ဓမ္မစေတီ ခေါင်းလောင်း တော် ကြီး ရှာ ဖွေ ရေး ထူးခြားမှု မရှိသေး

 ရန်ကုန်မြစ်၊ ပဲခူးမြစ်နှင့် ပုဇွန်တောင် ချောင်းတို့ဆုံရာ မြစ်ဆုံ သုံးခု၏ ရေလယ်ပိုင်းတွင် သြဂုတ် ၉ ရက်မှ စတင်ကာ ရေငုပ်ရှာဖွေ လျက်ရှိသော ဓမ္မစေတီ ခေါင်းလောင်း တော်ကြီး ဆယ်ယူရေး စီမံကိန်းသည် ယနေ့တွင် ငါးရက်မြောက်နေ့ အဖြစ် ယခင်နေ့များ ထက် ထူးခြားသည့် အစီအမံများဖြင့် ဆက်လက် ရေငုပ်ရှာဖွေလျက်ရှိသည်။

ယနေ့နံနက်ပိုင်း မှစ၍ ခေါင်းလောင်းတော်ကြီး ရှာဖွေရေးတွင် ပါဝင်သော ဗညားလတ် သုံးထပ် သင်္ဘော ရှေ့ဦးပိုင်း၊ အတွင်းပိုင်းနှင့် အနောက်ပိုင်းတို့တွင် ကြံပင်များ၊ ငှက်ပျောပင်များနှင့် အုန်းပွဲ၊ ငှက်ပျောပွဲများ စသည့် ရိုးရာ အစီအမံများ ဆောင်ရွက် ထားပြီး ဆရာတော်၊ သံဃာတော်များက ပရိတ်တရားတော်များနှင့် ဂါထာမန္တာန်များ ရွတ်ဖတ် သရဇ္ဈာယ်လျက် ရှိကြောင်း သိရသည်။

ဆက်လက်၍ မွန်းလွဲ ၁၂ နာရီ ၄၈ မိနစ် တွင် အဆိုပါ သုံးထပ်သင်္ဘောမှ စက်လှေ နှစ်စင်းတွင် တစ်စင်းလျှင် ဆရာတော် တစ်ပါးနှင့် တာဝန်ရှိသူများ စက်လှေခေါင်မိုး ပေါ်မှထိုင်ကာ စက်လှေ တစ်ခုလုံးအား သာသနာ့ အလံများ စိုက်ထူပြီး စလုံ ရေငုပ်သမား ငါးဦးနှင့် စက်လှေသမားများ အပါအဝင် ရှေ့နောက် ထွက်လာပြီး မြစ်လယ်ရှိ မီးစိမ်းပြတိုင်အား လှည့်လည်၍ တရား ရွတ်ဖတ်မှုများ ပြုလုပ်ကြသည်။ ထိုအချိန်သည် ရေစစ်ချိန် ဖြစ်ကြောင်း သိရသည်။

ထိုမီးစိမ်းပြ တိုင်နှင့် ပေ ၃ဝ အကွာခန့်တွင် တစ်ဖက်စီ မှတ်သားထားသည့် အနက် ရောင်ဘောနှစ်လုံးသည် မြုပ်စပြုနေပြီး အစိမ်း ရောင်ဘော နှစ်လုံးအား ထပ်မံ၍ အမှတ်အသားပြုလုပ်ပြီး ထိုအမှတ်အသား နှစ်ခုနှင့် မီးစိမ်းပြတိုင်အား လှည့်လည်၍ မေတ္တာပို့ တရားရွတ်ဖတ်မှုများ ပြုလုပ်ကြသည်။ ထို့နောက် စလုံရေငုပ်သမား တစ်ဦးမှ နှစ်နေရာတွင် ထိုအနက် နှစ်လုံး၊ အစိမ်း နှစ်လုံးအမှတ် အသားပြု ထားသည့်ကြားမှ ရေငုပ်ခဲ့ကြောင်း သိရသည်။ ရေငုပ်သမား တစ်ဦးသည် တစ် နာရီ ကျော်ကြာ ရေငုပ်နေစဉ် အတွင်း ဆရာတော် အပါအဝင် စက်လှေအဖွဲ့သားများမှ လှည့်လည်၍ တရား ရွတ်ဖတ်မှုများ ပြုလုပ် ကြသည်။

သို့ရာတွင် ယနေ့ဓမ္မစေတီ ခေါင်းလောင်းတော်ကြီး ရှာဖွေမှုမှာ ထူးခြားမှု မရှိသေးကြောင်းနှင့် သာကေတ၊ ရှုခင်းသာ၊ အေရှား ဘိုးလင်း အားကစား ခန်းမ အနောက်ဘက် ကမ်းတို့တွင် လာရောက်လေ့လာသူ တစ်ထောင်ကျော်ရှိပြီး ထိုဆိပ်ကမ်းမှ တစ်ဆင့် မြစ်လယ်ရှိ ခေါင်းလောင်းကြီး သယ်ယူရေး စီမံကိန်း နေရာများသို့ စက်လှေ၊ သမ္ဗာန်များ ဖြင့် သွားရောက်ကြည့်ရှု သူများလည်း ရှိကြောင်း သိရသည်။

မောင်မျိုး(ဧရာဝတီ)
မြ၀တီ
https://www.facebook.com/mwdmedia