James Mackay ရဲ့ ဒေါ်အောင်ဆန်းစုကြည် ဓါတ်ပုံ PX3 ဂုဏ်ထူးဆောင် ဆု ဆွတ်ခူး

ပြင်သစ်နိုင်ငံက ဓါတ်ပုံပညာရှင်တွေ ဦးစီးပြီး နှစ်စဉ် ကျင်းပတဲ့ PX3 နိုင်ငံတကာ ဓါတ်ပုံပြိုင်ပွဲမှာ ဒီနှစ်အတွက် ဒေါ်အောင်ဆန်းစုကြည်ရဲ့ ဓါတ်ပုံကို ဂုဏ်ထူးဆောင် ချီးမြှင့်ခဲ့ပါတယ်။
James Mackay
ပြင်သစ်နိုင်ငံက ဓါတ်ပုံပညာရှင်တွေ ဦးစီးပြီး နှစ်စဉ် ကျင်းပသော PX3 နိုင်ငံတကာ ဓါတ်ပုံပြိုင်ပွဲတွင် ၂၀၁၁ ခုနှစ်အတွက် ဂုဏ်ထူးဆောင်ဆု ရရှိခဲ့သည့် အင်္ဂလန်နိုင်ငံသား
James Mackay ရိုက်ကူးခဲ့သော ဒေါ်အောင်ဆန်းစုကြည်၏ ဓါတ်ပုံ ဖြစ်ပါသည်။
ဓါတ်ပုံပညာရှင် အင်္ဂလန်နိုင်ငံသား James Mackay က ဒီနှစ်ဆန်းပိုင်းလောက်မှာ ဒေါ်အောင်ဆန်းစုကြည်ရဲ့နေအိမ်ကို သွားရောက် တွေ့ဆုံ ရိုက်ယူခဲ့တဲ့ ဓါတ်ပုံ ဖြစ်ပါတယ်။ ဒီဓါတ်ပုံမှာ အများရဲ့ ယုံကြည် လေးစားမှုကို စေ့ဆော်ပေးတဲ့ ဒေါ်အောင်ဆန်းစုကြည်ရဲ့အရှိန်အ၀ါ သဘောသဘာဝ ပေါ်လွင်အောင် အမိအရ ရိုက်ယူလိုက်နိုင်တဲ့အတွက် သူ့အနေနဲ့ အလွန် ကံကောင်းတယ် လို့ James Mackay က အာအက်ဖ်အေကို ပြောပါတယ်။ ပြိုင်ပွဲဝင် ဓါတ်ပုံဆရာ အများစုရဲ့ ပုံတွေဟာ လစ်ဗျားနိုင်ငံလို စစ်ဖြစ်နေတဲ့ ဒေသက ဓါတ်ပုံတွေပါ။ ဒါတွေဟာ အလွန် အရေးကြီးပါတယ်။ အခု ကျနော်ရိုက်ထားတဲ့ ဒေါ်အောင်ဆန်းစုကြည်ပုံမျိုးဟာ အရင် ၁၉၉၆ ခုနှစ် က ဓါတ်ပုံဆရာ Nic Dunlop ရိုက်ခဲ့တဲ့ပုံမျိူးနဲ့တူပါတယ်။ ဒါပေမဲ့ ကျနော် အလွန် ကံကောင်းတယ်လို့ ပြောရမှာပါ။ ဒေါ်စုရဲ့အိမ်မှာ တွေ့ဆုံခွင့်ရပြီး အများ လေးစားမှုကို ရယူနိုင်တဲ့ သူရဲ့ အရှိန်အ၀ါ သဘော ကို ပေါ်လွင်အောင် ရိုက်ယူနိုင်ခဲ့လို့ပါ။ ဓါတ်ပုံမှာ ပေါ်လွင်နေတဲ့ အဲဒီ သဘော သဘာဝ ကိုပဲ အကဲဖြတ် ဒိုင်လူကြီးတွေ စိတ်ကြိုက်တွေ့သွားတာ ဖြစ်နိုင်ပါတယ် လို့ ပြောသွားတာပါ။ နေအိမ်မှာ ၁၅နှစ်နီးပါး အကျယ်ချုပ် ထိန်းသိမ်းခံထားရတဲ့ ဒေါ်အောင်ဆန်းစုကြည်ကို ဓါတ်ပုံရိုက်ခွင့် ရဖို့ သူ့အနေနဲ့ နှစ်နဲ့ချီပြီး စောင့်ဆိုင်းခဲ့ရတယ်လို့ James Mackay က ဆိုပါတယ်။ PX3 နိုင်ငံတကာ ဓါတ်ပုံပြိုင်ပွဲရဲ့ ထူးခြားချက်က နိုင်ငံတကာမှာ ဖြစ်ပျက်နေတဲ့ ပဋိပက္ခ စစ်ပွဲတွေ၊ လူ့အခွင့်အရေး ချိူးဖောက်ခံရတာတွေ၊ လူသားတွေ ရင်ဆိုင်နေရတဲ့ ဆင်းရဲဒုက္ခတွေကို ရိုက်ကူး ထားတဲ့ ဓါတ်ပုံတွေ ယှဉ်ပြိုင်တာ ဖြစ်ပါတယ်။ ဒီနှစ်အတွက် အိန္ဒိယနိုင်ငံသား ဓါတ်ပုံပညာရှင် ရိုက်ကူးထားတဲ့ မျက်မမြင်ကျောင်းက ကလေးတွေရဲ့ အုပ်စုလိုက်ဓါတ်ပုံကို အကောင်းဆုံး ဓါတ်ပုံဆု အဖြစ် ရွေးချယ်ခဲ့ပါတယ်။ ဆုပေးပွဲ အခမ်းအနားကို ဇွန်လ (၂၉)ရက်နေ့ ပြင်သစ်နိုင်ငံ ပဲရစ်မြို့မှာ ကျင်းပမှာဖြစ်ပါတယ်။

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ