ဧရာဝတီတိုင်းဒေသကြီး၊ ပုသိမ်ခရိုင် သာပေါင်းမြို့နယ် ကွင်းပေါင်းကျေးရွာမှာ စိုက်ပျိုးရေးဘဏ်ကနေ လယ်သမားတွေက ထုတ်ချေးတဲ့ငွေအပေါ် အုပ်ချုပ်ရေးမှူးက အကြောင်းပြချက်မပေးဘဲ နှုတ်ယူတာတွေ ရှိတာကြောင့် ဒီနေ့ ကွင်းပေါင်းကျေးရွာက လယ်သမား ၃၀ လောက်က သာပေါင်းမြို့နယ် တရားရုံးရှေ့မှာ ကန့်ကွက် ဆန္ဒပြခဲ့ကြပါတယ်။
သာပေါင်းမြို့နယ် အုပ်ချုပ်ရေးမှူးက လယ်သမားတွေရဲ့ ချေးငွေထဲက ငွေ ၁ သိန်းချေးရင် ၅၀၀ ကျပ် ကောက်ခံခဲ့တာကို ကန့်ကွက်တာဖြစ်ကြောင်းသိရပါတယ်။
အဲဒီကိစ္စကို သာပေါင်းမြို့နယ်တရားရုံးကို တိုင်ကြားတဲ့အခါမှာလည်း အရေးယူဆောင်ရွက်ပေးတာ မရှိကြောင်း ဆန္ဒပြရာမှာပါဝင်တဲ့ ကွင်းပေါင်း ကျေးရွာသား ဦးအေးဖေက ပြောပါတယ်။
" လယ်တစ်ဧကကို ၅၀၀ ကောက်တဲ့ဟာက လုံးဝ ဥပဒေနဲ့ ဆန့်ကျင်တယ်၊ ဧက ၂၀၀၀ ကျော် ပိုက်ဆံကို တွက်လိုက်မယ်ဆိုရင် ၁၀ သိန်းကျော်တယ်၊ အဲ့ကိစ္စကို ကန့်ကွက်တယ်ဆိုပြီး ကျွန်တော်တို့က ပြောတယ်၊ ပြောတဲ့ဟာကို သူတို့က အဲ့ငွေနဲ့ ပတ်သက်ပြီးတော့ လယ်သမားတွေဆီက ယူလိုက်တယ်၊ ကျွန်တော်တို့က အဲ့ဒါနဲ့ ပတ်သက်ပြီးတော့ တိုင်လိုက်တယ်၊ နောက်ဆုံး ရဲကို အမှုဖွင့်လည်းမရ ဘယ်မှမရတဲ့ အခါကျတော့ ကျွန်တော်တို့ တရားရုံးကို တိုင်တယ်၊ တရားရုံးကို တိုင်တဲ့အခါကျတော့ ကျွန်တော်တို့ကို တရားရုံးက ဒီနေ့ထိ ၂ ခါပဲစစ်တယ်၊ အဲ့ ၂ ခါပြီးတည်းက ဒီနေ့ထိ ဘာမှမလုပ်ပေးတော့ဘူး"
ကွင်းပေါင်းကျေးရွာက လယ်သမား ၂၀၀ လောက်ပိုင်ဆိုင်တဲ့ လယ်မြေဧက ၂ ထောင်ကျော်အတွက် ပြီးခဲ့တဲ့ မိုးရာသီနဲ့ ဆောင်းရာသီမှာ စိုက်ပျိုးရေးဘဏ်ကနေ လယ် ၁ ဧကကို ငွေ ၁ သိန်း ၂ ကြိမ် ထုတ်ချေးခဲ့တာ ဖြစ်ပါတယ်။
RFA Burmese
စိုက်ပျိုးစရိတ်ချေးငွေ နှုတ်ယူခံရမှု သာပေါင်းလယ်သမားတွေ ကန့်ကွက်ဆန္ဒပြ
Reviewed by သစ်ထူးလွင်
on
03:41
Rating:
Reviewed by သစ်ထူးလွင်
on
03:41
Rating:
