ဒေါက်တာ အောင်ခင်ဆင့် တစ်ကိုယ်တော် ဆန္ဒပြ

ရန်ကုန် တက္ကသိုလ်ထဲက မိုင်းခွဲဖြိုချ ခံခဲ့ရတဲ့ ကျောင်းသား သမဂ္ဂ အဆောက်အဦး နေရာမှာ အဆောက် အဦးသစ် ပြန်လည် ဆောက်လုပ်ခွင့် ပေးဖို့ နိုင်ငံရေး အကျဉ်းသားဟောင်း တစ်ဦးဖြစ်တဲ့ ဒေါက်တာ အောင်ခင်ဆင့်က တာမွေမြို့နယ် ကျိုက္ကဆံ ပြည်သူ့ ဟစ်တိုင်ကွင်းမှာ ဒီကနေ့ တစ်ကိုယ်တော် ဆန္ဒပြ တောင်းဆို ခဲ့ပါတယ်။

နိုင်ငံတော်သမ္မတက သမဂ္ဂတွေ ဖွဲ့စည်းခွင့် ပေးလိုက်တဲ့ အချိန်မှာ ကျောင်းသားသမဂ္ဂ အဆောက်အဦး သစ် ပေါ်ပေါက်လာလို့ အတွက် အခုလို ဆန္ဒပြ ရတာ ဖြစ်တယ်လို့ ဒေါက်တာ အောင်ခင်ဆင့်က ပြောပါတယ်။

"သမဂ္ဂတွေဖွဲ့စည်းခွင့် သမ္မတကြီးက ခွင့်ပြုလိုက်တဲ့အချိန်ခါမှာ ကျနော့်စိတ်ထဲမှာ ကျောင်းသားသမဂ္ဂ အဆောက်အဦးကြီးတစ်ခုလိုတယ်၊ အရင်တုန်းက ရန်ကုန်တက္ကသိုလ် ကျောင်းသားများသမဂ္ဂ ဖျက်ဆီးမိုင်းခွဲခံရတဲ့နေရာမှာ ဒီအဆောက်အဦးတစ်ခု ပေါ်ပေါက်လာရေးအတွက် ကျနော်ဆန္ဒရှိတာကြောင့် ဒီပွဲကို ကျနော်လုပ်လိုက်ခြင်းဖြစ်ကြောင်း ပြောလိုပါတယ်"

ဒီဆန္ဒပြပွဲကို မြို့တော်ခန်းမရှေ့က မဟာဗန္ဓုလပန်းခြံကို လှည့်ပတ်ဆန္ဒပြဖို့ စီစဉ်ခဲ့ပေမယ့် သက်ဆိုင်ရာ အာဏာပိုင်တွေက ခွင့်မပြုတာကြောင့် ကျိုက္ကဆံ ပြည်သူ့ဟစ်တိုင်ကွင်းမှာ ပြောင်းလဲဆန္ဒပြရတာ ဖြစ်တယ်လို့လည်း ဒေါက်တာ အောင်ခင်ဆင့်က ပြောပါတယ်။

ဒါ့အပြင် ဒေါက်တာ အောင်ခင်ဆင့်က ရန်ကုန်တက္ကသိုလ်နယ်မြေမှာ ကျောင်းသားသမဂ္ဂအဆောက်အဦး ဖြစ်ပေါ်လာဖို့ကို တတ်နိုင်သလောက် ရှေ့ဆက်လုပ်ဆောင်သွားမယ်လို့ ဆုံးဖြတ်ထားကြောင်း ပြောပါတယ်။

ဒေါက်တာ အောင်ခင်ဆင့်ဟာ ၁၉၉၀ ရွေးကောက်ပွဲမှာ အမျိုးသားဒီမိုကရေစီအဖွဲ့ချုပ် မင်္ဂလာတောင်ညွန့်မြို့နယ်က ရွေးကောက်ခံ လွှတ်တော်ကိုယ်စားလှယ် တစ်ဦးဖြစ်ခဲ့ပြီး အမျိုးသားညီလာခံ တက်ရောက်နေချိန်မှာ ‘အမျိုးသားညီလာခံကြီး လိမ်ညာနေကြောင်း’ ပြောဆိုခဲ့တာကြောင့် ထောင်ဒဏ် နှစ် ၂၀ ချမှတ်ခံခဲ့ရသူဖြစ်ပါတယ်။

RFA Burmese
https://www.facebook.com/pages/RFA-Burmese/39218993127