အလုပ်သမားများကို မြန်မာပြည်ပြန်မပို့ဟု ထိုင်းစစ်ကောင်စီ ဦးသိန်းစိန်ထံ သ၀ဏ်လွှာပို့

 ထိုင်းနိုင်ငံမှာရှိတဲ့ မြန်မာရွှေ့ပြောင်းအလုပ်သမားတွေကို ထိုင်းအစိုးရက မြန်မာပြည်ပြန်ပို့ နေတယ်ဆိုတာ မဟုတ်ဘူးလို့ ထိုင်းအာဏာသိမ်းစစ်ကောင်စီဥက္ကဋ္ဌက သမ္မတဦးသိန်းစိန်ထံ သ၀ဏ်လွှာပေးပို့ပြီး အကြောင်းကြားလိုက်ပါတယ်။

ထိုင်းအစိုးရအနေနဲ့ မြန်မာအလုပ်သမားတွေကို အင်အားအသုံးပြုခြင်း၊ နိုင်ငံမှ ထွက်ခွာစေလိုခြင်း မရှိတာကြောင့် မြန်မာအစိုးရနဲ့ မြန်မာပြည်သူတွေ မစိုးရိမ်ဖို့လည်း သ၀ဏ်လွှာမှာ ဖော်ပြထားပါတယ်။

ဒါ့အပြင် ထိုင်းစစ်ကောင်စီအနေနဲ့ ထိုင်းနိုင်ငံမှာ အလုပ်လုပ်နေကြတဲ့ ရွှေ့ပြောင်းအလုပ်သမားတွေ အခွင့်အရေး အပြည့်အ၀ရရှိအောင် လုပ်ဆောင်ပေးနေတယ်လို့လည်း သ၀ဏ်လွှာက ဆိုပါတယ်။

By ဒီဗွီဘီ
http://burmese.dvb.no/archives/60880

မဲဆောက်ရှိ အထည်ချုပ်စက်ရုံတခုကမြန်မာရွှေ့ပြောင်း အလုပ်သမားတဦး (ဓာတ်ပုံ- ရိုက်တာ)