အာဏာသုံးထိန်းချုပ်ရေးဆီ မြန်မာပြန်သွားနေပြီလို့ အမေရိကန် ဝေဖန်

 ဓာတုလက်နက် စက်ရုံ တည်ဆောက်ဖို့ မြေသိမ်းခဲ့တဲ့ အကြောင်း သတင်း ရေးသားမှု အတွက် ယူနတီ ဂျာနယ် သတင်းထောက် ငါးဦးကို အာဏာပိုင်တွေက အလုပ်ကြမ်းနဲ့ ထောင်ဒဏ် ၁ဝ နှစ် ချမှတ်ခဲ့ ပြီးတဲ့နောက်၊ မြန်မာ အစိုးရဟာ အရင်ကလို စောင့်ကြည့် ထိန်းချုပ်တဲ့ အာဏာရှင်ပုံစံ မျိုးဆီကို ပြန်လည် ဦးတည်နေပြီလို့ အမေရိကန် အမေရိကန် လက်ထောက် နိုင်ငံခြားရေး ၀န်ကြီး မစ္စတာ တွမ် မလီနောစကီး Tom Malinowski က ဝေဖန်ပြောဆိုခဲ့ ပါတယ်။

သမ္မတ အိုဘားမားက အမေရိကန်အစိုးရရဲ့ နိုင်ငံခြားရေးမူဝါဒ မှန်ကန်အောင်မြင်မှုတွေ ရှိခဲ့ကြောင်း ပြောဆိုခဲ့ ရာမှာ မြန်မာနိုင်ငံရဲ့ဒီမိုကရေစီ ပြုပြင်ပြောင်းလဲမှုတွေကို သာဓက တစ်ရပ်အနေနဲ့ ထောက်ပြခဲ့အပြီး မကြာခင်မှာပဲ အခုလို မြန်မာအစိုးရရဲ့ သတင်းထောက်တွေအပေါ် အရေးယူအပြစ်ပေးတာတွေ ပေါ်ပေါက် လာခဲ့တာဖြစ်ကြောင်း AP သတင်းကဖေါ်ပြပါတယ်။

ဒါပေမဲ့ နှစ်ငါးဆယ်ကျော် အာဏာသုံးစစ်အုပ်ချုပ်ရေးကနေ ဒီမိုကရေစီလမ်းကြောင်းပေါ် ခက်ခက်ခဲခဲ လျှောက် နေရတဲ့ မြန်မာအစိုးရနဲ့ အမေရိကန် ပြည်ထောင်စုကြား ထိတွေ့ဆက်ဆံမှုတွေကိုတော့ ဆက်လက်ထားရှိ သွားမှာဖြစ်တယ်လို့ မစ္စတာ မလီနောစကီး ကပြောပါတယ်။

ပြီးခဲ့တဲ့ သုံးနှစ်လောက်ကစပြီး တစုံတရာ လွတ်လပ် ပွင့်လင်းလာခဲ့တဲ့ သတင်းမီဒီယာတွေရဲ့ လွတ်လပ်ခွင့်ကို အကာအကွယ်ပေးဖို့၊ ၂ဝ၁၅ ရွေးကောက် ပွဲကို လွတ်လပ်မျှတပြီး၊ ပြည်တွင်း ပြည်ပက ယုံကြည်လက်ခံအောင်ဆောင်ရွက်ဖို့လည်း တိုက်တွန်းလိုက် ပါတယ်။

RFA Burmese
https://www.facebook.com/pages/RFA-Burmese/39218993127?fref=nf