအစာအဖြစ် မုန့်အမျိုးမျိုးပြုလုပ်ရာတွင် ထည့်သွင်း အသုံးပြုသကဲ့သို့ ကျန်းမာရေးအတွက်လည်း ပြည်သူများ တွင်တွင်ကျယ်ကျယ် အသုံးပြုနေသည့် ထုတ်ကုန်တစ်မျိုးဖြစ်သည်။ ထို့ပြင် ပြည်ပပို့ကုန်တစ်မျိုးဖြစ်လာသည်ကိုလည်းသိရသည်။ ထန်းလျက်သည် မြန်မာ့ ရိုးရာသဖွယ်စားသုံးကြသည့် စားစရာတစ်မျိုးဖြစ်သဖြင့် နိုင်ငံ၏ ထွက်ကုန်ဖြစ်သည့် ထန်းလျက်လုပ်ငန်း ကွယ်ပျောက်မသွားရန် အရေးကြီးပါသည်။

ယနေ့တွင် ခေတ်မီပြောင်းလဲလာသောလူနေမှုပုံစံနှင့်အတူဘိုးဘွားအမွေအနှစ် ထန်းပင်များကိုစွန့်ခွာ၍အခြားအရပ်ဒေသများသို့သွားရောက်စီးပွားရှာလာကြသည်။ လူငယ်များမှာ နိုင်ငံရပ်ခြားသို့ပင် သွားရောက်အလုပ်လုပ်ကိုင်သူ များလာရာ ထန်းတောအချို့မှာ ထန်းတက်မည့်သူများ မရှိတော့ဘဲ ထန်းပင်များမှာ အလဟဿဖြစ်နေသည်။ အငှားထန်းတက်သမားများ ရှားပါးလာသကဲ့သို့ထန်းပိုင်ရှင်များကလည်းထန်းပင်မှထန်းရည်မထုတ်ယူတော့ဘဲ ထန်းသီးခိုင်များကိုသာခုတ်ယူပြီး နွားစာအဖြစ် အသုံးပြု ကြတော့သည်။ တချို့မှာ သက်တမ်းရင့်သော ထန်းပင်များကို ခုတ်လှဲ၍ သစ်အဖြစ် အိမ်ဆောက်ရာတွင် အသုံးပြုလာကြသည်။

ထန်းတက်သမားရှားပါးလာမှု၊ထန်းပင်ပိုင်ရှင်များကလည်းထန်းလျက်လုပ်ငန်းဖြင့် အသက်မွေးဝမ်းကျောင်း မပြုကြတော့ပေ။ထို့ထက်ဆိုးသည်မှာ သက်တမ်းရင့်ထန်းပင်များကို သစ်အဖြစ်ခုတ်လှဲနေမှုတို့ကြောင့်
သစ်ပင်များလျော့နည်းလာကာ ပူပြင်းမှုဒဏ်ကို ပိုမိုခံစားရနိုင်သလို အညာဒေသမှ ထန်းသမားတို့၏ ဘဝပုံရိပ်များ ပျောက်ကွယ်သွားလေ မလားဟုပင် စာရေးသူစိတ်ထဲတွင် တွေးရင်... တွေးရင်း။ ။

ဇာဇာ
The Mirror Daily
https://www.facebook.com/TheMirrorDaily

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ