မြောက်အတ္တလန္တိတ် စစ်စာချုပ် အဖွဲ့ NATO ဘက်က အရှေ့ပိုင်းကို ဦးတည် ချဲ့ထွင်မှု အဆုံးသတ်ဖို့ အာမခံချက် မပေးဘူးဆိုရင်တော့ ရုရှားဘက်ကလည်း စစ်ရေး အရ တုံ့ပြန်မှာ ဖြစ်သလို နည်းဗျူဟာမြောက် နျူးကလီးယား လက်နက်တွေ ချထားသွားမယ့် အကြောင်း ထိပ်တန်း ရုရှား သံတမန် တဦးက သတိပေးလိုက်ပါတယ်။
ရုရှားဘက်က ခန့်မှန်းခြေ တပ်ဖွဲ့ဝင် ၁၀၀,၀၀၀ လောက် ချထားတဲ့ ယူကရိန်း နယ်စပ်အနီးမှာ ရုရှား စစ်ရေး လှုပ်ရှားမှုတွေကြောင့် အလျင်အမြန် ကြီးထွားလာနေတဲ့ ပြသနာကို ဖြေလျှော့ရေး ရည်ရွယ်ပြီး အမေရိကန် သမ္မတ Joe Biden နဲ့ ရုရှား သမ္မတ Vladimir Putin တို့ ဗွီဒီယို ကွန်ဖရင့်စ်နဲ့ ၂ နာရီကြာ တွေ့ဆုံ ဆွေးနွေးခဲ့ကြတာပါ။
ဒီလို ဆွေးနွေးပြီး ရက်ပိုင်း အကြာမှာ ရုရှား ထိပ်တန်း သံတမန်ထံက ထွက်ပေါ်လာတဲ့ မှတ်ချက်ကြောင့် ရုရှားနဲ့ အနောက် အင်အားကြီး နိုင်ငံတွေကြား ထိပ်တိုက်တွေ့မှုမှာ အန္တရာယ် ပိုကြီးလာပါတယ်။ ယူကရိန်းရဲ့ ခရိုင်းမီးယား ကျွန်းဆွယ်ကို ၂၀၁၄ ခုနှစ်မှာ ရုရှားက ကျူးကျော် သိမ်းပိုက်ခဲ့မှု၊ နောက် ရုရှားနဲ့ နယ်ချင်းဆက်နေတဲ့ ယူကရိန်း အရှေ့ပိုင်း Donbas ဒေသရဲ့ အများစုကို သိမ်းယူခဲ့တာပါ။
ဒီလို ပုံစံမျိုး အတိုင်း ယူကရိန်းကို နောက်ထပ် စစ်ရေး အရ ကျူးကျော်ဖို့ ရုရှားသမ္မတ Putin က စဉ်းစားနေတယ်ဆိုတဲ့ အပေါ်မှာ စိုးရိမ်နေကြချိန်မှာဘဲ ရုရှား ဒုတိယ နိုင်ငံခြားရေး ဝန်ကြီး Sergei Ryabkov ရဲ့ ခြိမ်းခြောက်မှု ထွက်ပေါ်လာတာ ဖြစ်ပါတယ်။
၂၀၁၄ ခုနှစ်က အဖြစ်မျိုး ထပ်ဖြစ်လာရင် သိသာ ထင်ရှားတဲ့ အကျိုးဆက်တွေ ရှိလာမယ်၊ နောက် ရုရှားဘက်က မတည်မငြိမ်ဖြစ်စေတဲ့ လုပ်ရပ်မျိုး ရှိလာရင် အနောက်နိုင်ငံတွေက တညီတညွတ်တည်း တုံ့ပြန်မှုနဲ့ ရင်ဆိုင်ရမယ်လို့ ဗြိတိန် ဝန်ကြီးချုပ် Boris Johnson က တနလာင်္နေ့မှာ ရုရှားသမ္မတနဲ့ ဖုန်းဆက်သွယ်မှု အတွင်းမှာ သတိပေးထားပါတယ်။
ဗွီအိုအေ (မြန်မာပိုင်း)
NATO အရှေ့ဘက် ချဲ့ထွင်မှုမရပ်လျှင် ရုရှားစစ်ရေးအရ တုံ့ပြန်မည်
Reviewed by THITHTOOLWIN
on
05:14
Rating:
Reviewed by THITHTOOLWIN
on
05:14
Rating:
No comments:
Post a Comment