အောင်မြေသာစံမြို့နယ်၌ မီးလောင်မှု ဖြစ်ပွား နေအိမ် လေးလုံး မီးလောင်ဆုံးရှုံး

မန္တလေး စက်တင်ဘာ ၂၅

မန္တလေးမြို့ အောင်မြေသာစံ မြို့နယ် သီရိမာလာ အနောက် ပွဲကုန်းရပ် အကွက်အမှတ် ၂၁၂၊၂၅ လမ်းနှင့် ၂၆ လမ်းကြား၊ လမ်း ၉၀ နှင့် ၉၁ လမ်းကြားရှိ အိမ်ရှင် ဒေါ်မင်းနိုင်(ခ) ဒေါ်ဌေးဌေး၏ ပေ (၃၀_၂၀)၊ သွပ်မိုး ပျဉ်ထောင်နှစ်ထပ်နေအိမ်မီးဖိုမှ စတင်၍ ယနေ့နံနက် ၄ နာရီကျော်ခန့်က မီးလောင်မှုတစ်ရပ် ဖြစ်ပွားခဲ့ရာ နေအိမ်လေးလုံး မီးလောင်ကျွမ်းခဲ့ကြောင်း သိရသည်။

အဆိုပါ မီးလောင်မှုမှာ နေအိမ် တွင် မီးသွေးမီးဖိုဖြင့် ရေနွေးအိုးတည်ထားခဲ့ရာမှ မီးစတင်လောင်ကျွမ်းခဲ့ပြီး ထိုမှတစ်ဆင့် အိမ်ချင်းကပ်လျက် ရှိသည့် ထရံကာ၊ သွပ်မိုး တစ်ထပ် နေအိမ်နှစ်လုံးနှင့် ပေ ၂၀ ပတ်လည်ရှိ သွပ်မိုးထရံကာ နေအိမ်တို့ကို မီးကူးစက်လောင်ကျွမ်းခဲ့ရာ မီးသတ်အုပ်ချုပ်မှုယာဉ် နှစ်စီးနှင့် မီးသတ်ယာဉ် ၅၀ တို့ဖြင့် ညွှန်ကြားရေးမှူး ဦးကြည်ဝင်းက ကြီးကြပ်ကွပ်ကဲကာ မြို့နယ်မှ တာဝန်ရှိသူများ၊ သန္ဓေမီးသတ်တပ်ဖွဲ့ဝင် ၅၀၊ အရန် မီးသတ်တပ်ဖွဲ့ဝင်၂၀၀၊ မြန်မာ နိုင်ငံရဲတပ်ဖွဲ့ဝင်များ၊ ဒေသခံပြည်သူများ ပူးပေါင်းပါဝင် ငြှိမ်းသတ်ခဲ့ကြပြီး နံနက် ၅ နာရီခန့်တွင် မီးငြိမ်းသွားကြောင်း၊ အဆိုပါ မီးလောင်မှုကြောင့် တန်ဖိုးငွေကျပ် ၄၀၅၀၀၀၀ ကျော်ခန့် ဆုံးရှုံးခဲ့ပြီး အမှတ်(၅) ရဲစခန်းက မီးစတင် လောင်ကျွမ်းသည့် အိမ်ရှင်ကို ဆက်လက် အရေးယူ ဆောင်ရွက်လျက် ရှိကြောင်းနှင့် မီးဘေးဒုက္ခသည် အမျိုးသား ၈ ဦး၊ အမျိုးသမီး ၁၂ ဦးအတွက် အဆိုပါပွဲကုန်းရပ် ချမ်းသာကြီး ဓမ္မာရုံ၌ ယာယီမီးဘေး ကယ်ဆယ်ရေးစခန်း ဖွင့်ထားကြောင်း သိရသည်။

MOI Webportal Myanmar
https://www.facebook.com/MOIWebportalMyanmar